Kepa Garraza artisteak ikuspegi apokaliptikodun margolanak dakarz
2015-05-08 15:04 Kulturea
Bilbao Arte galerian maiatzaren 29ra arte egongo da ikusgai This is the end of the world as you know it izenburuko erakusketea. Kepa Garrazak (Berango, 1979) errealismo handiko pinturea egin dau, errealidade distopiko bat erakusteko. Hondamendira bidean dan mundua erakusten dau, asmautako gertakariei benetako itxurea emonaz. Horretarako, besteak beste, egunkari eta telebistako albistegien estetikea kopiau dau.
'Zuri-beltzean klik' argazki zaharren erakusketa ibiltariak Ermuan hasiko dau ibilbidea
2015-05-07 18:25 Kulturea
Durangaldeko 300dik gora argazki zehar erakusgai ipiniko ditu Gerediaga Alkarteak Zuri-beltzean klik izenburuagaz Durangaldeko herrietara eroango dauen erakusketa ibiltarian. Ermuko liburutegia izango dau erakusketeak lehen geltokia, maiatzaren 7tik 22ra.
Hamabi ikuskizun egongo dira Arrigorriagako Clown eta Pailazoen Jaialdian
2015-05-05 15:18 Kulturea
Maiatzaren 8tik 10era bitartean egingo da topaketearen 20. ekitaldia. Bertoko eta atzerriko konpainia eta artisten eskutik, dozena bat ikuskizun egongo dira egitarauan. Ganera, tailerrak eta erakusketa bat be antolatu ditue. Arrigorriagako Clown eta Pailazoen Nazinoarteko Jaialdiko ekitaldi guztiak, urtero legez, dobakoak izango dira.
'Hitzen hiria' lemapean, hemen da Literaktum 2015
2015-05-04 12:41 Kulturea
Hitzen hiria lemapean, Donostiako Literaktum 2015 jaialdia nobedadez beteta eta inoiz baino parte-hartzaile, jarduera, egoitza eta egun gehiagogaz dator aurten, maiatzaren 5etik 16ra bitartean.
Mikel Antzak 'Ametsak ere zain' poema liburua kaleratu dau
2015-05-04 11:24 Kulturea
Hauxe dau lehenengo olerki bildumea Mikel Antza idazle donostiarrak. Sei poema luze idatzi ditu, gordinak eta gogorrak, heriotzea, kartzelea eta gerrea gai nagusi dituenak. Frantziako Reauko kartzelan dago Antza, eta berak idatzitako gutuna irakurri eben Ametsak ere zain (Susa) liburuaren aurkezpenean.
Literaturia 2015 Zarautzen 'Odolean daramagu' lemapean
2015-04-30 17:36 Kulturea
Liburuak eskegita eta zunda bidez gorputzari itsatsita. Literaturea zainetara, zehatzago esateko. Maiatzaren 28tik 31ra egingo dan Literaturia 2015en kartelak irudi hori erakusten dau, Odolean daramagu! leloa hartuta. Azken finean, antolakuntza lanetan gabilzanon pasinoa literaturea dalako, literaturzaleak garelako, eta pizten gaituen hori odolean daroagulako.
Antonio Maria Lekuona euskal kostunbrismoaren aitzindariaren erakusketea, Arte Eder Museoan
2015-04-29 13:48 Kulturea
Euskal ohiturak 1860an pintetako maisulanaren inguruan atondu dabe Antonio Maria Lekuona (1831-1907) margolari tolosarraren ganeko erakuskeketa Bilboko Arte Eder Museoan. Hamalau lanek osotzen dabe erakusketea, eta bagilaren 8ra arte egongo dira ikusgai.
Txani Rodriguezek eta Alaine Agirrek umeentzako liburu bana aurkeztu dabe Bilbon
2015-04-28 15:11 Kulturea
Mikel ume barazkijalea da Ez naiz barazkijalea, eta zer? Txani Rodriguezek idatzitako liburuko protagonistea, eta Martina neskato ulegorria, Alaine Agirreren Bihotza lo daukat, eta zer? lanekoa. Iosu Mitxelena eta Jokin Mitxelena dira liburuotako ilustratzaileak. Zortzi urtetik gorako irakurleentzat dira behar biak, eta Elkar etxeak plazaratu ditu.
Ume eta gazte literaturearen inguruko liburua argitaratu dabe zazpi ikerlarik
2015-04-28 14:49 Kulturea
Erroa argitaletxearen eskutik dator Gizartea eta Artea haur eta gazte literaturan lana. EHUren Irakasle Eskolako zazpi ikerlari gaztek eginiko azterlana dan ezkero, literaturan gizarteko jokamolde eta estereotipoak zelan agiri diran azaltzen da eta umeei arteari buruzko jakingarriak azaltzeko literatureak emoten dituan baliabideak be jorratzen dira.
Jose Enrike Urrutia Capeauk 'Jururú' liburua argitaratu dau
2015-04-27 13:50 Kulturea
Hogeita hiru ipuinek osotzen dabe Jose Enrike Urrutia Capeau iurretarrak kaleratu barri dauen Jururú (Pamiela) beharra. Jururu da espainolek Kuban zapaldu eben lehenengo lekua. Narrazino bilduma honetan gaur egungo Jururuko bizilagunekaz bat egin dau egileak, eta euren gorabeherak batu ditu.
