Zeanuriko Ipiñaburu gaztandegiak irabazi dau Ordiziako XLII. Gaztai Txapelketea

Bizkaie! 2015-09-10 11:17   Jan edanak

Zeanuriko Ipiñaburu gaztandegiak irabazi dau Ordiziako Gaztai Txapelketearen 42. edizinoa. Besteak beste, Martin Berasategi, Pedro Subijana, Elena Arzak eta Hilario Arbelaitz sukaldariek eta Jon Plazaola aktoreak osotutako epaimahaiak Zeanuriko gaztaia aukeratu dau Araba, Bizkai, Gipuzkoa eta Nafarroatik heldutako 48 gaztaien artean.

Idiazabal gaztaien lehiaketea hartuko dau Plentziak domekan

Bizkaie! 2015-08-13 11:43   Jan edanak

Urteroko hitzordua bueltan da Plentziako Eleiz Plazara eta, horri esker, herritarrek eta bisitariek produktore ugariren gaztaiaz disfrutau ahal izango dabe, baita txakolinaz be. Abuztuaren 16an, Goizeko 11:00etan zabalduko ditue salmentarako mahaiak, Plentziako Idiazabal Jatorri Izendapeneko Gaztaiaren lehiaketearen 26. ekitaldian. Hiru sari emongo dira.

Arrain Fish jaialdiagaz, bertoko produktuak eta umeen parte-hartzea bultzatuko dira Bilboko Aste Nagusian

Bizkaie! 2015-08-11 14:43   Jan edanak

Aurten bigarrenez antolatu dabe, Bilboko jaien barruan, gastronomiagaz lotutako Arrain Fish Festival, abuztuaren 26tik 29ra. Bilboko Konparsetako arduradunek jaialdia aurkezteko ekitaldian azpimarratu dabenez, lehiaketa gastronomikoak Aste Nagusiko hitzordu garrantzitsuenetakoak dira eta jai ereduaren berezitasun nagusietako bat. Arrain Fish Festivalegaz, lehiaketoi ikuspegi herrikoiago bat emon nahi deutsie. Aurtengo edizinoan, ganera, umeentzako jarduera gehiago egongo dira jaialdiaren egitarauaren barruan.

»» Ikusi argazki guztiak (2)

Antxina limonadea egiteko erabilten ziran teknikak erakutsiko ditu Arkeologi Museoak abuztuaren 5ean

Bizkaie! 2015-08-03 12:05   Jan edanak

Jardunaldi berezi horretara bertaratzen diranek, izozkailuak asmau aurreko sasoietara salto egingo dabe. Edariak fresko manteniduteko erabilten ziran teknikak, edur-zuloak adibidez, erakutsiko ditue Bilboko Arkeologi Museoan. Limonadea zelan egiten zan erakutsiko dabe eta edari hori probetako aukerea be egongo da. Jarduerea dobakoa dan arren, aurretik izena emon behar da, plaza mugatuak dagozalako.

»» Ikusi argazki guztiak (2)

'Taelladie' egingo dabe zapatuan Bermeon, Gazte Asanbladeak antolatuta

Bizkaie! 2015-07-23 13:20   Jan edanak

Talan egiten dan paella txapelketea da, azkan finean, 'Taelladie'. Bermeoko Udalaren laguntzinoagaz, aurten laugarrenez antolatu dau ekitaldi hori herriko Gazte Asanbladeak. Zapatuan, hilak 25, ipini dabe hitzordua. Lehiaketea bera ez eze, bestelako jarduera batzuk egongo dirala aurreratu dabe.

Hegaluzearen arrantzeari lotutako jarduerak egongo dira Lekeition datozan asteotan

Bizkaie! 2015-07-21 14:41   Jan edanak

Hegaluzealdia izenburupean, tailerrak, lehiaketak eta pintxoak probetako modua batuko ditue. Lekeitioko Udalak, San Pedro arrantzaleen kofradiak eta herriko tabernak alkarlanean ibili dira egitaraua atontzeko. Abuztuaren 15ean amaituko da hegaluzearen inguruko ekimen hau.

