Aktualitatea

‘Una ría con duende’ topaketa flamenkoen jaialdia egingo da Bilbon

Irailaren 13tik urriaren 10era bitartean egingo dan ekimen horren bitartez, Bilboko Udaleko Kultura eta Hezkuntza Sailak eta Sonikete produktoreak Bizkaiko uriburura hurreratu gura ditue flamenkoaren hegoaldeko erritmoak, askotariko eta begi-bistako kultur eraginak batu eta mueta askotako publikoak atrapetako gaitasuna dauen musika-genero honen ezagutza sustatzeko asmoz.

Habaneren eta Itsas Kantuen Jaialdiak Getxoko musika jaialdien zikloa amaituko dau

Hiru egunez, irailaren 11tik 13ra, jenteak hiru kontzertu entzun ahal izango ditu Getxon hainbat estilotako artista eta talderen eskutik. Jaialdiaren hogeta bigarren edizinoan, Biotz Alai getxotar abesbatza ezaguna izango da jaialdia inauguretako arduraduna

Bilboko Euskera sailak eta uriko euskaltegiek euskera ikastaroetan izena emotera animau ditue herritarrak

Euskera sailaren datuen arabera, aurreko ikasturtean, 9.500 ikasle inguruk emon eben izena euskera ikastaroetan.

Zenbait euskal gazte mobimentuk V. Europar Gizarte Foroan parte hartuko dabe

Euskal Herriko zenbait gazte mobimentuk Malmön herrian (Suedia) ospatuko dan V. Europar Gizarte Foroan parte hartuko dabe irailaren 17tik eta 21era bitartean, gazte internazionalisten Kamaradak sareak jakinarazo dauenez.

AEK euskaltegietako matrikulazino kanpainea abian da

Aurtengo kanpainearen leloa 'mihia jan dizu katuak?' da. AEKk milaka kartel ipiniko ditu Euskal Herri osoan zehar bi irudigaz: batean katu bat agertuko da 'mihia jan dizu katuak?' leloagaz, bestean, barriz, txakur bat agertuko da 'la ciencia de enseñar la lengua amistosamente' mezuagaz.

Musikale jaialdiak emongo deutso udeari amaierea

Herrialde desbardinetako hamabi taldek parte hartuko dabe aurten irailaren 19tik 21era bitartean Basaurin, Erandion, Leioan eta Sestaon ospatuko dan Musikale jaialdian.

Gorabeherak ardaoen kriantza prozesuetan

Zehaztasun handiz bereiztu ahal izan da zein ardao tratatua izan dan zerrauts edo haretx egur zatiakaz eta zein barriketan, ez ostera, zein zerrautsagaz eta zein haretx egur zatiakaz.

Zibergerrea, gerra modernoa

Gerren istorian eta estrategietan aldaketak izan dirala esan geinke. 'Ohiko' gerretan, etsaiaren lurraldea okupau ezkero, gerrea amaitutzat emoten zan. Gerra modernoetan, etsaiaren antolakuntza sistema guztiak (ekonomikoak, osansun sistemak, komunikazinoak, administrazinoak) apurtzen dira.

Bordeleko Euskal Etxeak euskerazko webgunea estreinau dau

Bordeleko Euskal Etxearen webgunea dagoeneko euskeraz dago, frantsesez gain. Alkarteak azken Batzorde Nagusian webgunearen euskeratzearen garrantzia autortu eban eta honezkero Sarean jarri dabe bersino barria.

'Asthmatic Lion Sound System' diskoa plazaratuko dau Fermin Muguruzak urriaren 31an

Fermin Muguruza abeslari irundarrak bere lan barria plazaratuko dau urriaren 31an, 'Asthmatic Lion Sound System' izenpean, komunikatu baten bidez jakinarazo dabenez; edozelan be, urriaren 1ean, diskoaren aurrerapen moduan, lehenengo singlea entzun ahal izango da.

Donostiako Bagera alkarteak euskereari Zinemaldian emoten jakon tratamentua aztertuko dau

'Urteroko azterketa honegaz, euskereari eskaini jakon tratamentuak aldaketarik izan dauen eta, orokorrean, eskaini jakon presentzia zelakoa izan dan jakitera emon gura dogu', esan dau Bagera Donostiako alkarteak.

Inoizkorik jente gehien erakarri dau aurtengo Getxo Folk Jaialdiak

Aurreko urteetako markak txiki itxita, 63.000tik gora lagun hurreratu dira joandako astegoienean Getxora, Areetan egin dan Getxo Folk Jaialdira.

Darren Aronofskyren 'The Wrestler' pelikuleak jaso dau Urrezko Lehoia Venezian

Zilarrezko Lehoia Aleksei German Jr. errusiarrak irabazi dau. Bumaznyj Soldat lanean, espaziora lehenengoz joango diran astronauten istorioa kontetan dau. Merab Nididze eta Chulpan Khamatova dira pelikulako aktore nagusiak.

Krisia, udako oporrak... urtarrileko aldatzari ez eze, irailekoari be aurre egin beharko deutsagu, zelan edo halan...

'Norteko Ferrokarrilla', Elhuyar Fundazinoaren irratsaioa, irailaren 9tik aurrera Euskadi Irratian

Irratsaioaren hamahirugarren denporaldia izango da, eta Guillermo Roak zuzendu eta gidatuko dau. Aurtengo ekitaldian, 'Norteko Ferrokarrilla' gaueko 21:00etatik aurrera emitiduko da, martitzenetan, ordubetez.