Pello Salaburuk 'Errateko nituenak. Cuzcoko kronika' liburua plazaratu dau
2014-04-11 10:28 Kulturea
Liburuan badira datu autobiografikoak, baina ez da autobiografia bat, inondik be; liburuan egiazko historioak kontau ditut, fikzionatuz, historioak ia-ia istorio bihurturik, baina ez da nobela bat; liburuan hausnarketak egiten ditut, han-hemenka, baina ez da saiakera liburua; bidaiak agiri dira, baina ez da bidaia liburua be. Puzzle bat da liburua.
Antoni Tapiesen 'L’Esperit català' lana ikusgai dago Bilboko Arte Eder Museoan
2014-04-09 17:06 Kulturea
Artista katalanaren margolan enblematikoa bagilaren 30era arte egongo da Bilboko Arte Eder Museoan, Nafarroako Unibersidadea Museoaren aldi baterako maileguari esker. Antoni Tapiesek 1971n egindako lanean, senyera katalanaren lau barra bertikal agiri dira, azpia esaldiz beteta, besteak beste, libertat, Catalunya viu eta Visca Catalunya.
Iban Zalduak 'Inon ez, inoiz ez' ipuin liburua argitaratu dau
2014-04-08 13:14 Kulturea
Estilo, gai eta luzera desbardineko 38 ipuin batu ditu Iban Zalduak Inon ez, inoiz ez (Elkar) liburuan, azkenengo hamahiru urteotan idatzitakoak. Donostian egin eban aurkezpenea, Xabier Mendiguren editorea, Ramon Saizarbitoria idazlea eta Ibon Egaña kritikaria mahaian lagun zituala.
'Naturearen argazkilariak 2014' erakusketea edegi dabe Bilboko Ondare Aretoan
2014-04-08 11:01 Kulturea
European Wildlife Photographer of the year lehiaketako erretraturik onenak batu ditue Naturearen argazkilariak 2014 erakusketan. Horrezaz gan, aurten bertoko bost argazkilariren eta Izadiaren argazkiak eskola-umeentzako lehiaketako irabazleen beharrak be ikusgai ipini ditue Bilboko Ondare Aretoan.
Felipe Juaristik 'Piztutako etxea' poesia liburua argitaratu dau
2014-04-07 18:10 Kulturea
Esperantzaz, izuaz, desioaz, maitasunaz, pasinoaz, tristuraz gogoetea egin dau Felipe JUaristik Piztutako etxea (Erein) bere zazpigarren olerki liburuan. Danetara, hogei poemak osotzen dabe 70 bat orrialde dituan liburua.
Burdinezko eskulturen erakusketa batek ateak zabaldu ditu Euskadiko Biodibersidade Zentroan
2014-04-07 13:06 Kulturea
Busturiko Madariaga Torretxean dagoan eta Eusko Jaurlaritzako Ingurumen eta Lurralde Politika Sailak kudeatzen dauen Euskadiko Biodibersidade Zentroan Ugaritzen dire izakiak aldi baterako erakusketea zabaldu dabe; Jose Azul burdin eskultore aragoiarra da egilea, eta hegazti, arrain, intsektu edo eboluzinoan eta mobimentuan dagozan dekorazino elementuek osotzen dabe.
Zarautzen egingo da aurtengo Literaturia topaketea, maiatzaren 30etik bagilaren 1era arte
2014-04-02 11:49 Kulturea
Bost urtean antolatu da Literaturia Larrabetzun, eta mugarria finkatu ostean, ekimena oraindino gehiago zabaltzea erabagi dabe sustatzaileek. Halanda ze, Literaturia maiatzaren 30etik bagilaren 1era egingo da, Zarautzen.
Christian Marclayren 'The Clock' pelikulea 24 orduz ikusgai, Bilboko Guggenheim museoan
2014-03-28 10:22 Kulturea
Gaur, martiak 28, gau osoan egongo da zabalik Bilboko Guggenheim museoan, Christian Marclayren The Clock bideoinstalazino osoa ikusi ahal izateko. Pelikuleak 24 ordu daukaz, eta osorik emongo dabe. Atrio ondoko Film & Video aretoan egongo da ikusgai. Barikuko goizeko hamarretan hasiko da emonaldia, eta zapatuan, arrastiko zortziretan amaituko da.
Hainbat idazlek mugak izango ditue gogoetagai egunotan Bilboko Gutun Zuria jaialdian
2014-03-27 14:27 Kulturea
Mugako kontakizunak lemapean, martxan da VII. Gutun Zuria Bilboko Letren Nazinoarteko Jaialdia. Martiaren 27tik apirilaren 6ra bitartean, idazle eta kazetari ezagunek mueta guztietako mugen inguruan gogoetea egingo dabe, tartean hiru Nobel saridunek, Herta Müllerrek, Gao Xingjianek eta Orham Pamukek. Barriketaldi batzuetako sarrerak agortuta dagoz daborduko.
Leioako XV. Umore Azokeak 45 ikuskizun batuko ditu, tartean 16 estreinaldi
2014-03-27 10:33 Kulturea
Leioako Umore Azokearen hamabosgarren edizinoak 45 ikuskizun batuko ditu maiatzaren 15etik 18ra bitartean, 16 estreinaldi tartean, eta profesional legez parte hartzeko izena emoteko epea eguen honetan, martiaren 27an, edegiko da, Nazinoarteko Antzerki Egunagaz batera, hain zuzen be.
