Aktualitatea

Iñaki Goirizelaiak Unibersidadeen G-9 Taldeko presidentzia hartuko dau

Unibersidadeen G-9 Taldeko errektoreek urteko lehenengo bilerea egingo dabe gaur eta bileran G-9ko sei hileko presidentziaren eskualdatzea egingo da, José Arnáez, Errioxako Unibersidadeko errektoreak kargua itxi eta EHUko errektore Iñaki Goirizelaiak hartuko dau. 

'Truman' filma nagusi, 5 Goya sari irabazita

Truman izan da 2016ko Goya sarien 30. edizinoko protagonista nagusia, izan be, bost sari irabazi ditu, Cesc Gay zuzendariaren Truman filmak 6 izendapen zituan eta 5 sari eroan ditu: Film Onenarena, Zuzendari Onenarena, Jatorrizko Gidoi Onenarena, Gizonezko Aktore Nagusi Onenarena (Ricardo Darin) eta Antzeztaldeko Gizonezko Aktore Onenarena (Javier Camara).

Kontxu Odriozola aktorea hil da

Goenkale telesaileko Maria Luisa personaiak euskal aktore ezagunenetako bat bihurtu eban, baina Kontxu Odriozola azpeitiarrak ibilbide luzea egin eban aktore lanean. Haren senideek jakin eragin dabenez, 70 urtegaz hil da Odriozola. Badirudi minbizia eukala.

'Euskerearen Historia Soziala lantzeko eredu metodologikoa' aurkeztuko dabe Donostian

Euskerearen Historia Soziala lantzeko eredu metodologikoa liburua Euskaltzaindiaren Euskerearen Historia Soziala (EHS) egitasmoa aurrera daroen Mikel Zalbidek, Lionel Jolyk eta Nikolas Gardnerek idatzi dabe. Metodologia-liburua da; hizkuntza-soziologiaren eta soziolinguistikearen teorietan oinarritzen da, batez be, metodologia hori. Hizkuntzen gizarte-dimensinoaren historia aztertzeko atondu da berariaz.

Berlingo Freie Unibersidadean euskerea eta euskal kulturea erakusteko irakurlea aukeratzeko deialdia egin dabe

Etxepare Euskal Institutuak deialdi barria egin dau Berlineko Freie Universität unibersidadean euskerea eta euskal kulturea erakutsiko dituan irakurle bat aukeratzeko, 2015-16 ikasturterako, 2016-17 ikasturtera luzatzeko aukereagaz. Eskaerak aurkezteko epea ozezeilaren 20an amaituko da.

Aro Modernoko euskal gizartea eta Eleizea ikertu ditue

Liburuan hainbat gai landu ditue, askotarikoak eta orain arte landu bakoak: baserri giroko abadeak, jesuitakanako merkataritza jokabidea, Eleizeak sexu moralean eban eragina, Eleizeak kontrabandoaren esparruan eukan immunitatea zelan erabilten eban neurri barik, gune sagraduen boterearen sinbolo lez, Inkisizinoaren zerbitzura egozan esplotatzaileak, eleizgizonen euren eta euren kontrako indarkeria...

Euskerearen ganeko diskurso partekaturako zoru komunaren oinarriak aurkeztu ditue

Euskerearen Ganeko Oinarrizko Diskursoen egitasmoaren barruan egindako ikerketa horreetako informazinoa landuz, Hizkuntza Politikarako Sailburordetzeak diskurso desbardinen arteko alkargunea izan leitekenaren edukiak zehaztu ditu eta horreek dira gaur goizean Baztarrikak azaldu dituanak. Alkargune hori izan daiteke, hain zuzen be, euskerearen ganeko diskurso partekaturako zoru komunaren oinarria.

Umeen literaturako Mikel Zarate Sariaren zazpigarren edizinoa martxan dago

Lezamako Udalak eta Elkar argitaletxeak bultzatuta, urtero antolatzen dabe Mikel Zarate zanaren izena daroan sariketea, euskerazko umeen literaturea bultzatzeko. Aurten, zazpigarren edizinoan, apirilaren 30era arteko epea daukie idazleek lanak entregetako. Sari bakarra emongo da.

Norman McLaren eskoziarraren inguruko erakusketea hartuko dau Bilbao Artek hileon

Zezeilaren 5etik 26ra bitartean ikusi ahal izango dira Norman McLarenen (1914-1987) sorkuntza lanak Bilbao Arteren egoitzan, Urazurrutia kalean. Zinemagintzako animazinoan aitzindari izan zan McLaren eta haren ekarpena gogoan hartzeko, erakusketeagaz batera jarduera ziklo bat antolatu dabe. Proiekzinoak eta berbaldiak egongo dira besteak beste.

Franco Cesarinik Bilboko Udal Musika Bandeagaz estreinauko dau bere lehenengo sinfonia: 'The Archangels'

Mundu osoan ezaguna dan Franco Cesarini zuzendari eta konposatzaile suitzarrak Bilboko Udal Musika Bandea aukeratu dau idatzi dauen lehenengo sinfonia, The Archangels, estreinetako. Hirzordua zezeilaren 7an, domekan, eguerdiko 12:00etan izango da, Bilboko Euskalduna Jauregiko Auditorioan, Musika helvetiarra ezagutzen izenburuko kontzertuan.

Euskerearen Aholku Batzordea eratu dabe Bilbon

Bilboko Udaleko ordezkariek eta kulturearen arloko hainbat ordezkarik osotuten dabe Euskerearen Aholku Batzordea. Ezagutzatik erabilerara pasau eta uriburuan euskerea indartzeko asmoz sortu dabe erakunde hori. Osoko bilkuren eta arlokako batzordeen bidez eztabaidarako eta aholkuak emoteko gune bihurtu nahi dabe.

Hemen doguz Aratusteak, eutsi goiari!!!

BilbaoArtek Bilbo eta Santander arteko 'Frontera imaginaria' proiektuko 5 ikus-entzunezko estreinauko ditu

Bost ikus-entzunezko proiektauko dira, uri bien artean dagoan distantzia emozionala eta fisikoa murrizteko eta arintzeko asmoagaz. Hamar minutuko iraupena dauka pieza bakotxak eta talde artistiko bien arteko lanari esker sortu dira.

Kulturearen Euskal Kontseiluak batzarra egin dau Bilbon

Cristina Uriarte Eusko Jaurlaritzako Kultura eta Hezkuntza sailburuak gidatuta, politikearen eta kulturearen arloko hainbat ordezkari batu dira Bilbon, Kulturearen Euskal Kontseiluaren batzarrera. Kultura Auzolanean Plana izan da berbagai nagusietako bat. Egitasmo horren 2014 eta 2015 urteetako balantzea egin eta 2016rako asmoak zehaztu ditue.