Zubin Mehta maisuak zabalduko dau Bilbao Arte Portua zikloa Bilbon
2016-03-03 10:54 MusikeaBilbao Arte Portuaren lehenengo denporaldiak, esaterako, sei kontzertu handi eskainiko ditu Zubin Mehta, Vladimir Spivakov, Denis Matsuev, Ivo Pogorelich, René Jacobs eta James Newton Howard maisuen eskutik.
Bilboko Euskal Museoko klaustro barritua zabaldu dabe
2016-03-03 10:48 kulturbizSei hileko lanen ostean, itxura barritua eta museoko piezak jasoteko baldintza aproposagoak daukaz klaustroak. Batez be, Mikeldi ezaguna hobeto babesteko neurriak hartu dira. Unai Rementeria Bizkaiko Ahaldun Nagusia eta Juan Mari Aburto Bilboko alkatea bertan dirala, ekitaldi bategaz ospatu dabe klaustro barrituaren inaugurazinoa Euskal Museoan.
IX. Huhezinema, martiaren 16tik 18ra
2016-03-03 09:39 ZinemeaMartiaren 16tik 18ra egingo dabe Mondragon Unibersidadeko Huhezi Humanidade eta Hezkuntza Zientzien Fakultadeak antolatutako Huhezinema jaialdiaren 9. edizinoa. Danetara, 90 lan jaso ditue antolatzaileek, eta horreen artean hamar aukeratu sail ofizialeko finalista moduan.
Gizazinea ekimena egingo dabe Bilboko Ibaiondo barrutian, beste gizarte errealidade batzuk erakusteko
2016-03-03 09:38 jardunaldiakMartiaren 19ra arte, ikus-entzunezkoak, berbaldiak, erakusketak eta kontzertuak egongo dira Bilboko Ibaiondo barrutiko auzoetan, Gizazinea ekimenaren aurtengo edizinoaren barruan. Caostica alkarteagaz batera, Bilboko Udalak antolatzen dau Gizazinea, beste gizarte errealidade batzuk uriko auzotarrei erakusteko.
Hogei eragile baino gehiago batuko ditu Zubideiak topaketeak maiatzaren 7an, euskerearen normalizazinoa aztertzeko
2016-03-02 16:59 Euskerea berbagaiEuskerea, aniztasuna eta bizikidetzea izango dira Zubideiak topaketako ardatzak. Hogei erakunde eta eragile baino gehiagok adostu dabe gizarte-alkarrizketarako hitzordua antolatzea, maiatzaren 7an. Euskerearen normalizazinoa gizarte guztiaren ardurea danez, danen ahotsa entzutea izango da asmoa.
Ikus-entzunezko euskal ondarea erakutsiko dau Euskadiko Filmategiak martiko programazinoan
2016-03-02 14:44 BarriakEuskadiko Filmategiak Tabakalerako egoitza barria dauenetik, lehen aldiz proiektauko ditu erakundeak konserbetan dituan ikus-entzunezko gordailuak. Martian Euskal ondarea pantailara izenburupean bost film erakutsiko dira lau saiotan banatuta.
Busturialdeak Bertsolari Gazteen BBK Txapelketako finala jokatuko dau
2016-03-02 14:12 BertsolaritzeaArratzuko Barrutialde institutuan jokatutako lehenengo finalaurrekoan, Busturialdeak atara dau puntu gehien eta, ondorioz, martiaren 18ko finalean egongo dira eskualde horretako bertsolariak. Sei puntuko aldea baino ez deutso atara Durangaldeko taldeari: epaileek 436 puntu emon deutsiez Busturialdekoei eta 430 Durangaldekoei.
Euskal batailoietako gudarien argazkiak ipini ditue Batzar Nagusien egoitzan, Bilbon
2016-03-02 13:05 KultureaMauro Saravia txiletarrak ataratako argazkietan 1936ko gerratik bizirik geratzen diran gudariak agiri dira. Intxorta 1937 alkarteagaz batera antolatutako erakusketa hori Bilbon egongo da martiaren 29ra arte, Bizkaiko Batzar Nagusien egoitzan. Gudari gehienak gizonak ziran, baina emakumeek be gerrea sufridu ebela gogoratzeko, omenaldia egingo jake apirilean eta hareei buruzko argazki erakusketea datorren urtean aurkeztuko dau Saraviak.
'Basque Yourself', ikasleentzako EHUko udako ikastaroa
2016-03-02 12:22 KultureaI. Basque Yourself International Summer School, datorren bagilaren 26tik garagarrilaren 15era bitartean eskainiko da Donostian. Bere helburuak mundu mailako ospea daben profesionalen eskutik lehen mailako eduki akademikoak eskaintzea, eta ikasleak euskal hizkuntza eta kulturan buru-belarri sartzea dira.
Lekeitioko 39. Euskal Zine Bilerea hilebete aurrerago dator aurten
2016-03-02 11:34 ZinemeaEuskal Zine Bilerearen data aldaketearen arrazoi nagusia euskerazko zinemagintzeak dauen hitzordurik garrantzitsuenari bere lekua emotea da. Holan, Euskal Zine Bilerea Donostiako Zinemaldiaren (iraila) eta Zinebiren (zemendia) artean kokatuko da, urria euskal zinemaldiaren erreferente bilakatuz.
