Carla Andradek 'Oihartzunen geometria' erakusketea edegi dau BilbaoArte aretoan
2014-05-26 17:39 Kulturea
Produkzino propio barria aurkeztu dau BilbaoArtek, Carla Andraderen Oihartzunen geometria. Hutsak espazioan eta denporan izandako irudikapenari buruzko gogoetea ardatz dauen sorkuntza-proiektuaren emoitzea da erakusketea. Bagilaren 13ra arte egongo da ikusgai.
Javier de Isusi bilbotarrak 'Baleak ikusi ditut' nobela grafikoa argitaratu dau
2014-05-23 14:24 Kulturea
Frantziako Proventzako kartzela batean ezagutu dabe alkar Josuk eta Emmanuelek; bata ETAko kidea izandakoa, bestea barriz, GALeko kide ohia. Eta tartean, Anton, Josuren laguna, ETAk aita hil eutsona. Hori da Javier de Isusi komikigilearen Baleak ikusi ditut (Astiberri) liburuaren abiapuntua.
Hiru euskal konpainia izango dira Valladolideko TAC Kaleko Antzerkiko Nazinoarteko Jaialdian
2014-05-23 11:40 Kulturea
Gaupasa, Kukai Dantza & Cesc Gelabert eta Kukai-Tanttaka euskal konpainiek parte hartuko dabe eguazten honetan Valladoliden hasi dan eta azoka moduan be aurkezten daben Kaleko Antzerkiaren Nazinoarteko TAC jaialdiko sail ofizialean. Typical, Gelajauziak eta Komunikazioa Inkomunikazioa ikuskizunak aurkeztuko ditue hiru taldeek, hurranez hurran.
2014ko Euskal Jaia Eibarren eta 'Ezpalak' nazinoarteko jaialdia: tanbolinteroak eta txistulariak
2014-05-21 17:36 Kulturea
Eibarko Klub Deportiboaren, Kezka Dantza Taldearen eta herriko beste hainbat alkarteren eskutik jatorkun Euskal Jaiak aurten be Ezpalak dakarzku, 2006tik antolatzen dan nazinoarteko jaialdi ikusgarria, Eibarren eta Iruñean egiten dana.
Henry Mooreren zazpi eskultura handi ikusgai dagoz Bilbon
2014-05-21 11:16 Kulturea
Garagarrilaren 17ra bitartean, Bilboko Casilda Iturriza parkean Henry Moore eskultore ingelesaren zazpi pieza handi egongo dira ikusgai. 1960tik 1982ra bitartean egindako lanak dira, bere ibilbideko sasoirik onenekoak.
Mikeldi Perez artista getxoztarrak 'Andamiaje' erakusketea aurkeztu dau Rekalde aretoan
2014-05-20 18:18 Kulturea
Bizkaiko Diputazinoaren Barriek 2014 programeak proposamen barria dakar, Mikeldi Perezen Andamiaje. Irudi piktorikoaren eta bere euskarriaren arteko hartu-emonak ikertzen ditu asrtista bizkaitarrak. Garagarrilaren 6ra arte egongo da ikusgai, Bilboko Rekalde aretoan.
Blas de Otero VI. Lehiaketearen irabazle Unai Baztarrikaren 'Ezinbestean' poesia liburua argitaratu dabe
2014-05-20 17:57 Kulturea
Lehiaketearen seigarren edizinoan, euskerazko zazpi obra aurkeztu ziran, ordura arte izandako partaidetza markea hobetuz. Euskerazko nahiz gaztelaniazko modalidadeetan 6.000 euroko sari bana emoten dauen lehiaketeak helburu bikotxa dauka: literatur sorkuntzea sustatzea eta Bilboko bizilagunei Blas de Oteroren figurea ezagutarazotea.
'Rocheltarrak. Arteari lotutako bilbotar familia' erakusketea aurkeztu dabe Bilboko Arte Eder Museoan
2014-05-16 15:01 Kulturea
Gitxienez bederatzi pintore izan ziran Rocheltarrenean, eta danak euken arteagaz lotura estua. Ganera, sasoiko margolari askoren lagun izan ziran, esaterako, Anselmo Guinea eta Adolfo Guiardenak. Bilbok Arte Eder Museoak 71 piezako erakusketea prestau da, marrazki, akuarela eta olioak, eta orduko argazki eta dokumentuak bere bai. Irailaren 1era arte egongo da zabalik.
Claude Iruretagoyena koreografo ospetsuak jauzien eta mutildantzearen sekretuak argituko ditu astegoienean Areatzan
2014-05-16 14:19 Kulturea
Aiko taldeak jantzan jarriko dau barriro be Areatza herria astegoien honetan, maiatzak 17 eta 18. Euskal jantzak zabaltzen dabilen musikari eta jantza-maisuen kolektibo honek Jantza Astegoiena antolatu dau barriro.
Bizkaiko Foru Aldundiak Ertibil Bizkaia 2014 erakusketea aurkeztu dau
2014-05-15 15:21 Kulturea
Edizino honetan, 35 urtetik beherako 104 artistek parte hartu dabe. Epaimahai kalifikatzaileak 14 obra aukeratu ditu, eta hiru sari berezi emon deutsez hiru sortze-lanei, euren balio artistikoak merezidu dauela uste izan dabelako. Aurtengo irabazleen artean, Maria Azconak (8848 metros) lehenengo saria eroan dau, Kristina Losak (Concrete) bigarrena eta Oihana Torrek (49 Kubo) hirugarrena.
