Bertsolaritzea

Arkaitz Estiballesek irabazi dau Markina-Xemeinen txapelketako bigarren finalaurrekoa

Markina-Xemeingo Udal pilotalekuan sartu ziran 900 bertsozale ingururen aurrean, Arkaitz Estiballes izan zan irabazlea 537,5 puntugaz eta, beraz, zuzenean sailkatu da finalerako. Beste behin kantauko dau finalean galdakoztarrak.

Arratiako bertsolari gazteak

Behetik gora gogotsu datozan bertsolari biren beharragaz nator oraingoan, Arratiako bertsolaritzea osasuntsu dagoan seinalea. Irati Astondoa zeanuriztarra eta Illart Gumuzio igorreztarra dira protagonistak.

Bertsozale Elkarteak 2009ko Txapelketa Nagusiko irudia diseinetako lehiaketea jarri dau martxan

Txapelketako irudi nagusia eta eszenatokian izango dan aplikazinoa eskatzen da. Sari bakarra izango da, 3.000 eurokoa.

Irabazlea hautatzeko orduan kontuan izango da irudi nagusiak txapelketearen gainontzeko komunikazino euskarrietan izango dauen garapena.

Iratxe Ibarrak Bizkaiko Bertsolari Txapelketako finalean kantauko dau

Gernika-Lumoko Jai Alai frontoian, 750 bertsozale ingururen aurrean jokatu zan astegoienean Bizkaiko Bertsolari Txapelketako lehenengo finalaurrekoa; saioko irabazlea eta zuzenean finalera sailkatzen dana Iratxe Ibarra da. Danetara, Gernika-Lumoko saioan 540 puntu batu ditu.

'Bertsoak 2008', bertso onenen antologia digitala plazan

www.bertsoa.com bertso plazak aurten batutako bertso onenen antologia argitaratu dau Lankugaz batera, 'Bertsoak 2008' izenburupean. Bi DVD bikotxetan, 40 bertsolariren 210 ale batzen ditu lan barriak eta horretarako, 100 ekitaldi baino gehiagotan grabautako materiala erabili dau webguneak.

Amets Arzallusentzat Iparraldeko txapela

Ipar Euskal Herriko lehenengo Bertsulari Xapelketaren finala Donibane-Lohizuneko Jai-Alai frontoian jokatu da astegoienean 1500 bat bertsozaleren aurrean.

Unai Iturriagak irabazi dau Zaldibarren txapelketako bosgarren eta azken kanporaketea

Zaldibarko frontoira hurreratu ziran 600 bertsozaleren aurrean, saioko irabazlea eta zuzenean finalaurrekoetara sailkatzen dana Unai Iturriaga da. Zaldibarko saioan 453,5 puntu batu ditu.

'Lau oinak emonda' argazki erakusketea Bilbon

Bizkaiko Bertsozale Alkarteak eta Bilboko Udaleko Euskara sailak antolatutako saio osogarrien barruan, argazki erakusketa berezia izango da astelehenetik aurrera Zazpi Kaleetako La Bolsa eraikinean.

Miren Amurizaren estreinaldi zoriontsua

Txapelketan lehenengoz kantau eta Miren Amuriza berriztarrak irabazi dau Larrabetzun Bizkaiko Bertsolari Txapelketako laugarren kanporaketea eta zuzenean sailkatu da finalaurrekoetara.

Amaia Uribegaz barriketan

Oraingoan, honezkero ia bertsozale guztioi ezaguna egiten jakun neskato bategaz natortzue. Lehendik oholtza ganean ikusi ez dozuenok, albistegietan ikusiko zenduen edo azken aukera legez, horretan barria dan ezkero, Hitzetik Hortzera programea aurkezten domekero.

Oihana Bartrak irabazi dau Muskizen txapelketako hirugarren kanporaketea

Muskizeko Meatzari aretoan, 220 bertsozaleren aurrean kanporaketea irabazi eta zuzenean sailkatu da bilbotarra Bizkaiko Bertsolari Txapelketako finalaurrekoetarako.

Igor Elorza zuzenean finalaurrekoetara

Zeanuriko frontoian 300 bertsozale batu ziran. Nabarmentzekoak Algortako Bertso Eskolako bertsolari biak (Arrate Illaro eta Itsaso Paia) animetan hurreratutakoak. Bertsolari txalotuenetakoak izan ziran.

'Hitzetik Hortzera' barria ETB-3n

'Hitzetik Hortzera' saioaren denporaldi barria barrikuntzez ganezka dator, izan be, aurkezle barria eta emisinorako kate barria ditu. Sortu barri dan ETB-3 katean izango da saioa ikusgai eguenetan gaueko 21:30etik aurrera eta Amaia Uribe izango da aurkezlea.

Eneko Abasolo 'Abarkas'-ek irabazi dau Mendexako kanporaketea

Bizkaiko Bertsolari Txapelketako lehenengo saioko irabazlea eta zuzenean finalaurrekoetara sailkatzen dana Eneko Abasolo 'Abarkas' da. Mendexako saioan 392,5 puntu batu zituan atzo.

Bota bertsoa!

'Bota'. Lelo horregaz jatorku gaur aurkeztu daben Bizkaiko Bertsolari Txapelketea. Oinarrian, txapelketeak orain dala bi urteko egitura bera izango dau baina aldaketa nabarmen bi izango dira: txapeldunari txapela BFAko ordezkari batek jantzi beharrean Jon Azpillagak jantziko deutso eta finala, Euskalduna Jauregian izan beharrean, BECen izango da, abenduaren 20an.