Badator Loraldia
2016-03-02 10:12 kulturbizApirilaren 9tik 24ra, euskerazko kultur produkzinoaren azken loreek Bilbo uria hartuko dabe. Esparru artistiko guztietako ikuskizunak izango dira: musikea, jantzak, antzerkia, zinemea, literaturea, bertsolaritzea, performancea... Danetara, 16 egun; 30 ikuskizun baino gehiago; 50 artista baino gehiago; eta hori guztia, 11 lekutan.
Akitania-Euskadik, Etxeparek eta EKEk alkarlanerako kultur egitasmo barria aurkeztu dabe: Aquitaine.eus
2016-03-01 17:00 KultureaHitzarmenaren bitartez sinatzaileak lankidetzan ibiliko dira bi norabidetan: batetik, Iparraldeko eta Hegoaldeko euskal kultur sortzaileen lanak Akitaniako diziplina desbardinetako jaialdi eta ekitaldietan erakutsiko ditue; bestetik, Akitaniako eta Euskadiko kultur sortzaile eta eragileen arteko mugaz gaindiko hartu-emonak eta alkarlana sustatuko ditue.
Berbaldiak eta topaketak hurrengo egunotan Bilbon, Musika-Musica ziklorako motorrak berotzeko
2016-03-01 16:53 MusikeaMartiaren 4, 5 eta 6an izango dira Musika-Musica zikloko kontzertu nagusiak, Bilboko Euskalduna jauregian. Horren aurretik, baina, jarduera osogarriak antolatu ditue, doban, Euskaldunan bertan. Berbaldiak entzun, artistakaz berba egin eta entsegu bat barru-barrutik ezagutzeko aukerea emongo dabe.
Hego Uribe BBK txapelketako finalaurrekoetan sartu da, Lea-Artibairi irabazita
2016-03-01 14:36 BertsolaritzeaBertsolari gazteen BBK Txapelketeak badaukaz lau semifinalistak. Azken kanporaketan, Markina-Xemeingo Lea-Artibai ikastetxean, Hego Uribeko seikoteak etxeko taldeak baino puntu gehiago lortu ditu eta martiaren 8an, Zallan, finalaurrekoa jokatuko dau, Uribe Kostaren kontra.
Bilbao Mendi Film Festival Mexikora helduko da lehen aldiz
2016-03-01 14:05 ZinemeaMartiaren 1ean eta 3an, lau film erakutsiko ditue Mexikon. Bilbao Mendi Film Festival erreferentzia da nazinoartean mendiko zinemagintzan eta horren erakusgarri, euskal produkzinoa eta zuzendaritzea daben lau pelikula eskainiko ditu Mexikoko 24 uritan, jaialdiko ale onenetakoak batzen dituan erakusketa bat zabalduz eta Euskadi sustatuz bidenabar.
Askotariko proposamen kulturalak Bilbon, Blas de Oteroren mendeurrena gogoratzeko
2016-03-01 13:35 Kulturea1916ko martiaren 15ean jaio zan Blas de Otero poeta bilbotarra eta mendeurrena gogoratzeko ekitaldi piloa antolatu dau Bilboko Udalak, kultur eragile eta artistakaz alkarlanean. Irakurraldiak, antzezlanak eta lora eskaintzak egingo ditue. Ganera, Andres Urrutiak euskerara itzuli dau Oteroren Istorioak, alegiazkoak nahiz egiazkoak, prosa poetikoan idatzitako liburua.
Zabalik dago 2016ko Kimuak egitasmoan izena emoteko epea
2016-03-01 13:14 ZinemeaKimuak egitasmoaren 2016ko edizinora film laburrak aurkezteko epea martiaren 1etik maiatzaren 31ra bitartean egongo da zabalik.
Eusko Jaurlaritzako Kultura Sailak Etxepare Euskal Institutuaren bitartez eta Euskadiko Filmategia Fundazinoaren laguntzinoagaz antolatutako programa honek euskal film laburren sustapena eta banaketea dau helburu.
CodeSyntaxek goitik behera barriztau dau Blogak.eus bere 10. urteurrenerako
2016-03-01 11:43 KultureaHamar urteotan plataformeak (hemendik aurrera blogak.eus domeinuan) Interneten euskerazko edukien kopurua handitzen lagundu dau, 3.000 blog eta ia 50.000 publikautako artikulugaz, kontuan hartu barik horreek sare sozialetan eragin dituen milaka sarrera eta alkarrizketak. Hain zuzen be, audientzia datu esanguratsuak ditu: 700 erabiltzaile dabiz egunero, urtean miloe bat ikusitako orrigaz.
'Handia da euskerearen balioa, baita termino ekonomikoetan be'
2016-03-01 10:15 Euskerea berbagaiIkerketa honek agirian jarten dauenez, jarduera sektore bat gehiago da euskerea euskal ekonomian. Herri-administrazinoek zuzenduriko jarduera publikoaz gan, euskereak merkatu gero eta zabalagoa dauka, eta berezko industria bat. Euskereagaz lotura estua daben merkatu pribatuaren jarduerek enplegua sortzen dabe euskal ekonomiaren sarean.
Break On Stage, kultura urbanoen topaketea, apirilaren 16an izango da Bilbao Arenan
2016-03-01 10:10 kulturbizIgaz arrakasta handiz egin zan Break On Stage, 5.000 ikusle hurreratu ziran Bilboko Miribilla auzoko Bilbao Arena pabilioira. Aurten, beraz, indarbarrituta dator kultura urbanoen jaialdi hori, bertoko eta nazinoarteko artisten eskutik: Breakdance, hip-hop, scooter freestyle eta beste modalidade asko egongo dira apirilaren 16an.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...