Martin eta Xabier Etxeberria anaiek 'Gizon gogorraren sekretua' nobelea argitaratu dabe
2015-04-24 12:50 Kulturea
Etxeberria anaiek alkarregaz idatzitako laugarren nobelea da Gizon gogorraren sekretua (Elkar). Tolosako aratuste sasoian girotu dabe nobela baltza, biltegi baten belarri eta zakil barik agertutako gizon urkatu baten hilketearen inguruan, hain zuzen be.
50 konpainia batuko dira aurtengo Leioako Umore Azokan, horreetako 17 Euskal Herrikoak
2015-04-23 15:49 Kulturea
Danetara, berrogeita hamar konpainia batuko dira aurtengo Leioako Umore Azokan, horreetako hamazazpi, Euskal Herrikoak. Aurten, igaz baino bost konpainia gehiagok hartuko dabe parte, eta danetara 170 emonaldi eskainiko ditue. Erabateko hogeita bi estreinaldi izango dira, ganera.
Idoia Barrondok eta Andoni Abenojarrek irabazi ditue VII. BizkaIdatz Sariak
2015-04-23 11:03 Kulturea
Liburuaren Nazinoarteko Egunagaz bat eginez, Bizkaiko Foru Liburutegiak BizkaIdatz sariketako irabazleen barri emon dau. Idoia Ibarrondo bilbotarra izan da irabazlea euskerazko modalidadean, eta Andoni Abenojar portugaletetarra, gaztelaniazkoan. 1.500 euroko saria jasoko dau bakotxak.
Liburuaren Nazinoarteko Egunagaz bat eginik Bilbon
2015-04-23 10:56 Kulturea
Gaur, eguena, apirilak 23, eguerdiko 12:00etan, Liburu Egunaren inaugurazinoa egingo da Bilboko Berastegi kalean, erakunde eta liburu arloko arduradunakaz eta idazleakaz batera. Danetara, 46 stand jarriko dira. Liburu Eguna goizeko 9:00etatik 21:00etara ospatuko da. Toti Martinez de Lezea, Unai Elorriaga, José Javier Abasolo, Félix G. Modroño, Inma Roiz eta Wendy Guerra idazleek euren lanak sinatuko ditue.
Jantzearen Nazinoarteko Eguna ospatuko dabe hilaren 29an, Bilbon
2015-04-22 15:28 Kulturea
Euskadiko Jantza Alkarte Profesionalak, Bilboko Udaleko Kultura eta Hezkuntza Saila eta Azkuna Zentroa-Alondigeagaz alkarlanean, egitaraua antolatu dau nazinoarteko eguna ospatzeko, apirilaren 27an eta 29an. Sara Paniaguaren Un día / ocho horas performanceak hasiko ditu 29ko ekitaldiak.
Bost euskal ordezkari Max Sarien 22 finalisten artean
2015-04-22 15:28 Kulturea
Euskal ordezkariak dira: Iñigo Guardamino (egile barri onena, Vacaciones en la inopia lanagaitik), Ignacio del Moral (egokitzapen edo antzerkirako bersino onena, El viaje a ninguna parte lanagaitik), Sabino Bikandi (musika onena, Gelajauziak lanagaitik), Iñaki Salvador (musika onena hau be, Zazpi aldiz elur lanagaitik) eta Kukai Dantza Taldea (jantzako talde edo interpretatzaile onena, Gelajauziak lanagaitik).
Irakurzaletasuna sustatzeko 'Irakurri, gozatu eta oparitu' egitasmoa bederatzigarrenez abiatu da
2015-04-22 12:01 Kulturea
Liburuaren nazinoarteko egunean, apirilaren 23an, Euskaltzaleen Topaguneak Irakurri, gozatu eta oparitu ekimenaren bederatzigarren edizinoa ipini dau martxan, hainbat euskera alkarte, udal, liburutegi eta liburu-dendagaz batera. Euskal Herri osoko 42 herritara zabalduko dabe egitasmoa, bagilaren 30era arte.
2015eko Zientzia Azokea, apirilaren 25ean, Bilbon
2015-04-22 11:18 Kulturea
Bilboko Plaza Barrian egingo dabe aurtengo Zientzia Azokea, hainbat gaztek egindako proiektu zientifikoen erakusketea. Elhuyarreko Zientzia Unidadeak antolatzen dau Zientzia Azokea. Gazteen artean zientzia-zaletasuna bultzatzea, kultura zientifikoa sustatzea eta zientziaren dibulgazinoa dira ekimenaren helburu nagusiak.
Musikea izango da aurten Getxoko Liburu Azokearen ardatz nagusia
2015-04-22 10:58 Kulturea
2015eko Getxoko Liburu Azokea eguaztenetik domekara bitartean izango da musikea ardatz hartuta. Bost egunetan zehar, udal liburutegiek musikeari lotutako hainbat jarduera egingo ditue Algortako Geltokia plazan, bertan kokatuko baitira bederatzi liburudenda getxotarren eta udal liburutegien etxolak.
Korrontzik eta Oinkarik euren koreografiak ikasteko aukerea emongo deutsee jantza taldeei
2015-04-21 15:45 Kulturea
Korrontzi Dantzan proiektuaren bidez, Korrontziko musikearen eta Oinkariko jantzarien arteko alkarlanaren fruitua nahi daben guztiei erakutsiko jake. Holan, Euskal Herriko edozein jantza taldek emon leike izena koreografiak ikasteko. Udagoienera arte, Oinkariko irakasleek jantzak erakutsiko deutseez eta, zemendian hasita, herririk herri emonaldiak egingo ditue.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...