Deustuko zubian interbentzino artistikoak egiteko deialdia zabaldu dau EHUk
2016-05-30 10:23 Kulturea
Zubia altzetako makinaria gordeten dan etxolan, proiektu artistikoak proponidu ahal izango ditue EHUko Arte Eder Fakultadeko ikasleek eta doktoregaiek. Bagilaren 12ra arteko epea daukie lehiaketara aurkezteko eta proposamenik onenak hilebetez egongo dira ikusgai.
Lau proiektu aukeratu ditue 'VIII. Artistak Egoitzan' programan
2016-05-30 08:50 Kulturea
Olatz Gorrotxategiren 43º13’44’’N; Marta Álvarezen, Jon Koldo Vázquezen eta Atxarte López de Munainen (MAuMA) KT83 jantza-site specific proiektua; Parasite Kolektiboaren Hot Water; eta, azkenik, Esku Harriak: Oteizaren (h)aria jantza piezea (euskeraz) Mugmus Laborategia konpainiaren lehenengo lana.
ACTk, Lan Laburren Antzerkialdiak, 70 artista batuko ditu bagilaren 1etik 4ra
2016-05-26 08:47 Kulturea
Bilbon eta Barakaldon ikusi ahal izango dira ACT jaialdiaren 13. edizinoko antzezlanak. Bertoko eta kanpoko 70 artista inguruk formatu laburreko 15 pieza eskainiko ditue eta, ganera, berbaldiak, topaketak eta tailerrak egongo dira.
Munduko Txotxongilo Jaialdia Donostian eta Tolosan, maiatzaren 28tik bagilaren 5era
2016-05-27 12:35 Kulturea
World Puppet Festival jaialdiak munduko txotxongilo-ikuskizunik onenetako batzuk erakutsiko ditu, DSS2016Eu eta Tolosako TOPICen arteko alkarlanari esker. Danetara, mundu osoko 30 konpainia baino gehiago izango dira gurean.
Kultura Auzolanean planeko asmo gehienak erabat bete dira
2016-05-25 12:10 Kulturea
Eusko Jaurlaritzeak, erkidegoko beste erakunde publikoek eta eragile pribadu ugarik abian ipinitako plana da Kultura Auzolanean. Hogei egitasmo zehatz garatzeko helburua ia erabat bete dala azpimarratu dau Joxean Muñoz Jaurlaritzako Kultura sailburuordeak, 2014-15 aldiaren balantzea egiteko ekitaldian. Proiektu kultural estrategikoak aurrera atarateko, alkarlana ezinbestekoa dala ganeratu dau.
VI. Aixe Getxo! sariek 14 kultur ekimen eta eragileren lana autortu dabe
2016-05-25 12:34 Kulturea
Sarion helburua da Kultura munduan lan egiten daben udalerriko personak eta ekimenak, arte eszenikoetan, baloreen hezkuntzan, musika klasikoan, arkitekturaran, literaturan, zientzian zein barrikuntzearen esparruetan lan egiten dabenak saritzea.
Blas de Oteroren omenezko poesia jardunaldiak egingo ditue Bilbon
2016-05-25 08:26 Kulturea
Ehun urte bete dira aurten, Blas de Otero idazle bilbotarraren jaiotzatik. Ekitaldi ugari antolatu ditue mendeurrenaren harira. Esaterako, maiatzaren 30etik bagilaren 4ra, literatura topaketea egingo dabe Bizkaiko uriburuko Bidebarrieta liburutegian.
Louise Bourgeois artisteari eskainitako instalazinoa, zapatura arte Bilboko Arriaga plazan
2016-05-27 11:43 Kulturea
Guggenheim Museoaren ekimenez, kutxa baltz berezi bat ipini dabe Arriaga antzokiaren aurreko plazan. Barruan, bideo-instalazino batek Louise Bourgeois sortzailearen obrea eta bere bizitzako pasarteak erakusten deutsez sartzen diranei. Barikuan eta zapatuan egongo da instalazinoa Arriagan eta doban bisitau ahal izango da. Irailera arte Guggenheimen dagoan erakusketearen osogarri da ekimen hau.
'Bilbao You Week', bideo-jokoen eta You Tube sare sozialean edukiak sortzearen zale diranen lehenengo topaketea
2016-05-25 10:34 Kulturea
Gazteria eta Kirol Sailak, lau youtuber eta gamerregaz batera (Naty Penadas, Koala Rabioso, Joseba Hurtado de Saratxo eta Saúl Mayorga) sustatutako ekimena da, interneteko sare sozialik handienean edukiak sortzeaz eztabaidatzeko.
Antzerki, jantza eta musikalik onenak Arriaga Antzokiaren urtearen amaierara arteko programazinoan
2016-05-23 15:45 Kulturea
Arriaga Antzokian arte eszeniko guztiek dabe lekua, baina abuztutik abendura bitartean antzerki programazinoa nabarmendu behar da beste guztien gainetik, antzezlan handiak eta lehen mailako artistak etorriko diralako. Kasu batzuetan, erabateko estreinaldiak izango dira, berbarako, irailaren 15etik 18ra bitartean karteldegian egongo dan Claudio Tolcachirrek zuzendutako La Mentira.
