Miren Amuriza lehenengo Laudion; saioko hiru bizkaitarrak finalerdietara

Gorka Intxaurbe Etxebarria 2009-10-26 09:31 Bertsolaritzea

Final laurenetako azken saioa emozinoz beteta egoan. Puntuazinoa gogoan, danok jakin gura genduan zeintzuk izango ziran zapatura arteko saioko irabazleei segiduko eutsien 11 bertsolariak. Zerrenda hori Onintza Enbeitagaz akabau da, besteak beste, Amaia Agirreren ─ateetan gelditu dan lehenengoa─kalterako. Laudioko saioan ordena honetan urten eben bertsolariak oholtza ganera: Onintza Enbeita, Jon Martin, Miren Amuriza, Iñigo Izagirre, Arkaitz Oiartzabal 'Xamoa' eta Fredi Paia.

M. Amurizak sensibilidade handiagaz kantau eban saio guztian. Gai serioetan zein umorea erabili behar zanean be erakutsi eban hori. Hamarreko txikerrean, esate baterako, elegante ibili zan. Horretan asko lagundu eban F. Paia algortarrak. Saio polita egin eban Fredik, hamarreko txikerrean golpea jo eta beste ariketetan beherantza joan barik. J. Martinek bertsolerroz bertsolerro puntuak batu ebazan. O. Enbeitak sano errealak egiten dauz egoera guztiak. Bertsokera garbia dauka muxikarrak, jentearengana ailegetan dana. A. Oiartzabal eta I. Izagirre, lehenengo lauren aldean, beheratxoago ibili ziran, baina zortziko txikerreko ofizio polita egin eben bien artean.

Zortziko handian gustura entzun genduzan O. Enbeita eta J. Martin. Alakranaren inguruan. O. Enbeita errealidadean gehiago sartu zan eta Jon Martin bere bertsoak parau barik jantzi guran ibili zan. Zortziko handiko gaiek ─Alakrana, Egunkaria eta krisiaren ingurukoak, hain zuzen be─ez eben luziduteko aukera gehiegirik emon.

Zortziko txikian gora egin eban saioak. J. Martin eta M. Amurizaren ofizioak jentearengan barre-zantzoak eragin ebazan. Batera afaltzen daben aspaldiko lagunen papelean kantau eben biak. Jon komunera joan eta bueltan Miren erdi-biluzik topetan dau. J. Martinek lehenengo bertsoan hainbat afaldu dauela baina oindino badaukala postrerako lekua kantau eutson Mireni. Berriztarrak, barriz, berogailuaren ideia atara eban, beroaren kontua zala dana. Bere bigarren bertsoan ederto bota eban ia postrea afaria baino hobea izango zan. J. Martinek, barriz, galanta bota eban bere azkeneko bertsoan, Mirenen aita akorduan, ezin dauela ezebe egin.

Hamarreko txikerrean F. Paiak eta M. Amurizak egin eben orain arte entzun dodan ofiziorik onena. Alkarreri lagunduta, baina erantzunda eta ideiak emonaz. Mirenek bost urte daroaz zahar-etxe batean eta F. Paia etorribarria Mirenen gelan iminten dabe. Saio hau hobeto www.bertsoa.com edo www.bertsoplaza.com webguneetan entzuten badozue. J. Martinek be erraztasun handiagaz osotzen ebazan bere bertsoak.

Puntu erantzunean O. Enbeitak euki eban argien zer kontestau. Fredi be polito ibili zan. Halanda be, puntu batzuk erantzuten gatxak eretxi jatazan, batez be, ipinterakoan eukitako belozidadeagaitik. Kartzelako beharrean (gaia: 'mila bider pentsau izan dozu ez dozula barriro guzurrik esango, baina barriro esan dozu') lehenengo hiru sailkatuak ibili ziran bestean ganetik: M. Amuriza, F. Paia eta J. Martin.

Azkenean, holantxe parau ziran puntuazinoak:

1. M. Amuriza: 655,5 puntu
2. F. Paia: 649 puntu
3. J. Martin: 639 puntu
4. O. Enbeita: 632,5 puntu
5. Arkaitz Oiartzabal 'Xamoa': 601 puntu
6. Iñigo Izagirre: 596 puntu

Eta, Laudion erabagi zan, baita, finalaurrekoetan parte hartuko dabenen zerrendea. Zuzenean txartela honako honeek lortu eben:

Zestokoa lehen sailkatua	Jone Uria	661,5 puntu
Leitzako lehen sailkatua	Etxahun Lekue	643 puntu
Bilboko lehen sailkatua	Iñaki Zelaia	643 puntu
Uztaritzeko lehen sailkatua	Beñat Gaztelumendi	669 puntu
Zarauzko lehen sailkatua	Iker Zubeldia	643 puntu
Laudioko lehen sailkatua	Miren Amuriza	655,5

Puntuazinoz, txartela honeek lortu dabe:

1 – Arkaitz Estiballes	661 puntu
2 – Uxue Alberdi	660 puntu
3 – Aitor Sarriegi	657 puntu
4 – Fredi Paia	649 puntu
5 – Xabier Paya	644,5 puntu
6 – Iñaki Gurrutxaga	642,5 puntu
7- Julio Soto	639,5 puntu
8- Jon Martin	639 puntu
9 – Maddalen Arzallus	636,5 puntu
10- Ainhoa Agirreazaldegi	634 puntu
11- Onintza Enbeita	632,5 puntu

Finalaurrekoen lehenengo bueltea:

Bergara 2009-11-07	Gasteiz 2009-011-08	Tolosa 2009-11-14	Hendaia 2009-11-18
Aitor Mendiluze	Unai Iturriaga	Igor Elortza	Amets Arzallus
Maialen Lujanbio	Miren Amuriza	Sustrai Colina	Jon Maia
Etxahun Lekue	Iñaki Zelaia	Iker Zubeldia	Jone Uria
Beñat Gaztelumendi	Arkaitz Estiballes	Uxue Alberdi	Aitor Sarriegi
Fredi Paia	Xabier Paya	Iñaki Gurrutxaga	Julio Soto
Jon Martin	Maddalen Arzallus	Ainhoa Agirreazaldegi	Onintza Enbeita