Larrabetzuko Azurmendi jatetxea, Europako onena

Bizkaie! 2015-05-05 11:18   Jan edanak

Eneko Atxa kozineru zornotzarraren Azurmendi jatetxea Europako 2015eko jatetxe onena izentau dabe, Steve Plotnicki OAD (Opinionated About Dining) gidearen sortzaileak jakinarazo dauenez.

Abangoardia eta etorkizuna aztergai, Basque Culinary Centerren

Bizkaie! 2015-02-17 11:30   Jan edanak

Martiaren 9an eta 10ean, Sukaldeko alkarrizketak izeneko zikloa abiatuko dabe Basque Culinary Centerren, Abangoardia, etorkizunari aurrea hartuz izenburupean. Topaketan parte hartuko dabe, besteak beste, Vicente Todolik, El Comidista blogeko arduradun Mikel Iurriagak, Genís Rocak, Charles Spencek (Oxfordeko Unibersidadeko katedraduna) eta Macarena Reyk (Master Chef programako produktorea).

Bilboko Abusu ikastoleak 'Sukaldatu' programea hartuko dau asteon

Bizkaie! 2015-02-10 14:26   Jan edanak

Basque Culinary Centerrek, Ikastolen Elkarteak eta Eroskik sukaldaritza osasungarria sustatzeko martxan ipinitako Sukaldatu proiektua Bilboko Abusu ikastolara heldu barri da. Martitzenetik barikura bitartean 80 ikaslek hartuko dabe parte ekimenean. Familiarteko sukaldaritzea eta elikadura osasungarria bultzatzea dira programearen helburu nagusiak.

Lurbizi proiektua, Busturialdeko lehenengo sektorea dinamizau eta indarbarritzeko

Bizkaie! 2015-01-29 10:29   Jan edanak

Gernikako Astra gunean aurkeztuko dabe gaur, hilak 29, 19:00etan, Busturialdeko lehenengo sektorearen dinamizazinoa eta gizartean elikagaien kontsumo arduratsua bultzatzeko Lurbizi egitasmoa. Daborduko egin ditue batzarrak Nabarniz, Ajangiz, Ea, Errigoitia eta Ereñon, baina oraingoan deialdi zabalagoa egin gura izan dabe.

Aitor Elizegi kozineruak edegi dau Bizkaiko txotx denporaldia

Bizkaie! 2015-01-21 14:28   Jan edanak

Zornotzako Uxarte sagardotegian antolatu dau ekitaldia Bizkaiko Sagardaogileak alkarteak. Aitor Elizegi Bascook jatetxeko kozinerua arduratu da aurtengo sagardaoa ikusi, usaindu eta probeteaz. Irene Pardo Nekazaritza diputadua be bertan izan da.

'Sukaldatu' proiektua, familietan elikadura osasungarria bultzatzeko

Bizkaie! 2014-11-20 14:47   Jan edanak

Basque Culinary Centerrek (BCC), Ikastolen Elkarteak eta Eroskik Sukaldatu/A Cocinar ekimena gauzatuko dabe ikasturte honetan, familiarteko sukaldaritzea sustatu eta elikadura osasungarria bultzatzeko. Martitzenean abiau zan egitasmoa, Oiartzunen. Hurrengon hileetan 16 ikastolak hartuko dabe parte, danetara, 10 eta 14 urte arteko 1.280 neska-mutilek eta 320 gurasok.

Eusko Label sagardaoa, Bizkaia, Araba eta Gipuzkoako ikastolen jaietan

Bizkaie! 2014-10-03 12:28   Jan edanak

Hurrengo bost urteetan, 2014tik 2018era bitartean, Ibilaldia, Araba Euskaraz eta Kilometroak jaietan Eusko Label sagardaoa probetako aukerea izango da. Ikastolen Elkarteak eta Euskadiko Sagardaogileen Federazinoak alkarlanerako akordioa sinatu barri dabe, HAZI Fundazinoaren laguntzinoagaz.

