Zidarrezko Euskadi Saria emongo deutsie Gipuzkoako liburu-dendek Alaine Agirreri
2016-04-13 10:38 Kulturea
Maiatzaren hasikeran egingo dan Literaktum jaialdiaren harira, 2015eko liburu aitagarrienak aukeratu ditue Gipuzkoako liburu-saltzaileek. Euskerazko atalean, Alaine Agirreren X hil da nobelea aukeratu dabe eta, hortaz, idazle bermeotarrari Zidarrezko Euskadi saria emongo deutsie. Gaztelaniazko atalean, James Rhodes-en Instrumental saritu dabe.
Nazinoarteko 406 ikertzaile gazte aurkeztu dira Ikerbasquek EAEn lan egiteko egin dauen deialdira
2016-04-12 11:00 Kulturea
Ikerbasque Zientziaren Euskal Fundazinoak gazte talentuei zuzendutako Research Fellow programearen bosgarren deialdia zarratu barri dau, eta harrerea upealakoa izan da nazinoarteko komunidade zientifikoan, 406 ikertzaile aurkeztu baitira Euskal Autonomia Erkidegoko (EAE) ikerketa zentro eta unibersidadeetan lan egiteko eskaintzen diran 15 lanpostuetarako
Expoesia, poesia esperimentalaren biurtekoa, egingo dabe Bizkaiko sei udalerritan
2016-04-11 15:19 Kulturea
Euskadiko olerkigintza espermentalari lekua egiteko asmoz antolatu dabe Expoesiaren bosgarren ekitaldia. Arte-erakusketak, eztabaidarako mahaiak, bideo-proiekzinoak, errezitalak, liburuen aurkezpenak eta abar egongo dira. Aurtengo edizinoa dozena bat lekutara helduko da, tartean Bizkaiko sei udalerritara: Basauri, Barakaldo, Sestao, Portugalete, Gernika-Lumo eta Bilbo.
Leioako Umore Azokan izena emoteko epea zabalik dabe profesionalek
2016-04-11 11:32 Kulturea
Maiatzaren 19tik 22ra egingo da Leioako Umore Azokea, kaleko artisten topalekua. Bertan parte hartu nahi daben profesionalek izena emoteko aukerea daukie, apirilaren 29ra arte. Igaz, ehun profesional, banatzaile eta programatzaile inguru egon ziran Leioan eta, arrakasta horretatik tiraka, topaketearen alderdi komertziala sendotu nahi dabe antolatzaileek.
Liburu Enkartauaren I. Azokea Sopuertan
2016-04-08 15:32 Kulturea
Lemuria alkartearen ekimenez, Enkarterriko erdigunean dan Sopuertako Mercadillo auzoko frontoi estalian egingo da Liburu Enkartauaren I. Azokea, apirilaren 15etik 17ra bitartean. Bertan, 14 argitaletxe, idazle, ikerlari, talde eta alkarteren liburu, idazki eta aldizkarigaz batera, 13 libururen aurkezpenak egongo dira, baita 9 berbaldi, trikitixa, txalaparta, antzerki obra oso bat, eta ume zein gaztetxuentzako ekimenak.
50 urte baino gitxiagoko 150 unibersidade onenen artean dago EHU
2016-04-07 17:50 Kulturea
Euskal Herriko Unibertsitatea (EHU) 50 urtetik behera dituen 150 unibersidade onenen artean dago, Times Higher Education 150 Under 50 2016 izeneko sailkapenaren arabera. Estaduko beste 9 unibersidade baino ez dagoz 150 Under 50 2016 dalakoan, eta EHU, 1980. urtean sortutakoa, lehenengo aldiz sartu da sailkapen horretan, 101-150 bitarteko postuen artean.
