Kristine Txoperena bikain Auherrako kanporaketa saioan

| Ikusi handiago | Argazki originala

Hendaiako bertsulari gazteak jao eban puntu gehien Xi-La-Ba, Xiberoa, Lapurdi eta Baxe Nafarroako Bertsulari Xapelketako Aiherrako kanporaketa saioan. Hona hemen, kanporaketa horretako sailkapena:

1.- Kristine Txoperena 203
2.- Xumai Murua 197
3.- Miren Artetxe 196,5
4.- Mattin Luku 189
5.- Gillen Hiribarren 185,5
6.- Txomin Elosegi 185

Aiherrako Denen-Etxea aretoa ganezka egoala jokatu zan kanporaketa saio hori eta ehun personatik gora batu ziran bertsoak entzuteko, giro bikaina beraz bertsolarien lana ikusi eta entzuteko. Saioa Baxenafarroan zanez, hasi aurretik gogora ekarri ziran bigarren munduko gerra aurrean bapatean ebilzan bertsolari baxenafarrak eta Pantxika Solorzano gai-emoileak aitatu zituan: Ahatsako Iribarne eta Pierra Errumategi, Baigorriko Piarres Dibarrart, Bankako Erramuzpe eta Tihista, Behorlegiko Zubiat-Iribarne, Eiheralarreko Larramendi eta Goienetche, Irisarriko Beñat Soulé, Irulegiko Jean Etcharren, Mendibeko Erguy eta Ortzaizeko Jean Hiriart.


Hirugarren kanporaketa saioa Saran jokatuko da urriaren 2an arratsaldeko 20:00etan Lur Berri aretoan.

Bertsulariak: Ekhi Erremundegi, Mixel Aire 'Xalbador II', Bixente Luku, Eneritz Zabaleta, Maindi Murua eta Xan Alkhat.