Leioako Umore Azokan 38.000 ikusle egon dira
2016-05-23 15:26 Kulturea
Eguenetik domekara bitartean egin da Leioako Umore Azokea eta antolatzaileek balorazino positiboa egin dabe. Publikoaren harrera onaz ganera, jarduera profesionala egon dala nabarmendu dabe. Epaimahaiak, Vendaval, Philo & Jole eta Larruaren proposamenak saritu ditu.
Bilboko Azkuna Zentroak 'Prototipoak', formatu artistiko barrien nazinoarteko topaketea hartuko dau
2016-05-25 16:23 Kulturea
Azkuna Zentroak Forma Artistiko Barrien Nazinoarteko Topaketea antolatu dau maiatzaren 25etik 28ra arte, Prototipoak izenburuagaz. Topaketa honek 3, 2, 1. Forma Eszeniko Barrien Nazinoarteko Topaketea programeari jarraipena emon nahi deutso.
Labayruk lankidetza hitzarmena sinatu dau Jaurlaritzeagaz eta Bizkaiko Foru Aldundiagaz
2016-05-23 12:18 Kulturea
Akordioaren arabera, hurrengo lau urteetan lanean segidu ahal izateko laguntzinoa emongo deutsie Eusko Jaurlaritzeak eta Bizkaiko Foru Aldundiak Labayru Fundazinoari. Euskerearen ikerketan, normalizazinoan eta zabalkundean erakunde estrategikoa da Labayru, Lorea Bilbao Bizkaiko Kultura diputaduaren esanetan.
Astegoien honetan, maiatzaren 21ean eta 22an egingo da Portugaleteko XI. Folklore Azokea
2016-05-20 14:33 Kulturea
Aurtengo ekitaldi deigarrienetakoa, datorren domekan egingo dan Portugaleteko ezpata-jantzearen estreinaldia izango da. Portugaleten, XVII. mendean, Corpus Christi ospakizunean ezpata-jantzea izaten zala erakusten dabe agiriek eta testigantza horreek oinarri hartuta dator ezpata-jantzea.
Balio handiko Paleolitoko pinturak topau ditue Atxurrako kobazuloan
2016-05-24 12:59 Kulturea_content.JPG)
Orain dala 14.000 urteko 70 marrazki inguru topau ditue orain arte eta, alde horretatik, Euskal Herriko kobazulorik aberatsenetako bat da Atxurra, Berriatuko udalerrian. Irudi batzuek balio arkeologiko itzela daukie eta, horregaitik, Diego Garate arkeologoak adierazo dau, Santimamiñe topau zanetik ez dala antzeko aurkikuntzarik egin Bizkaian. Margolanak ezin izango dira bisitau, hango ondarea babesteko.
Radio Euskadiren historia liburu baten batu dau Leyre Arrietak
2016-05-20 12:38 Kulturea
La historia de Radio Euskadi lanean, 1936tik gaur egun arte euskal irrati publikoak euki dituan gorabeherak eta zailtasunak aztertu ditu Leyre Arrieta Deustuko Unibersidadeko irakasleak. Gerra denporan hasita, ondoren Ipar Euskal Herritik eta Venezuelatik emitidu eta gaur egungo egoitza modernora heldu arteko sasoiak ezagutu leitekez liburuan.
Bart banatu ditue Bilbon XXVIII. Rafael Mikoleta Ipuin Lehiaketako sariak
2016-05-20 09:20 Kulturea
Bilboko Udaleko Euskera eta Hezkuntza sailak antolatutako lehiaketeak, lehenengo euskal gramatikea idatzi eban Rafael Mikoletaren izena daroa eta urtero egiten da 1989tik. Helburua, gaztetxuek euskal literaturea eta euskerea jorratzea da.
UPV/EHUk 410 doktore barri izentauko ditu
2016-05-20 08:51 Kulturea
Danetara, igaz 222 emakumek (% 54) eta 188 gizonek (% 46) irakurri eben tesia UPV/EHUn. 2015an, beraz, 410 tesi egin zituen. Era berean, 2012/13ko doktoregoko 40 sari bereziak be emongo dira ekitaldi honetan.
Antzerkirako pentsautako zazpi testu batu ditu Oier Guillanek 'Mr. Señora' liburuan
2016-05-20 08:23 Kulturea
Gaiaren eta idazteko erearen aldetik independenteak diran zazpi idazlan dakarz Mr. Señora liburuak (Txalaparta). Galderak sortzen dituen istorioak dira, Oier Guillanen esanetan, eta egokitu jakenagaz konforme ez dagozan personaiak dira ardatza. Oholtza ganerako pentsautako testuak diran ezkero, Zarauzko Literaturian antzeztuko dabe Mr. Señora, hilaren 21ean.
Ernest Hemingwayren ibilbidea gogoratu dabe Bilbon
2016-05-19 12:40 Kulturea
John Hemingway, nobel saridunaren lobea, haren aititak Euskal Herrian gehien ibilitako lekuak bisitetan dabil egunotan, Eusko Jaurlaritzeak, EAEko hiru uriburuetako udalek eta Urdaibai eskualdeko Landa Garapenerako Urremendi Alkarteak konbidauta. Gidari lanak Edorta Jimenez idazleak egin ditu.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...