Larrabetzuko 42 by Eneko Atxa txakolina munduko ardao zuri onena
2019-05-14 08:21 Jan edanakTxakolin honek 46 herrialdeetako 9.150 ardaoen artean, 51 herrialdetako 363 adituen artean jaso dau autortzea.
Bizkaiko Gorka Izagirre Upategiko, 2015eko 42 by Eneko Atxa txakolinak, Aingle (Suitza) Bruselako Munduko Txapelketan nazinoarteko ardao zuri onena izentau dabe.
Txakolin honek 46 herrialdeetako 9.150 ardaoen artean, 51 herrialde ezbardinetako 363 adituen artean jaso dau autortzea. Urrezko Domina Handia eta Nazinoarteko Ardao Zuririk Onenaren garaikurra jaso dau 2015. urteko txakolin honek, aurkeztu diran ardaoen artean puntuazinorik altuena jaso dauelako.
Mundu mailako lehiaketa honetan, Bizkaiko Txakolineko ardao batek aitatu autortzea jasoten dauen lehenengo aldia da.
Sari honek argi ixten dau Bizkaiko txakolineko upategiak lan bikaina egiten dabizena. Txakolin klasikoez aparte, mahats mueta autoktonoakaz, bai barrikatan zein botiletan urteakaz hobetu egiten diran ardao onduak produziduten.
42 by Eneko Atxa txakolinak, Gorka Izagirre upategikoak (Bizkaiko Txakolina JI) eta Julian Madrid 2014 ardao baltzak, Guardiako Casa Primicia upategikoak (Rioja JI) sari gorenak jaso ditue (Urrezko Domina Handia) Bruxelles Concours lehiaketa ospetsuan.
42 by Eneko Atxa txakolina 2015eko ardao bat da, Euskadin eta Frantzia hegoaldean baino landatzen ez dan Hondarribi Zerratia mahats aldaereagaz egina. Frantziar haretxeko upeletan ontzen da, botilara igaro aurretik. Gorka Izagirre bodegea negozio familiarra da, 2005ean sortua. Gaur egun, bost ardao desbardin egiten ditue.
Casa Primicia, barriz, ehun urte baino gehiagoko upategia da, Arabako Guardia herrian kokatuta, Rioja JIaren barruan. Julian Madrid Erreserba ardaoa upategiaren fundatzailearen omenezko ardaoa da. Familiako Erreserba bat da, eta dagoeneko nazinoarteko sari ugari eskuratu ditu urteko ardaorik onenaren moduan.
Erantzun
Erantzuteko, izena emanda egon behar duzu. Sartu komunitatera!