Zubi egitasmoa abian euskerazko antzerkigintzea sustatzeko
2012-06-21 15:28 Kulturea
Egitasmoa bultzatu daben eragileak dira Luhusoko Harri Xuri Karrikako arteen fabrika (Lapurdi), Donazaharreko Herri Antzokia (Nafarroa Beherea), Durangoko San Agustin Kultur Gunea (Bizkaia), Leioako Kultur Leioa (Bizkaia), Zornotzako Ametx Zornotza Aretoa (Bizkaia), Elorrioko Arriola Aretoa (Bizkaia) eta Aulestiko Artedrama Euskal Laborategia (Bizkaia).
2013ko behin-behineko arte egitaraua: 4 aldi baterako erakusketa eta Bilduma Iraunkorraren aurkezpen 2
2012-06-21 11:19 Kulturea
Guggenheim Bilbao Museoak bere ibilbide osoan arreta berezia ipini deutse tokiko artistek sortutako artelan moderno eta gaur egungoei eta horreek nazinoartean ezagutarazoten lagundu dau. Izan be, urteko azken erakusketeak Euskal Autonomia Erkidegoagaz loturak dituen artistak batuko ditu. Ganera, egun sortzen dagozan hainbat euskal artisten lanen aukeraketea aurkeztuko da.
Neanderthal gizakien ganeko erakusketea, Bilboko Arkeologi Museoan
2012-06-20 15:52 Kulturea
Burgoseko Giza Eboluzinoaren Museotik neanderthalei buruzko erakusketea ailegau barri da Bilboko Arkeologi Museora. Euskal Herriko aztarnategietako objektuak be ikusgai dagoz, besteak beste, Bizkaiko Arlanpe eto Axlor kobetakoak. Neanderthalak, Iberiatik Siberiara urriaren 14ra arte egongo da zabalik.
Enkarterrietako Museoak Ismael Fidalgo margolariaren atzera begirako erakusketea inaugurau dau
2012-06-19 18:44 Kulturea
Sopuertan jaiotako Ismael Fidalgo Enkarterriko margolari espresionistea eta XX. mendearen bigarren erdialdeko euskal margolaririk garrantzitsuenetakoa izan zan. Enkarterrietako Museoak omenaldia egin gura deutso, Trapagaranen hil zaneko bigarren urteurrenean.
Bainujantziaren 100 urteko historia, Balenciaga museoan
2012-06-18 13:38 Kulturea
Cristobal Balenciaga Museoak Bainujantziak eta gorputzaren erakusketa. XX. mendeko historia alternatiboa erakusketea edegi barri dau. Irailaren 23ra arte egongo da zabalik. Beverley Birks moda aditua da komisarioa.
Patziku Perurenak 'Saski bete intxaur' gogoeta liburua kaleratu dau
2012-06-15 15:48 Kulturea
Patziku Perurena idazle nafarrak urteetako gogoetak batu ditu Saski bete intxaur liburuan, ikusitakoak eta pentsetakoak. Alberdania argitaletxeak kaleratu dau.
'Taupadak', Arte Eder Fakultateko ikasleen erakusketea ikusgai dago Bizkaiko Batzar Nagusietan
2012-06-14 18:46 Kulturea
Egunotan inaugurau dabe Bizkaiko Batzar Nagusietako Erakusketa-Aretoan (Hurtado de Amezaga 6, Bilbo), Sandra Rilova eta Juanjo Viota UPV/EHUko Arte Eder Fakultadeko ikasleen margolan, grabadu eta marrazkiak batzen dituan Taupadak izeneko erakusketea. Astelehenetik barikura, 008:00etatik 21:00etara egongo da ikusgai garagarrilaren 9ra arte.
'Zorionak, Museoa!' erakusketea, 112 artista txikiren artelan-bildumea
2012-06-14 14:46 Kulturea
1997–2012 egutegi originala, Museoari eskainitako poesia bisuala, 15 eskuk osotutako garaikurra eta Zorionak, Guggen! izeneko bideoa dira besteak beste, Zorionak, Museoa! programan parte hartu daben 112 artista txikiek sortutako artelanak. Guggenheim museoaren 15. urteurrenaren inguruko ekitaldien barruan dago erakusketea
Larrain jantza erraldoia egingo dabe aurten be, Bilbon
2012-06-14 11:53 Kulturea
Zapatuan, bagilaren 16an, Larrain Jantza erraldoian parte hartzeko deialdia zabaldu dau Bilboko Udalak. Hitzordua: Bilboko Plaza Barrian, 20:00etatik aurrera. Jantzan egiteko gogoa eta oinetako erosoak, ez da besterik eroan behar.
