Carreras Mugica eta Altxerri, Arco Arte Garaikidearen Azokan
2015-02-25 14:41 Kulturea
Mundu osoko 32 herrialdetako berrehun bat galeriek bat egingo dabe egunotan, gaur hasi eta martiaren 1era arte, Madrileko Arco Arte Garaikidearen Nazinoarteko Azokan. Aurte be euskal ordezkari bi besterik ez dira izango bertan, Bilboko Carreras Mugica eta Donostiako Altxerri.
Dejabu Panpin Laborategiaren 'Arrastoak' lanak irabazi dau XV. Donostia Antzerki Saria
2015-02-25 12:08 Kulturea
Donostiako Udaleko Euskera Zerbitzuak eta Donostia Kulturak antolatutako XV. Donostia Antzerki Saria jaso dau Dejabu Panpin Laborategiaren Arrastoak beharrak. Martiaren 27an, Antzerkiaren Nazinoarteko Egunean, egingo dabe sari-emote ekitaldia Victoria Eugenia antzokian.
Hemen da Leioako Kultur Maratila 2015
2015-02-23 17:56 Kulturea
Leioako Udalak, Artedrama eta Kultur Leioak alkarlanean sortutako aste kulturala aurkeztu dabe gaur goizean Kultur Leioako prentsa gelan. Laugarren urtez jarraian egingo da Kultur Maratila, antzerkia, musika, performantzea, etab. buztartu eta plazaratzea helburu dauelarik, euskal sorkuntzea beti oinarri izanik.
Jose Mari Segurolak 'Ukabilak eta loreak' ipuin liburua aurkeztu dau
2015-02-19 12:04 Kulturea
Ignacio Aldekoa sariketea birritan irabazi ostean, liburua argitaratu barri dau Jose Mari Segurolak azpeitiarrak Elkar etxeagaz. Julen Belamuno ezizenagaz sinatu dau Ukabilak eta loreak. 2007 eta 2013 artean idatzitako kontakizunak batu ditu bere lehenengo lan honetan.
Laurita Silesek 'helARTE es morirse de frío' erakusketea aurkeztu dau Rekalde aretoan
2015-02-18 16:56 Kulturea
barriek 2015 programaren barruan, Laurita Siles artistearen erakusketearen ardatz nagusia hiru lekutan egindako ikus-entzunezkoa da, Islandiako Laugarvatn, Bizkaian eta Marbellan, jaioterrian. Erakusketea martiaren 22ra arte egongo da Bilboko Rekalde aretoan. Zezeilaren 19an, Silesek berak eta Joseba Edesak Lurra iruten izeneko presormancea egingo dabe, erakusketea inauguretako.
'Skeleton Sea. Mantendu ozeanoak garbi' erakusketea edegi dabe Euskadiko Biodiobersidade Zentroan
2015-02-18 13:24 Kulturea
Skeleton Sea taldeak itsas mundua maite daben hiru surflariren erakusketea ekarri dau Euskadiko Biodiobersidade Zentrora, Busturiako Madariaga torretxera. Hain zuzen be, Luis de Dios, Xandi Kreuzeder eta João Parrinharen sormen-lanak batu ditue erakusketan. Maitzaren 17ra arte egongo da ikusgai.
Belen Gopegui eta Harkaitz Cano aurrez aurre 'Eztabaidak Literatureagaz' ekimenean
2015-02-13 13:26 Kulturea
Eztabaidak literatureagaz, jentaurreko alkarrizketearen bitartez literaturara hurreratzea proponiduten dauen Bilboko Udaleko Kultura eta Hezkuntza Sailaren ekimenak, Belén Gopegui eta Harkaitz Cano idazleek, idazketearen eta konpromisoaren ganean berba egingo dabe datorren martitzenean, zezeilaren 17an.
Leioako Umore Azokeak badauka kartela
2015-02-12 17:53 Kulturea
Aurtengo Umore Azokan parte hartzeko 410 eskaera jaso dira (42 Euskaditik, 234 beste autonomia-erkidego batzuetatik eta 134 gehiago beste 20 herrialdetatik). Horreetatik 74 estreinaldi-proposamenak (20 Euskaditik, 38 estadutik eta 16 beste herrialde batzuetatik) eta nazinoarteko konpainien artean, Estaduan estreinetako 53 proposamen.
Artedrama topaketak apirilaren 6tik 11ra bitartean egingo dira Aulestin
2015-02-11 13:46 Kulturea
Arte eszenikoetan euskeraz behar egiten dabenentzako topagunea izango da aurten be Artedrama Euskal Laborategia (ADEL). Aktore, zuzendari, antzerkigile eta antzerkizale guztiei zuzenduta dago ikastaroa, bai profesionalei, bai ikasleei.
Antonio Casado da Rochak 'Islandiera ikasten' olerki liburua argitaratu dau
2015-02-11 10:47 Kulturea
Azkenengo lau urteotan idatzitako poemak batu ditu Antonio Casado da Rochak errenteriarrak Islandiera ikasten (Utriusque Vasconiae) lanean, 66 danetara, lau ataletan banatuta. Islandierea eta euskerea lotu ditu, eta metafora lez erabili, besteak beste, hizkuntzen bizitzaz eta historiaz berba egiteko.
