Persepoliko Apadanako erliebeak eta Panateneen frisoak, Bilboko Berreginen Museoan
2013-09-23 18:32 Kulturea
Persepoliko Apadanako erliebeak eta Panateneen frisoak abiatuko dabe Artelana bere testuinguruan zikloaren denporaldi barria, Bilboko Berreginen Museoan, irailaren 26an. Berbaldia eta bisita gidatua doban izango dira.
Kubismoaren maisuak, Bilboko Arte Eder Museoan
2013-09-23 15:25 Kulturea
XX. mendeko arte abangoardiako mobimentu nagusietakoa izan zan Kubismoak estreinau dau Bilboko Arte Eder Museoko ikasturte barria. Telefónica Bilduma Kubista erakusketeak 1913 urtetik 1933 urtera bitarteko 39 lan batzen ditu, tartean Juan Grisen 11 margolan. 2014ko zezeilaren 16ra arte egongo da ikusgai.
Getxophotoko 'Estereoscopico' erakusketea astebete luzatu dabe
2013-09-23 12:00 Kulturea
Getxophoto amaitzekotan dago, abuztuaren 29an hasi zan Getxoko argazki jaialdi, eta domekan amaituko da, hilaren 29an. Ikusgai dagon erakusketako bat baina, astebetez luzatuko dabe, arrakasta handia euki dau eta, Jesus Echebarriaren Estereoscopico, hain zuzen be.
Martxan da 'Bilbon Eskolatik antzerkira' ekimena
2013-09-19 15:06 Kulturea
Hemeretzigarren edizinoa dau aurten Bilbon Eskolatik antzerkira programeak. Emonaldiak eskaintzeaz aparte, Bilboko Udalak material didaktikoa ipinten dau ikastetxeen eskura. Igaz, uriko 32 ikastetxetako 6.573 ikasleek hartu eben parte.
Euskal literaturea nazinoarteko topaketetan izango da irailean eta urrian
2013-09-19 10:57 Kulturea
Cervantes Institutuaren ekimenez, aurten Miren Agur Meabe, Iban Zaldua, Jon Juaristi eta Karlos Linazasoro euskal idazleak izango dira 30 años de creación y diálogo izenburupean egingo diran Verineseko literatura topaketan. Estaduko hizkuntza desberdinetako idazle eta kritiko taldea batzen da urtero jardunaldiotan, Pendueles herrian (Asturias).
'Shanti Andia 'Ausarta' euskal itsasgizona' Ramon de Zubiaurreren lan ezaguna ikusgai, Bilboko Arte Eder Museoan
2013-09-18 14:46 Kulturea
Ramon de Zubiaurrek 1924. urte inguruan pintautako Shanti Andia 'Ausarta' euskal itsasgizona da Bilboko Arte Eder Museoko Obra Konbidau barria. Madrilgo Reina Sofia Museotik ekarri dabe, eta urtarrilaren 5era arte egongo da ikusgai.
'Guerrilla Girls 1985-2013' erakusketea urritik aurrera, Bilboko Alondigan
2013-09-18 13:01 Kulturea
Bilboko Alondigeak Guerrilla Girls 1985-2013 artearen mundua aztertzen dauen talde feministearen atzera begirakoa edegiko dau urriaren 3an. 1960ko hamarkadan sortutako arte feministearen mobimentuko ahots garrantzitsua da AEBetako taldea. Erakusketea 2014ko urtarrilaren 6ra arte egongo da ikusgai.
Anne-Lise Broyerren 'Au Rois du bois' erakusketea, Bilboko Rekalde aretoan
2013-09-17 18:15 Kulturea
Anne-Lise Broyer artista frantsesaren argazki erakusketea aurkeztu dabe Bilboko Rekalde aretoan. Argazkigintzeak literaturea, zinemea, marrazki eta grabaduekaz daukan loturea jorratzen ditu. Au Rois du bois zemendiaren 3ra arte egongo da ikusgai.
Uxue Alberdik eta Xabier Amurizak literaturearen eta bertsolaritzearen arteko alkarreraginak aztertuko ditue Bilbon
2013-09-16 11:53 Kulturea
Bilboko Udaleko Kultura eta Hezkuntza Sailaren Eztabaidak Literatureagaz egitarauaren barruan, Uxue Alberdi idazle eta bertsolari gipuzkoar gazteak eta Xabier Amuriza bertsolari eta idazle bizkaitar beteranoak literaturearen eta bertsolaritzearen arteko alkarreraginak azalduko ditue irailaren 17an, Bidebarrietako Liburutegian, 19:30ean. Ekitaldia Goizalde Landabaso idazle eta kazetaria izango da gidari.
BilboArgazki erakusketa eta berbaldi egitaraua urrian abiatuko da
2013-09-13 15:04 Kulturea
Euskal Herriko Argazkilari Taldeen Alkarteak BilboArgazki ekimenaren zazpigarren edizinoa aurkeztu dau. Erakusketak, berbaldiak eta tailerrak eskainiko ditue aurten. Inaugurazinoa urriaren 17an izango da, Los Mundos espazioan.
