Logoa

Bertsolari Gaztetxuen Eguna Getxon

Bizkaie! 2008-05-09 12:02   Bertsolaritzea

Maiatzaren 13an, martitzena, Bertsolari Gaztetxuen Eguna ospatuko da Algortako Getxo Antzokian, goizeko 10:30etatik, 12:30etara. Bertan, Getxon hezkuntza arautuaren barruan bertsolaritza ikasten daben ikasleak, 304 neska-mutil batuko dira.

»» Ikusi argazki guztiak (2)

XXIV. ‘Udabarriko Bertso Saioak’ Jaialdia Bilbon maiatzeko zapatuetan

Bizkaie! 2008-05-07 15:22   Bertsolaritzea

Santutxuko Bertso Eskoleak eta Bilboko Udaleko Kultura eta Hezkuntza Sailak alkarlanean sustatzen daben ‘Udabarriko Bertso Saioak’ jaialdiaren XXIV. edizinoa zapatu honetan, maiatzak 10, hasiko da Santutxuko Karmelo Plazan.

'Bertsolaritzea eta ahozkotasuna' proiektuagaz, Gipuzkoako 6.000 ikaslek bertsotan ikasi dabe

Bizkaie! 2008-05-05 15:45   Bertsolaritzea

Urtez urte zabaltzen joan da proiektua Gipuzkoako hainbat herritan. Danetara, 36 herritan 86 ikastetxek egin dabe bat proiektuagaz eta 6.000 ikaslerengana ailegau da, gitxi gorabehera. Datorren urtean 7.000 ikasletik gora izango dirala aurreikusi dau Gipuzkoako Bertsozale Alkarteak.

Xabier Enbeita Busturialdeko txapeldun

Bizkaie! 2008-05-05 12:09   Bertsolaritzea

Xabier Enbeitak jantzi eban txapela, Iker Belaustegigaz buruz burukoa jokatu ostean. Osabearen, Jon Enbeita bertsolariaren eskutik jaso eban ganera txapela.

»» Ikusi argazki guztiak (1)

Jentilen X. Kopla-Paper Lehiaketea: saridunak

Gorka Intxaurbe Etxebarria 2008-04-30 12:53   Bertsolaritzea

Aurten Iñaki Iturrioz zeaniztarrak eta Zeanurira ezkonduak eroan dau lehenengo saria. Igorreko Lasarte aretora inguratu ziran bertsozaleak izan ziran koplok ikusten lehenengoak. Iñaki Iturriozek ‘Zazpigez’ kopletan, zazpi egoera aurkezten deuskuz: zazpi egoera zazpi andragaz.

Bizkaiko Umeen eta Gaztetxuen XXV. Bertsolari Txapelketeak gaur ekingo deutso ibilbideari

Bizkaie! 2008-04-29 12:18   Bertsolaritzea

Apirilaren 29an hasi eta bagilaren 5ean amaituko da Bizkaiko Umeen eta Gaztetxuen Bertsolari Txapelketea. Arlo bitan banatzen da lehiaketea: arlo idatzia batetik eta bat-batekoa bestetik.

Bestalde, BIZKAIKO LOREAK txapelketako bertsoen liburua argitaratu dau Ikastolen Alkarteak.

Bizkaiko Eskualdeetako Bertsolari Txapelketak aurkeztu ditue

Bizkaie! 2008-04-28 19:18   Bertsolaritzea

Euskaldungoaren atentzinoa geureganatuz, Bizkaiko esparruetan bertsolaritzea sustatu, bertsozaletasuna zabaldu eta bertsolarien promozinoa bideratzea dira Bizkaiko txapelketearen helburu nagusiak. Bizkaiko lurralde osora ailegetea be badau helburu eta, hori lortzeko, aurreikusitako hamasei bertso-saioak eskualde danatan orekaz banatuko dira.

»» Ikusi argazki guztiak (1)

‘Lagune, igerri esakune!’ lelopean, Herrien arteko III. Berba Probak Mungian

Bizkaie! 2008-04-28 12:53   Bertsolaritzea

Izena emoteko epea apirilaren 30ean amaituko da. Ondoko helbidea erabili: berbaprobak@gmail.com

Herritarren ekimenari esker eta Txokolo kultur alkarteak bultzatuta, maiatzaren 10ean Herrien arteko III. Berba Probak egingo dira. Goizeko 11:00etan hasita, Mungiako eta inguruetako esakuneak eta bertsoak batzen dituan txapelketearen hirugarren edizinoa da aurtengoa.

Urte birik behingo Bizkaiko Eskualdetako Txapelketak martxan, Bizkaiko Bertsolari Txapelketearen atarian

Gorka Intxaurbe Etxebarria 2008-04-25 12:38   Bertsolaritzea Zazpi eskualde eta 60 bat bertsolari lehian, euretatik asko lehenengoz parte hartuko dabenak

Enkarterrin, Bilboaldean, Lea-Artibain eta Arratian finala baino ez dabe jokatuko, baina Busturialdean, Durangaldean zein Ipar Uriben bertsolari gehiagok emon dabe izena eta, beraz, kanporaketa saioak antolatu ditue sei finalistak aukeratzeko.

Gipuzkoako IV. Bertso Eskolen Eguna Usurbilen

Bizkaie! 2008-04-17 15:53   Bertsolaritzea

Gipuzkoako bertsolari neska-mutilen hartu-emonak zaintzea eta sustatzea da ekimenaren helburu nagusietako bat Unai Muñoa, Gipuzkoako Bertsozale Elkarteko Transmisino Saileko kideak azaldu dauenez.

