Aktualitatea

Poetaliak eta Bidebarrieta Kulturguneak antolatu daben poesia zikloa gaur hasiko da Bilbon

Zikloari hasierea emoteko, Kubako eta mundu osoko lirika egile handienetakoa izan zan Dulce Maria Loinaz (Habana, 1902-1997) poeteari eskainitako poesia eta musika errezitaldia izango da gaur, urriaren 28an.

'Prisoners'

Zuzendari kanadiarrak Prisoners-en egin dauen lana mirestekoa da. Lehenengo minutuetatik harrapetan zaitu. Ez dago berbaurrerik. Pelikuleak aurrera egin ahala, konturatzen zara gehien estutzen zaituena ez dala desagertutako umeak non dagozan, baizik eta holako egoera batean etsita dagoan personea noraino heldu daitekeen.

Lou Reed musikaria hil da

Lou Reed musikaria eta The Velvet Underground taldeko liderra hil da bart New Yorken 71 urte zituala. Ez dabe heriotzearen zergaitiaren ganeko zehetasunik zabaldu baina Andrew Wylie, musikariaren agenteak baieztatu dau albistea eta gauza jakina zan joandako maiatzean gibeleko transplantea egin eutsienetik makalik egoala.

UEUk on line irakaskuntzan aurrera pausua egingo dau, Euskal Unibersidadearen hazia izan daiten

Karmele Artetxek ikasturte barri honetan UEUk erronka handi bati helduko deutsola azaldu dau, on line irakaskuntzeari, hain zuzen be. UEUko zuzendariak bide honi orain 10 urte ekin eutsiela azaldu dau eta esperientzia horrek pausu bat harago joateko ziurtasuna emoten deutsela. UEUren helburua metodologia hau erabiliz titulazinoak eskaintzen hastea da.

Euskal Herriko IX. Ikus-entzunezkoen Rallya Durangoko Azokako Irudienea Gunean izango da

Azken zortzi urteotan lez, Euskaltzaleen Topaguneak Kameratoia Euskal Herriko Ikus-entzunezkoen Rallya antolatu dau eta oraingo honetan agertoki nagusia Durangoko Azokako Irudienea Ikus-entzunezkoen gunea izango da.

Bilboko Arte Eder Museoan 'Sardinia deszifraezina. Grabatutako zeinua' erakusketea aurkeztu dabe

Museoko arduradunek jakinarazo dabenez, erakusketan, Sardinia ugarte italiarreko hamar artistaren lan grafikoen aukeraketa zabala jarriko da ikusgai. Danetara, 133 artelan eskainiko ditu; horreetatik 109 Sardiniako Grabadu Eskolako bost ordezkarirenak dira -eskola hori joan dan mendeko lehenengo erdian garatu zan-, eta ganerako 24ak beste horrenbeste artista sardiniar garaikidek egin ditue.

Jabier Muguruza nostalgia barik dator 'Beste hogei' behar barrian

Hogei urte egin barri ditu Jabier Muguruzak musikagintzan, eta beste hogei be beteteko prest dago bere disko barriaren arabera, Beste hogei. Urteurren honetan baina, nostalgia gitxigaz dator. Hamar kanta barrik osotzen dabe irundarraren 12. lana.

Liburu zaharren usainak hartuko dau Bilboko Arenala urriaren 25etik zemendiaren 10era

Dagoeneko Arenalean dagoz Bilboko Liburu Zahar eta Aukerakoen Azokako 37 salmenta-mahaiak, noz zabalduko zain. Gure helburu nagusia da, jentea liburuetara erakartea, irakurzaletasuna bultzatzea, aitatu dau Muniategik, nahi dogu irakurleak liburua usaindu, ikutu eta sentidutea, liburuaren magia horregaz kutsatutea.

Martxan da Bizkaidatz literatura sariketearen seigarren edizinoa

Yurre Ugartek eta Esther Zorrozuak idatzi ditue aurtengo VI. Bizkaidatz lehiaketearen abiapuntuak, batak euskeraz, eta besteak, gaztelaniaz. Parte-hartzaileek istorioen jarraipena idatzi beharko dabe. Irabazleek 1.500 euroko saria jasoko dabe.

Garazi Kamiok irabazi dau Augustin Zubikarai nobela-bekea

Orube abandonatuak dau izena Garazi Kamioren proiektuak. Hiru garai desbardinetan, hiru personaia bakartiren historia kontetan jaku nobela honetan. Epaimahaiak azpimarratu ditu testuaren fintasun psikologikoa eta irudien indarra.

Munduko edozein tokitan euskerazko komunikazinoa errazteko kanpainea abiarazo dau Eusko Ikaskuntzak erakundeak

Eusko Ikaskuntzak erakundeak Euskara pil-pilean kanpainea jarri dau martxan, abenduaren 3ko Euskerearen Nazinoarteko Egunaren harira, munduko edozein tokitan euskeraz egindako komunikazinoa errazteko asmoz.

Beñat Sarasola izan da irabazlea Santiago Onaindia Literatura Ikerketarako bekearen XIII. edizinoan

Literatur aldizkarien eragina euskal sistema literarioaren osaeran izeneko proiektua aurkeztu dau irabazle subertau dan Beñat Sarasola Santamaria donostiarrak.

Getxoko Euskerea Sustatzeko Ekintza Planak 300 jarduera baino gehiago aurreikusi ditu 2013 eta 2016ra bitartean

Plana egiteko prozesuan 18 aurkezpen egin ditu Getxoko Udalak eta 242 ekarpen jaso; horreetatik ia % 70 Planera batu dira. Plan barriak 2013 eta 2016 urteen artean Udalak udalerrian aurreikusitako helburuak beteteko aurrera eroango dituen jarduerak gidatuko ditu.

Astegoienean indarrean sartuko dan neguko ordutegiak ez zaizala kikildu

Keu Agirretxeak ahotsagaz eta gitarreagaz osotu dau 'Behe presioaren erdigunean' disko barria

Disko barriaren izenburuak berak, Behe presioaren erdigunean, argi adierazoten dauen lez, beste hainbat proiekturen zurrunbiloaren erdian ibili da konposatzen Keu Agirretxea musikari ondarroarra. Etxean grabautako laugarren beharra da, eta Mauka etxeak kaleratu dau. Lehenengo kontzertua etxean izango da, Ondarroako Kofradian, zemendiaren 2an.

Xaguxar bildumako lau liburu barri aurkeztu ditu Elkar argitaletxeak

Umeentzako liburuak dira Leire Bilbao, Arrate Egaña, Karlos Linazasoro eta Irati Bediagak idatzitakoak. Gaztetxuen kezkak, ezinegonak eta konplexuak arakatu ditue Bilbao, Egaña eta Bediagak, 10 urtetik gorakoentzako lan banatan. Linazasorok, aldiz, umore absurdutik jo dau, 12 urtetik gorakoentzat egokia dan liburuagaz.

Abizenak euskalduntzeko kanpainea egingo dau UEMAk

Euskaraz naiz! da horretarako aukeratu daben leloa, eta datozen asteetan, herritarrak beren abizenak euskal grafiaz jartera konbidau nahi ditue. Otxandio, Mallabi, Munitibar, Mañari, Artea, Izurtza, Berriatua, Gizaburuaga eta Gatikatik abiatuko da kanpainea, eta apurka-apurka UEMAko udalerri guztietara zabaltzea da asmoa.