Atea Teatroren 'Ekoetikopatetikobikoa' lana da Donostiako Boltsiko Antzerkia programearen irabazlea
2015-02-10 10:49 Kulturea
Donostia Kulturak, Donostiako Udaleko Euskera Zerbitzuak eta Euskal Herriko Antzerkizale Elkarteak euskerazko formatu txikiko antzerki sorkuntza eta produkzinoa bultzatzeko sortutako Boltsiko Antzerkia programearen laguntzinoa Atea Teatroren Ekoetikopatetikobikoa egitasmoari emongo deutsiela iragarri dabe.Taldeak 4.000 euro jasoko ditu antzezlana garatzeko.
Maki Na Kamurak inaugurauko ditu Bilbao Arteren aurtengo erakusketak 'Horizon, rainbow and horizon'-egaz
2015-02-09 13:26 Kulturea
Japoniako kulturea izango da protagonista Bilbao Arten hile honetan pintura-erakusketa bategaz eta Hitoshi Matsumoto eta Kenji Mizoguchi zuzendarien zinema-ziklo banagaz. Produkzino artistikoko zentroan, Berlinen finkatuta dagoan Maki Na Kamura margolari japoniar kotizatuaren Horizon, rainbow and horizon (Zerumugea, ortzadarra eta zerumugea) izenburuko erakusketea izango da ikusgai.
Javier Riaño artista bilbotarren margoak ikusgai, Rekalde aretoan
2015-02-05 14:27 Kulturea
Azkenengo bost urteotan sortutako berrogei beharrek osotzen dabe Javier Riañoren erakusketea. Riañoren sorkuntzearen gai nagusietakoa da lanon protagonistea: arkitekturea. Gizaki bako arkitekturea jorratzen dau. Maiatzera arte egongo da zabalik erakusketea, Bilboko Rekalde aretoan.
Jon Ander eta Maria Garcia neba-arreben erakusketea ipini dabe Bilbon, Batzar Nagusien egoitzan
2015-02-05 14:15 Kulturea
Son Gokuren seme-alabak izenburuko bildumea da, Jon Ander eta Maria Garcia Benitez neba-arreben eskutik datorrena. Hamabi pieza dira guztira, eskulturea eta pinturea. Zezeilaren 28ra arte egongo da ikusgai.
Euskerea aurten be Parisko Expolangues azokan izango da
2015-02-05 13:48 Kulturea
Europako hizkuntzen azoka garrantzitsuenetakoa dan Parisko Expolangues gaur hasiko da. Etxepare Euskal Institutuak eta Azkue Fundazinoak standa ipini dabe aurte be, eta bertan izango dira hilaren 7ra arte, gure hizkuntzeari buruzko argibidea eta baliabide desbardinen barri emoteko.
Koko-eskea Eibarren zezeilaren 7an
2015-02-05 13:02 Kulturea
Eibarrek koko-jantzari eta koko-marru konparsea izan ditu 2008tik, hain zuzen be Kezka jantza taldeak zeregin horri ekin eutsonetik. Aurten, zezeilaren 7an ibiliko dira kalez kale eta baserriz baserri.
'Gerezien denbora' Lapurditik datorren uri-pastorala Barakaldon taularatuko dabe, zapatuan
2015-02-04 13:15 Kulturea
Industrializazinoak Baionako gizartean eragindako aldaketea azaltzen dau Gerezien denbora herri antzerkiak. Itxaro Bordak idatzi dau testua, eta Beñat Axiari da zuzendaria. 120 bat lagunek hartu dabe parte pastoral post-industrial honetan, gehienak Lapurdin bizi diran zuberotarrak. Barakaldo Antzokian eskainiko dabe uri-pastorala, zezeilaren 7an, 17:00etan.
'Artistak egoitzan' programearen zazpigarren deialdia abian da
2015-02-03 12:19 Kulturea
Bilboko Udaleko Kultura eta Hezkuntza Sailak zabaldu barri dau Artistak egoitzan programearen 2015eko deialdia, BilbaoEszena Baliabide Eszenikoen Zentroaren bitartez. Arte eszenikoen arloan ikerketea eta barrikuntza sustatu eta bultzatzeko asmoz abiarazo zan ekimena. Konpainiek edo artistek martiaren 27ra arte aurkeztu ahal izango ditue sorkuntza proposamenak.
Agur, Basque Research webguneari
2015-01-30 14:45 Kulturea
Beste hainbatek legez, krisi askotarikoei eta ekatxei aurre egiten saiatu da azken urteetan Basque Research: ikerketarako finantzazino-iturrien beherakadea (SAIOTEK deialdia bertan behera ixtea, esaterako), komunikabideen finantziazino-eredua… Baina bizirik irauteko helduleku nahikorik ez eta, agur esan behar izan dau.
Idoia Garzesek eta Teresa Calok irabazi ditue XII. Café Bar Bilbao Teatro Laburreko sariak
2015-01-30 14:43 Kulturea
Buruaz beste egin, Idoia Garzes kazetari eta godigiliearenaarena, eta La plancha o la vida, Teresa Calo aktore eta antzerkigilearena, lanak izan dira Café Bar Bilbao Teatro Laburreko sarien aurtengo irabazleak. Saridun bakotxak 1.200 euro jasoko ditu. Gidoigintzea eta formatu txikiko antzerkia bultzatzea dira gidoi lehiaketa honen helburu nagusiak.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...