UPV/EHUk ‘Nafarroa, 1936’ memoria historikoaren eta Gerra Zibilaren gaineko erakusketea antolatu dau
2013-09-13 14:32 Kulturea
Jose Ramon Urtasun artista plastikoaren koadroen bidez, 1936ko matxinada militarraren testuinguruan frankistek Nafarroako hainbat herritan egindako zapalkuntzaz egiten da gogoetea.
Eusebio Maria Azkue omenduko dabe Lekeition, irailaren 20an
2013-09-13 12:04 Kulturea_new_normal.JPG)
Eusebio Maria Azkueren jaiotzearen 200. urteurrena dala-eta ekitaldi berezia egingo dabe Lekeitioko Udalak eta Euskaltzaindiak irailaren 20an. Maitane Larrauri alkateak, Jon Kortazar idazleak, Josu Bijuesca ikerlariak, Xabier Altzibar irakasleak eta Andres Urrutia euskaltzainburuak hartuko dabe parte.
Mikel Ayllon arabarrak irabazi dau XVI. Igartza Saria
2013-09-13 11:31 Kulturea
Deialdi honetan hogeita bost proiektu aurkeztu dira, eta Mikel Ayllonen Ez tiro egin anbulantziei izeneko eleberri proiektua irabazletzat jotea adostu dabe Uxue Alberdi, Igor Estankona eta Xabier Etxeberria epaimahaikideek.
Maider Lopezen 'Making ways' lana ikusgai, Istanbulgo Biurtekoan
2013-09-12 15:32 Kulturea
Artista donostiarrak Making ways (2013) egitasmoa eta Ataskoa lana aurkeztuko ditu egunotan Istanbulgo 13. Biurtekoan. Irailaren 14tik 20ra bitartean egingo da biurtekoa, eta arlo publikoa foro politiko zelan bihurtzen dan aztertuko dau.
Karmele Jaiok 'Música en el aire' nobelea kaleratu dau
2013-09-11 15:46 Kulturea
Orain lau urte kaleratutako Musika airean (Elkar) nobelearen gaztelaniazko itzulpena aurkeztu dau Karmele Jaiok gaur Bilbon, Música en el aire (Ttarttalo). Idazle gasteiztarrak berak itzuli dau liburua. Elena sasoiko emakume baten bizipenak kontetan dira eleberrian, haren barruko mundua, barruko musikea da kontakizunaren hari nagusia.
'Bosteko 2013' erakusketa ibiltaria Zornotzan abiatuko da
2013-09-11 15:04 Kulturea
Gaur bertan, Zornotzako Zelaieta zentroak estreinauko dau Bosteko 2013 programea. Ostean, Juana García Pozuelo, Álvaro Gil Soldevilla, eta Sra. Polaroiskaren artelanak ondoko herrietan izango dira ikusgai, Arrigorriagan, Basaurin, Getxon eta Leioan.
Arma trafikoari buruzko 'Arma, tiro, bammm!' nobelea kaleratu dau Joan Mari Irigoienek
2013-09-10 17:31 Kulturea
Joan Mari Irigoienek aurkeztu barri dau arma trafikoari buruzko Arma, tiro, bammm! (Elkar) nobelea. Hari bi ditu liburuak, batetik, Bereibarko familia bat, bizibidez eskopeta-lantegi bat daukana, eta bestetik, Balad al Xams-eko beste familia bat
Aiko taldeak 2013-2014ko Dantzaldi Ibiltaria aurkeztu dau Donostian
2013-09-10 15:42 Kulturea
Iruñeak eta Iparraldek ekimenagaz bat egin dabe lehenengoz, Markina-Xemeinegaz batera. Horrenbestez, aurten bederatzi dira ikastaroa egiteko aukerea eskaintzen daben uri eta herriak: Donostia, Bilbo, Galdakao, Sopela, Gernika, Durango, Iruñea, Azkain (Iparralde) eta Markina-Xemein.
'Dantza Lanak / Basque Country' katalogoa aurkeztu dabe Etxeparek eta ADDE alkarteak
2013-09-09 13:00 Kulturea
Etxepare Euskal Institutuak eta ADDE Euskal Herriko Jantza Profesionalen Alkarteak alkarlanean sortu daben Dantza Lanak / Basque Country katalogoa aurkeztu barri dabe Fira Tàrrega azokan.
Xandra Villarren ‘Guztia Gardentasuna' izeneko lana aurkeztu dabe Bilbon
2013-09-06 12:41 Kulturea
Irailaren 6an, Bilboko Deustuko zubiko aginte-etxolan, UPV/EHUko Arte Ederren Fakultadeagaz loturea daben 23 ikasle eta ikerlarik sortu eta garatu daben Interbentzinoak Deustuko zubian proiektu artistikoaren zazpigarren erakusketea inaugurauko da. Gaur hasi eta irailaren 30era arte, Deustuko zubiko aginte-etxoleak Xandra Villarren Guztia Gardentasun interbentzinoa hartuko dau.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...