Asier Otamendik irabazi dau Arabako Bertsolari Txapelketea, bederatzigarrenez

Bizkaie! 2008-04-07 12:01   Bertsolaritzea

Otamendik saio oso erregularra egin eban eta, horrenbestez, bederatzigarrenez jantzi dau txapela. Otamendik eta Manex Agirrek egin eben buruz burukoa saioaren amaieran eta 593,5 puntu lortu zituan txapeldunak; Agirrek, 582. Hirugarren, Iñaki Viñaspre sailkatu zan, 397,5 puntugaz.

»» Ikusi argazki guztiak (2)

Laster abiatuko da GR-16 bertso-bidea

Bizkaie! 2008-04-02 15:03   Bertsolaritzea

Ibilbidea luzatu, eta hamasei herritako bertsolari eta bertsozaleak batuko ditu aurtengoan, eta apirilean hasi eta udagoienean amaituko da. Plaza gitxi egiten dituen bertsolariei aukera emotea eta herrietako bertso-eskoletara jente barria hurreratzea ditu helburu egitasmoak.

Arabako bertsolari txapelketako finala Andere Arriolabengoagaz

Gorka Intxaurbe Etxebarria 2008-03-28 10:13   Bertsolaritzea

Apirilaren 5a egun seinalatua da bertsozaleontzat Gasteizko Printzipal Antzokian arrastiko 17:00etan jokatuko baita Arabako Bertsolari Txapelketako finala. Aurreko saioetan puntu gehien batu dituen bertsolariak honakoak dira: Manex Agirre, Andere Arriolabengoa, Asier Otamendi, Iñaki Viñaspre, Zigor Enbeita eta Oihane Perea.

Andere Arriolabengoak zuzenean lortu dau finalerako txartela Aramaion

Bizkaie! 2008-03-18 13:04   Bertsolaritzea

Gasteizko Principal antzokian apirilaren 5ean jokatuko dan Arabako Bertsolari txapelketako finalean honako bertsolari honeek izango dira: Manex Agirre, Asier Otamendi, Iñaki Viñaspre, Oihane Perea, Andere Arriolabengoa eta Zigor Enbeita.

Bilboaldea lehenengoz txapeldun BBK txapelketan

Gorka Intxaurbe 2008-03-17 14:02   Bertsolaritzea

Barikuan jokatu zan Bilboko Kafe Antzokian XVI. Bertsolari Gazteen BBK Txapelketea. Azkeneko urte biotan sariketa honek eskertu dau, ikuslegoaren alderditik behintzat, barriro Kafe Antzokietara bueltetea: Durangokora igaz eta Bilbokora aurten. Giro ikaragarriagaz, iluntzeko 19:00ak pasautxo zirala, aurkeztu zituan Bernar Mandalunizek saioko lehenengo protagonistak.

»» Ikusi argazki guztiak (2)

Julen Zelaietak jantzi dau Nafarroako txapela

Bizkaie! 2008-03-17 09:35   Bertsolaritzea

Zapatu arratsaldean Elizondoko Lur aretoan izandako finalean, 27 urteko beratarrak 418 puntu lortu zituan. Jon Barberena geratu zan bigarren (409,5 puntugaz) eta Julio Soto hirugarren (408 puntugaz). Laugarren, Erika Lagoma sailkatu zan (403 puntugaz).

Manex Agirrek irabazi dau Arabako finalerako txartela

Bizkaie! 2008-03-10 14:15   Bertsolaritzea

Saio borobila aramaioarrak egindakoa, freskotasuna eta zuzentasuna nabarmen geratu diralarik, 326’5 puntugaz. Asier Otamendik egin dau bigarren 322’5 puntugaz, Oihane Pereak 321, Iñaki Viñasprek 312’5, Serapio Lopezek 306’5 eta Felipe Zelaietak 283’5 puntu.

Bidasoako XXI. Bertsopaper Lehiaketara lanak aurkezteko epea maiatzaren 2an amaituko da

Bizkaie! 2008-03-07 14:12   Bertsolaritzea

Jatorrizko, argitaratu bako eta beste lehiaketaren batean saritu ez diran bertsoak onartuko dira bakarrik eta norberak aukeratuko dau gaia, doinua eta neurria.

Bilboaldea txapelaren bila

Bizkaie! 2008-03-06 10:08   Bertsolaritzea

Sailkapen fasea amaituta, finala baino ez da geratzen, datorren 14an jokatuko dana Bilboko Kafe Antzokian, Ipar Uribe eta Bilboaldeko taldeen artean. Sorpresa handia izan da atzoko saioan Bilboaldekoak finalerako eskubidea lortzea.

»» Ikusi argazki guztiak (2)

Astegoienean erabagita gelditu dira Arabako Bertsolari Txapelketako finalerdiak

Bizkaie! 2008-03-03 13:58   Bertsolaritzea

Lehenengo finalerdia, Ondategiko Zigoitia Aretoan jokatuko da, martiaren 9an, arratsaldeko 17:00etan. Bertan Asier Otamendi, Oihane Perea, Manex Agirre, Iñaki Viñaspre, Felipe Zelaieta eta Serapio Lopez bertsolariek kantauko dabe Irati Lotina gai-jartzailearen agindupean.