'Boli bili boli', Juan Kruz Igerabideren olerkietan oinarritutako txotxongilo ikuskizunaren estreinaldia Tolosan
2012-06-13 12:29 Kulturea
Datorren barikuan, hilak 15, eskainiko da lehen aldiz Boli bili boli, Bilboko Pantzart konpainiak Santi Sos eta Topic zentroagaz alkarlanean produzidutako euskerazko umeentzako ikuskizuna.
'Lingua Nabajorum', euskerearen historia zoro-zoroa
2012-06-12 15:53 Kulturea
Ez Dok Hiru bikoteak, Patxo Telleriak eta Mikel Martinezek, Lingua Nabajorum antzezlan barria aurkeztu dabe prentsaurrekoan. Euskerearen historia zoroa, ezelango asmo zientifiko edo pedagogiko bakoa sortu dabe, Jokin Oregiren zuzendaritzapean. Estreinaldia, bagilaren 13an, Bilboko Kafe Antzokian.
Goyaren 224 grabadu, Bilboko Arte Eder museoko 'Asmatutako estanpak' erakusketan
2012-06-11 15:50 Kulturea
Goya. Asmatutako estanpak. Kapritxoak, Hondamendiak, Tauromakia eta Burugabekeriak erakusketea aurkeztu dau Bilboko Arte Eder Museoak. Danetara, 224 estanpa batu dira, guztiak museoaren fondoetakoak.
Bernardo Atxagaren 'Soinujolearen semea' antzezlana produziduko dau Arriaga Antzokiak datorren denporaldian
2012-06-11 15:41 Kulturea
Arriaga Antzokiak ikuskizunen produkzinoari eutsiko deutso datorren denporaldian, 2012-2013ko programazinoaren aurkezpenean Ibone Bengoetxea Bilboko Udaleko Kultura zinegotziak eta Emilio Sagi Arriagako zuzendari artistikoak nabarmendu dabenez. Danetara, lau sorkuntza propio izango dira.
Xabier Etxeberriak 'Udazkeneko lorea' bakarkako bigarren nobelea argitaratu dau
2012-06-11 12:17 Kulturea
Xabier Etxeberriak Udazkeneko lorea nobelea kaleratu barri dau Elkar argitaletxeagaz. Esan ezin diranei edo esatea komenidu ez diranei buruzko eleberria idatzi dau zarauztarrak, personen arteko guzurrez eta sekretuez, hain zuzen be.
Deabru Beltzak, Organik, Trapu Zaharra eta Turukutupa taldeak, Libourneko Fest'Arts jaialdian
2012-06-11 11:12 Kulturea
Euskal Herriko kale antzerkia erakusteko ahalegin berezia egingo dau Libourneko Fest'Arts jaialdiak. Institut Français erakundearen Bilboko egoitzan sinatuko dabe alkarlanerako akordioa bagilaren 12an.
Ray Bradbury idazlea hil da
2012-06-07 11:58 Kulturea
The Martian chronicles eta Fahrenheit 451 liburuen egile Ray Bradbury hil egin da, 91 urte zituala, AEBetako Los Angeles urian. Zientzia fikzinozko inoizko egile handienetakoa izan da adituen ustez.
Dantzaroak Durangaldeko 200 jantzari batuko ditu zapatuan
2012-06-05 13:42 Kulturea
Zapatuan, bagilaren 9an, Durangok Dantzaroaren laugarren edizinoa hartuko dau. Aurten, bigarrenez, Euskal Astearen barruan atondu dabe Durangaldeko jantza taldeen urteroko hitzordua. Kalejira bategaz hasiko da egitaraua, 19:00etan, Udaletxetik Ezkurdira.
Ana Mendes portugaldarrak irabazi dau ACT Arriaga saria
2012-06-04 18:44 Kulturea
ACT Nazinoarteko Sortzaile Barrien Antzerkialdiak Ana Mendes sortzaile portugaldarrari emon deutso ACT Arriaga saria, Self Portrait izeneko lanagaitik. Lau egunetan, Bilbo eta Barakaldo antzerkizale eta arte eszenikoetako profesionalen alkargune izan dira.
Aiko taldeak Gorbeian ospatuko dau erromeria tradizionala datorren domekan
2012-06-01 15:46 Kulturea
Datorren domekan, hilaren 3an, Gorbeian izango da jaia, Egiriñao baseleizearen inguruan. Jai- giro eder honetan parte hartu gura dauenak urteerako hitzordura agertzea besterik ez dau egin behar, 11:30ean Pagomakurreko bideko iturrian.
Jon Casenavek euskal literaturearen historiari buruzko saiakerea argitaratu dau
2012-06-01 13:04 Kulturea
Jon Casenavek Euskal literaturaren historiaren historia. Gurea nola konda? saiakerea aurkeztu barri dau. Utriusque Vasconiae etxeak argitaratu dau, Kritika literarioa izeneko bilduman.
Nabarmenak
_admin_thumbnail.jpg)
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...