Umeentzako lau liburu barri argitaratu ditu Elkarrek
2016-04-07 17:21 Kulturea
Pello Añorgak, Castillo Suarezek, Paddy Rekaldek eta Ana Jakak idatzitako lau liburu plazaratu ditu Elkar argitaletxeak. Umeen literaturako aleak dira laurak eta honeek izan dira ilustratzaileak: Mikel Valverde, Eider Eibar, Belatz eta Patxi Gallego.
'Hurbildu zaitez Punta Begoñara' erakusketeak galerien bilakaera historikoa nabarmenduko dau
2016-04-07 12:54 Kulturea
Ricardo Bastida y Bilbao arkitektoak diseinau eban eraikuntzea, Horacio Echevarrieta industria-gizonaren enkarguz eta erakusketeak monumentuaren historia azalduko dau 1918. urtean hasita egun arte. Labarra eusteko horma lez sortu eben baina ondoren beste erabilera batzuk izan zituan eraikinak; berbarako, Gerra Zibilean Errepublikako ospitalea izan zan, baita aginte-italiarraren kuartel nagusia be.
Elkar fundazinoak Ibilbidea saria emongo deutso Gerediaga alkarteari
2016-04-06 18:00 Kulturea
Lehenengo aldiz emongo dau aurten Elkar fundazinoak Ibilbidea saria eta Gerediaga alkartea aukeratu dau aurreneko ekitaldi honetarako. Durangoko Azokea antolatzen 50 urtez egin dauen lanagaitik gorazarre egingo deutsie Durangaldeko alkarteari. Apirilaren 21ean izango da sari-emote ekitaldia, Andoainen.
2016ko 'Auzolandegiak' programan izena emoteko epea zabalik dagoeneko
2016-04-06 12:34 Kulturea
Eusko Jaurlaritzako Gazteria eta Kirol Zuzendaritzeak Auzolandegiak programan izena emoteko epea zabaldu dau gaur, apirilak 6, eta holan egongo da apirilaren 12ra arte. Aurten 602 plaza eskaintzen ditu Euskadik (igaz baino 125 plaza gehiago): horreetatik 360 Euskadiko auzolandegietan izango dira; 150 Estaduko ganerako Autonomia Erkidegoetan, eta 92 atzerrian, Europa, Afrika, Asia eta Amerikako herrialdeetan.
Munduko Kontu Kontalariak gurean
2016-04-06 11:02 Kulturea
Apirilean, mundu osoko narratzaileak hurreratzen dira gurera Munduko Kontu Kontalarien Jaialdira. Gaur, apirilaren 6an hasi eta 9ra bitartean, Kamel Zouaoui (Frantzia/Aljeria), Sandra Rossi (Argentina), Nicolás Lubo (Kolombia), Bonaí Capote (Ekuatore Ginea) eta May Gorostiaga (Euskadi) izango dira gure artean, Arrasate, Berriz, Durango, Elorrio eta Oñatin egingo diran ekitaldietan.
Bidaiarien Txokoa, apirilaren 11tik 29ra Santutxun eta Txurdinagan
2016-04-06 10:34 Kulturea
Urruneko parajeetan bizi izandako abenturei, bidaia ikusgarriei eta mendiari eskainitako zikloak 13. edizinoa beteko dau aurten. Bilboko Udalak aurreratu dauenez, berbaldiak, proiekzinoak eta erakusketak egongo dira. Ohiko legez, Begoñako udaltegian (Txurdinaga auzoan) izango dira ekitaldiak eta, lehenengo aldiz, baita Santutxukoan be.
Bilboko Arte Eder Museoan lan egiteko beken deialdia zabalduko dabe
2016-04-05 11:33 Kulturea
Zazpi prestakuntza beka lortzeko deialdiari esker, gazteei museoen testuinguru profesionalera hurreratzen lagundu nahi deutsie. Apirilaren 11tik 30era bitartean emon ahal izango da izena 2016-17 ikasturteko programan parte hartzeko. Bilboko Arte Eder Museoaren bekak Gondra Barandiaran fundazinoak babesten ditu.