Bilbok Ramon Barea omenduko dau Antzerkiaren Nazinoarteko Egunean
2014-03-26 14:06 Kulturea
Martiaren 27an, Antzerkiaren Nazinoarteko Eguna ospatzen da eta horregaz batera, Bilbao Eszena martxan jarri zaneko hamargarren urteurrena be bai, Santutxun dagoan baliabide eszenikoan zentroarena.
Euskerazko ume eta gazte literaturea irakurteko gogoa biztu gura dauen katalogo barria
2014-03-26 10:03 Kulturea
Etxepare Euskal Institutuak eta Galtzagorri alkarteak euskerazko ume eta gazte literaturea nazinoartean zabaltzea helburu dauen 10 euskal liburu haur eta gazteentzat katalogoa plazaratu barri dabe alkarlanean.
Kepa Etchandy argazkilari baionarrak 'Amerikanuak' liburua Buenos Airesko Liburu Azokan aurkeztuko dau
2014-03-25 11:10 Kulturea
Kepa Etchandy argazkilari baionarrak Amerikanuak liburua aurkeztuko dau Buenos Airesko Nazinoarteko Liburu Azokearen 40. edizinoan. Ameriketan diru dezente egin eta gero euren herrietara bueltau ziran euskaldunek eregitako baserrien argazki eta kontakizunen bildumea da liburua.
Fernando Savater eta Iñaki Esteban aurrez aurre izango dira 'Eztabaidak literatureagaz' ekimenean
2014-03-25 10:14 Kulturea
Bidebarrieta Liburutegian gaur, hilak 25, Eztabaidak literatureagaz ekimeneko beste hitzordu bat izango da. Bi idazleen arteko topaketea ardatz dauen egitarauan, gaur arratsaldeko topaketearen protagonistak, Fernando Savater eta Iñaki Esteban izango dira eta literaturearen eta filosofiaren arteko loturea aztertuko dabe.
Maria Merce Marçal, Georg Trakl eta Aime Cesaireren antologiak argitaratu ditu Susak
2014-03-24 14:13 Kulturea
Beñat Sarasolak zuzendutako Munduko Poesia Kaieren lehenengo hiru liburuak aurkeztu barri ditu Susa argitaletxeak. Maria Merce Marçal, Georg Traklen eta Aime Cesaireren poemak aukeratu eta euskeratu ditue Itxaro Bordak, Anton Garikanok eta Iñigo Aranbarrik, hurranez hurran.
Topic Tolosako Nazinoarteko Txotxongiloen Zentroaren ganeko erakusketea antolatu dabe Bruselan
2014-03-24 11:47 Kulturea
Martiaren 24tik 27ra Topic Tolosako Nazinoarteko Txotxongiloen Zentroari buruzko erakusketea ikusgai egongo da Bruselan, Europako Parlamentuan. Esperientziak, gogoetak eta lanak ikasi, erakutsi, ikertu, produzidu eta alkar banatzeko lekua da Topic, txotxongilo artearentzako zentro integrala. Arrastiko seiretan zabalduko dabe.
Hemen da Bilboko Errekaldeko II. Umorezko Antzerki Erakustaldia
2014-03-20 14:44 Kulturea
Errekaldeko II. Umorezko Antzerki Erakustaldia Hermanos Bolinga bertoko antzerki taldearen eskutik eta Puestos en libertad obreagaz hasiko da bihar martiak 21, alderdirik basatienean biziten ohituta dagozan bi personaien pasadizoak kontetan dituana.
Bilboren historia modu atseginean kontau dau Pedro Ugartek liburu baten
2014-03-19 14:17 Kulturea
Historia de Bilbao liburuan (Txertoa argitaletxea), uriaren 714 urteko garapena modu panoramikoan azaltzen da. Izan be, Pedro Ugarte, historialaria baino, idazlea da eta ikutu literarioa emon deutso lanari. Ez da liburu lehorra, irakurteko erraza da, nabarmendu dau autorearen lagun Gonzalo Garridok, Bilbon bertan egindako aurkezpenean.
Harkaitz Canok 'Txalorik ez, arren' liburua kaleratu dau
2014-03-17 17:08 Kulturea
Txaloen ganeko gogoetak batu ditu Harkaitz Canok aurkeztu barri dauen Txalorik ez, arren (Edo) lanean. Gasteizko Artium museoan orain bost urte emondako berbaldi bat da hausnarketen abiapuntua.
Europako jantzari onenak batuko dira Bilboko BreakOnStage jaialdian, martiaren 29an
2014-03-17 14:01 Kulturea
Kultura urbanoak gustuko dituenen urteroko hitzordua hur dago. Izan be, gaur aurkeztu dabe martiaren 29an Bilbao Arenan egingo dan BreakOnStage nazinoarteko jaialdia. 14. edizino honetan be Europako talderik onenek egingo dabe jantzan Bilbon, besteak beste, The Ruggeds, Inesteam, Kaynix eta Poe One taldeek.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...