Leioako Umore Azokeak 40.000tik gora ikusle batuko ditu datozen egunotan
2014-05-15 12:59 Kulturea
Maiatzaren 15tik 18ra, Umore Azokan 120 emonalditik gora ikusteko aukerea egongo da; 43 konpainiek 45 ikuskizun aurkeztuko ditue eta horreetatik 6 nazinoartekoak izango dira, Argentina, Frantzia eta Holandatik datozenak; 24 estadukoak, Aragoi, Asturias, Gaztela-Leoi, Katalunia, Valentzia Erkidegoa eta Murtziakoak, eta 13 euskal konpainia.
Milaka jantzari eta zale batuko dira domekan Elorrion, 34. Bizkaiko Jantzari Egunean
2014-05-14 15:24 Kulturea
Domekan, maiatzak 18, Elorrio jantzearen uriburu bihurtuko da, Ana Otadui alkatearen esanetan, izan be 3.500 jantzari batuko dira eta Bizkaiko Jantzari Egunean. Egun osoko egitaraua atondu dabe, goizean jantza erakustaldiak eta arrastian erromeria erraldoia. Eguraldia lagun izango dabe, ganera.
'Egoera eraldatuak', Bizkaiko Batzar Nagusien eta UPV/EHUko Arte Eder Fakultadearen erakusketa barria Bilbon ikusgai
2014-05-14 15:08 Kulturea
Egoera eraldatuak proiektua aurrez aurre ipinitako bi begiradaren arteko topaketa konplize lez azaltzen da. Bertan, bi artistek huts berezi baten inguruko alderdi garrantzitsuak topau nahi ditue, eta han lotura paradoxiko bat ezarri nahi dabe, absentzia eta presentzia alkarrizketa piktorikoaren ardatz nagusiak izanik.
Makinatxu bat ekitaldi antolatuko ditue Bizkaiko museoek astegoienean
2014-05-13 15:51 Kulturea
ICOMmuseoen nazinoarteko erakundeak Museoak: Bildumek konexinoak sortzen ditue leloa proponidu dau aurtengo Museoan Nazinoarteko Egunean. Bizkaiko Foru Aldundiak, ospakizunagaz bat eginez, hainbat jarduera eskainiko ditu maiatzaren 17an eta 18an.
Hamazortzi estreinaldi eskainiko ditu Leioako XV. Umore Azokeak
2014-05-07 15:18 Kulturea
Maiatzaren 15etik 18ra bitartean, Leioa eszenatoki erraldoi bihurtuko da, herriko kale, plaza eta bazterrak bertoko eta kanpoko kaleko artisten beharrik barrienakaz beteko dira eta. Danetara, 43 konpainia izango dira Umore Azokan, eta ehun saiotik gora egingo ditue.
Sarean dago irakurgai 'Itzulpenari buruzko gogoeta eta itzulpen-praktika Joseba Sarrionandiaren lanetan' liburua
2014-05-06 17:59 Kulturea
Aiora Jakaren Itzulpenari buruzko gogoeta eta itzulpen-praktika Joseba Sarrionandiaren lanetan liburua Interneten ipini barri dau Euskaltzaindiak, eta webgunean konsultagai dago daboduko. Iker bildumearen 28. zenbakia da.
Hamahiru konpainia batuko dira Arrigorriagako XIX. Clown eta Pailazo Jaialdian
2014-05-06 15:55 Kulturea
Maiatzaren 9tik 11ra bitartean clown eta zirkuko diziplinak ezagutzeko aukera parebakoa izango da Arrigorriagan, XIX. Nazinoarteko Clown eta Pailazoen jaialdian. Emonaldiez aparte, zirku tailerra eta Gorakada taldeari buruzko erakusketea antolatu ditue.
UPV/EHUko Arte Ederretako ikasleek artelan bat sortu dabe Bilboko Itsasadarra Itsas Museorako
2014-05-06 15:45 Kulturea
Aurkeztutako hogei proiektuen artean, Mar de Diosen eta Miguel Puertasen All Iron formatu handiko artelana izan da aukeratua, eta urrira bitartean izango da ikusgai Museoko kaietan. Gainera, irabazleaz gan, akzesit bi be emon jakez Sandra Villarren eta Rubén Pinoren proposamenei.
Literaturia jaialdia Zarautzen egingo dabe aurten, maiatzaren 28tik bagilaren 1era
2014-04-30 18:45 Kulturea
Larrabetzun bost urte egin ostean Literaturia Zarautzen antolatuko dabe aurten. Aldatzeko errazoi nagusia estrategikoa dala adierazo dabe antolatzaileek aurkezpenean, Literaturia gehiago hazi eta zabaltzea. Aurkezpenak, barriketaldiak, antzerki emonaldiak eta beste hainbat ekitaldi egingo ditue maiatzaren 28tik bagilaren 1era bitartean.
Irakurketa errazeko lehenengo lau euskerazko liburuak aurkeztu ditue
2014-04-30 15:35 Kulturea
Gaumin argitaletxeak eta BBK-Alhondiga mediatekeak bat egin dabe Euskadi-Irakurketa Erraza alkarteagaz ekimen barria martxan ipinteko. Testuak ulertzeko zailtasunak daukiezenei, euskeraz ikasten dabilzanei eta alfabetau bakoei literatureagaz disfrutetako aukerea emon nahi deutsie lau liburuko bildumeagaz.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...