'Gure Lurreko Merkatua'-ak baserritar bizkaitarren produktuak ekarriko ditu Bilbora zapaturo

Bizkaie! 2014-09-26 15:49   Jan edanak

Denporaldiko produktuen azokea da Gure Lurreko Merkatua, Bizkaiko baserritar eta kontsumitzaileen arteko zuzeneko hartu-emonak sustatuko dituana. Irailaren 27an, izango da lehenengo hitzordua, eta aurrerantzean, zapaturo egingo da, 10:00etatik 15:00etara bitartean, Bilboko Arenalean.

Bizkaiko Txakolinaren 1,8 miloe litro produziduko dira aurten

Bizkaie! 2014-09-17 14:07   Jan edanak

Bizkaiko Txakolina egiteko mahats-batzea laster hasiko da, mahasti txiki batzuetan hasi dira dagoeneko beren lehenengo lanetan, nahiz eta oro har datorren astean hasiko dan mahats-batzea Bizkaian dagozan 385 hektarea mahastietan. Aurten 50 hektarea barri hasi dira mahatsa emoten eta, ondorioz, produkzinoa 1.800.000 litrokoa izango da.

Durangoko I. Euskal Sagardao Eguna egingo dabe zapatuan

Bizkaie! 2014-07-02 11:22   Jan edanak

Dendak Bai alkartearen ekimenez, Durangoko hamalau establezimenduk hartuko dabe parte garagarrilaren 5ean, I. Euskal Sagardao Egunean. Hain zuzen be, ondokoak dira parte-hartzaileak: Zero, Gure Kabiya, Anboto, Rugby, Maite, Arkupe, Pol-Pol, Lurbi, Plateruena Kafe Antzokia, Misarbe, Leku Berri, Alpino, Udaberri eta Tabirako Igerilekua

Bakioko Txakolinguneak 1.500 bisitari izan ditu martiaren 19an zabaldu zanetik

Bizkaie! 2014-06-17 11:13   Jan edanak

Zentroaren kudeaketea dala eta, Miren Josune Ariztondok esan dau martiaren 19tik BizkaiKOA erakundea arduratzen dala Txakolingunearen kudeaketaz, Itxas Lehor S.L. soziedadearen bitartez. Sei hilebetez izango dau ardura hori, harik eta zerbitzua behin betiko esleitu arte (orain, zerbitzu horretarako pleguak egiten dagoz).

Bizkaiko Txakolina saritu dabe Bruselako Munduko Lehiaketan

Bizkaie! 2014-05-14 12:10   Jan edanak

Hiru txakolin bizkaitarrek saria lortu dabe Bruselako Munduko Lehiaketan. Bizkaiko Txakolina Jatorrizko Deiturea daukien hiru txakolinak 40 herrialdetako ardaoekaz lehiatu dira.

Slow Food Bilbao-Bizkaia alkarteak '0 Km' sariak banatu ditu

Bizkaie! 2014-03-26 10:43   Jan edanak

Bizkaiko 12 sukaldarik Slow Food Bilbao-Bizkaia alkartearen 0 Km saria jaso barri dabe. Egitasmoaren helburuak dira bertoko nekazaritzako elikagaien eta ekonomiaren sareari eusten laguntzea, biodibersidadea jagoten daben produktoreak bultzatzea eta sasoian sasoiko sukaldaritzearen alde egitea.

Bakioko Txakolingunea interpretazino-zentroa zabaldu dabe

Bizkaie! 2014-03-20 11:20   Jan edanak

Edegi dabe Bakioko Txakolingunea. Bizkaiko txakolinaren historia, produkzinoa eta txakolinaren kulturea ezagutzeko interpretazino guneak makina bat argazki, bideo eta objektu batzen ditu. Atzerapenagaz eta kritika artean inaugurau zan.

»» Ikusi argazki guztiak (4)