Bertsolaritzea

Bertsoa gaztetarik osasuntsu

Bizkaiko Umeen eta Gaztetxuen XXIV. Bertsolari Txapelketan, hamalau urtera artekoen artean, Nerea Ibarzabalek jantzi eban txapela eta Elene Lejarzegi izan zan txapeldunordea. Gazteen mailan, Jone Uriak jantzi eban txapela eta Miren Amuriza bigarrena izan zan baina biak be mereziduta euken txapel baltza.

Getxoko Udalak eta ALBEk lankidetza-hitzarmena beste urte birako barriztau dabe

Getxoko jarduneko alkate Iñaki Zarraoak eta ALBEren ordezkari Nahikari Ayok sinatutako hitzarmenean aitatzen danez, ALBEri 30.000 euroko diru-laguntzinoa emongo deutso Getxoko Udalak urte honetarako. Datorren urteko kopurua alde bien artean adostu beharko dabe.

Iparraldeko Bertsulari Gazteen XIV. Xapelgoa eta Bertsulari Ttiki Eguna

Bertsulari Gazteen XIV. Xapelgoan, danetara, hamalau urte azpiko 36 gaztek ekin deutsie lanari, 12 taldetan banatuta. Joan dan astean jokatu ziran haurren mailako 3 kanporaketak eta Garazi A, Sohüta, Kanbo A eta Hendaia A sailkatu dira finalerako, Bertsulari Ttikin jokatuko dan finalerako. Hitzordua datorren zapatuan, bagilaren 1ean, izango da Miarritzen, Euskal Jai frontoian, goizeko 10:30etan hasita.

Gernika-Lumoko udalak, ‘Bertsolaritzea 2006-2007 ikasturtea’ proiektua garatzeagaitik, BIE diruz lagundu dau

Ikasturtean zehar, ‘Bertsolaritzea Gernika-Lumon’ egitasmo honen barruan ikasgeletara eroan da bertso mobimentua, bertso klaseak, bertso saioak ikastetxeetan, edota bertso txapelketak antolatuz.

Alaia Martin Plazatik Gaztetxera sariketako finalera

Alaia Martin oiartzuarra Plazatik Gaztetxera sariketako finalean izango da, bigarren kanporaketa irabazita. Aurreko saiotik Uxue Alberdi dago sailkatuta.

Eskolarteko Bertsolari Txapelketea 2007

Eskolarteko Bertsolari Txapelketea lan idatziakaz eta bat-bateko saioakaz osotzen da. Aurten be hamaika kanporaketa jokatu eta gero, maiatzaren 18an jokatu zan Bizkaiko eskolarteko bertso idatzien finala Gernikako Seber Altube ikastolan.

Bertsolantegia Eibarren, bertsoaren unibersoa ezagutzeko

Bertso eskoletako gazteei nahiz edade desbardinetako bertsozale eta euskaltzaleei bertsoaren magian sakontzeko gunea eskaini nahi jake. Belaunaldien arteko transmisinorako, bertsolaritzearen nahiz kulturgintzearen gogoetarako, arte disziplinen arteko hartu-emonak lantzeko espazioa izango da.

I. ’Balendin Txiki’ Bertso-paper Lehiaketea

Alberen helburua eskola horreetan bertsolaritea sustatzea eta transmitidutea da. Lehiaketeagaz transmisino lan hori gauzatzeaz gan, ikasleen lana saritu da.

Plazatik Gaztetxera 2007

Aste honetan bertan, maiatzaren 11n, barikuan izango da lehenengo kanporaketea Debako Gaztetxean. Saioa gaueko 22:30etan izango da.

'Alperrak sobra eta langileak falta'

Miren Amuriza bertsolari gaztearen hiru bertso daukazuez aurrez aurre. Maiatzaren bata, Langileen Eguna izanik, aukera ona ikusi genduan Miren Amurizari horren ganeko bertso-idatzi batzuk eskatzeko.

Udabarriko XXIII. Bertso Saioak: apirilaren 27tik maiatzaren 19ra

Santutxuko Bertso Eskoleak eta Bilboko Udaleko Kultura eta Euskara Sailak alkarregaz antolatzen daben ‘Udaberriko Bertso Saioak’ jaialdiaren XXIII. edizinoa osogai barritzaile bategaz abiatuko da: hiru emakumek kabareta eta bertsolaritzea buztartuz antolatu daben umorezko ekitaldiagaz.

Oihane Perearentzat Arabako txapela

Urte askotan bigarren geratu ondoren (2002an, 2004an, 2005ean eta 2006an), Oihane Perea Perez de Mendiola (1977, Gasteiz) izan zan onena eta berak irabazi eban Arabako txapela.

Sariketa, bertsopaper eta enparauak

Ipar Uribe nagusi Plateruenan

Busturialdeari 15 puntutik gorako aldea atarata, Ipar Uribe nagusitu zan barikuan jokatutako Bertsolari Gazteen XV. BBK Sariketan.

Oihane Perea nagusi Aramaioko finalerdian

Oihane Perea gasteiztarra izan zan atzo, Aramaioko Kultur Etxean jokatutako Arabako Bertsolari Txapelketako bigarren finalerdiko irabazlea. Ofizioko lanean erregulartasunez eta fin ibili zan, eta kartzelakoan, egindako lana biribildu eban. Pereaz gan, Otamendi eta Juaristi ziran hautagai nagusiak eta ez eben hutsik egin.

Bosgarren txapela Xabier Silveirarentzat

Astegoienean, zapatuan Elizondon finala jokatu, irabazi eta Nafarroako Bertsolari Txapelketa gehien irabazi dauen bertsolaria da Xabier Silveira lesakarra, honezkero bost jantzi ditualako, azken laurak bata bestearen atzetik.

Abian da GR-12

Hamabi herritako bertsolari eta bertsozaleak batuko ditu aurten, eta martian hasi eta garagarrilean amaituko da. Plaza gitxi egiten dituen bertsolariei aukerea emotea eta herrietako bertso-eskoletara jente barria erakartea ditu helburu egitasmoak.