Lau ikuskizun eta film laburrak Bilboko Errekaldeko Umorezko IV. Antzerki Erakustaldian
2016-04-04 15:20 Kulturea
Bilboko Udaleko Kultura Sailak Errekaldeko Umorezko Antzerki Erakustaldiaren IV. edizioa inaugurauko dau datorren barikuan; erakustaldia apirileko lau barikuetan (8, 15, 22 eta 29an) egingo da Errekaldeko udaltegian.
Ume eta gazte literaturan balore ez-sexistak bultzatuko ditue 'Irakurleak eraikitzen' jardunaldian
2016-04-04 11:34 Kulturea
Apirilaren 5ean eta 6an, berbaldiak eta mahai-inguruak antolatu ditu Bizkaiko Foru Aldundiak, Irakurleak eraikitzen izenburupean. Hirugarrenez egingo dabe jardunaldia eta, aurten, ume eta gazte literaturan sexismoaren aurkako baloreak bultzatzera bideratuko dabe egitaraua. Bilbon, Foru Liburutegian izango dira saioak, doban.
Apirilaren 3an, ate edegiak Bizkaiko Arkeologi Museoaren 7. urteurrena ospatzeko
2016-04-01 14:27 Kulturea
Datorren domekan, apirilaren 3an, zazpigarren urteurrena beteko dau Arkeologi Museoak eta urteurrena ospatzeko, ate edegien jardunaldi bat antolatu dau; era horretara, bisitariek aukerea izango dabe Apain-mahaiko istorioak: kosmetika eta edertasuna antxinatean aldi baterako erakusketea ikusteko eta gogoan izan egun horretan bertan zarratuko dala erakusketea.
18. urteurrena ospatzeko Gernikako Bakearen Museoak memoria historikoaren inguruko mintegi bi antolatu ditu
2016-04-01 12:33 Kulturea
Gernikako Bakearen Museoak 1998ko apirilaren 7an edegi zituan ateak 1937ko apirilaren 26ko bonbardaketea gogoratzeko eta ezagutarazoteko asmoagaz. Orain, 18. urteurrena ospatzeko Gernikako Bakearen Museoa Fundazinoak eta Dokumentazino Zentroak memoria historikoaren inguruko nazinoarteko mintegi bi antolatu ditu: apirilaren 7an bata, eta bagilaren 16an bestea.
Literaldia jaialdiak euskal literaturea eroango dau apirilean Bartzelonara
2016-03-31 17:27 Kulturea
Literaturea oinarri dala, baina beste sormen lan batzuei atea zarratu barik, erabarrituta dator aurten Literaldia, Bartzelonako Euskal Etxearen topaketa literarioa. Apirilaren 1etik 29ra bitartean, Kataluniako uriburua euskal literaturearen eta kulturearen erakusleiho izango da.
Hilebete dago Bilbao Bizkaia Ur Patzuergoaren Umeentzako II. Marrazki Lehiaketan lanak aurkezteko
2016-03-31 11:36 Kulturea
Bilbao Bizkaia Ur Partzuergoak umeentzako marrazki lehiaketearen bigarren edizinoa abiarazo dau; 6 eta 14 urte bitarteko umeek parte hartu ahal izango dabe eta helburua uraren garrantziaz sensibilizetea eta bizitzarako ezinbestekoa dan baliabide horregazko umeeek daben ikuspegia ezagutzea da.
Burdinbidearen Museoko lurrunezko trenek asteburuetako ibilaldiei berrekingo deutse apirilaren 2an
2016-03-30 14:39 Kulturea
Udabarriagaz batera, antxinako tren klasikoez disfrutetako aukerea bueltan da Burdinbidearen Euskal Museoan, Euskotrenek azaldu dauenez. Apirilaren 2an hasita, asteburu guztietan egongo dira ibilaldiak lurrunezko trenean, Azpeitiko instalazinoetatik abiatuta. Zapatuetan bidaia bi egongo dira eta domeketan bat.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...