Aktualitatea

'Hitz-ordena. Erabilera estrategikoa' jardunaldia egingo dau Euskaltzaindiak Donostian

Hitz-ordena. Erabilera estrategikoa deitutako jardunaldia egingo dau Euskaltzaindiko Corpus batzordeak, zezeilaren 24an, Donostiako Luis Villasante Euskararen Ikergunean. Akademiak izen bereko liburua aurkeztu barri dau, eta orain, jardunaldian, lan horretan planteautako gaien inguruko hausnarketea bultzatu gura dau.

Venus jainkosearen maitasun istorioak, Bilboko Berreginen Museoan

Venus maitasunaren jainkosa greziarraren zazpi eskultura erakutsiko dituan ibilbide gidatua atondu dau Bilboko Berreginen Museoak zezeilaren 14rako, San Balendin egunerako. Bisitea 18:00etan izango da, eta Venus edo Afrodita jainkoseak gizaki zein jainkoekaz izandako maitasun istorioen sekretuak agirian itxiko ditu.

Bihotzez jaialdia Leioan

Bihotzez alkarteak (Sortzetiko Kardiopatiak dituen Umeen Familien Alkartea) eta Leioako Udalak ongintzazko Bihotzez Jaialdia antolatu dabe zezeilaren 11rako; hitzordua Kandelazubieta Kiroldegian izango da, arratsaldeko 16:00etatik aurrera.

Bilbok XIX. mendean bizi izandako hedapena aztertu dabe 'Bidebarrieta' aldizkarian

Bidebarrietahumanitateei eta gizarte zientziei buruzko aldizkariaren 22. zenbakia Interneten argitaratu barri dabe Bilboko Udaleko Kultura eta Hezkuntza Sailak, Bidebarrieta Kulturguneak eta Eusko Ikaskuntzak. Bilbo: hirigunea, zabalkundeak eta mugak liburukian uriak XIX. mendean izandako hedapenari buruzko jatorrizko 20 bat ikerketa-lan argitaratu bakoak jaso ditue.

Erdi Aroko doinuetan arakatu dau Khantoria hirukoteak, Bereterretchen oinatzak diskorako

Ikerketa lan sakona egin dau Khantoria hirukoteak Berreteretchen oinatzak diskorako, lan hau, disko hutsa baino, azterlan osoa da, nabarmendu dau Ander Berrojalbizek. Artxibo, liburutegi eta abarretan bilatu eta gero, IV. mendeko Milaneko melodia horren zatiak daukiezan hainbat kanta topau ditue Erdi Aroko errepertorioan eta diskorako moldatu ditue.

Antony, Bobby McFerrin eta Jamaican Legends, Donostiako 47. Heineken Jazzaldian

Donostiako 47. Heineken Jazzaldian, besteak beste, Antony, Bobby McFerrin, Jamaican Legends (Sly & Robbie, Monty Alexander eta Ernest Ranglin), Yellowjackets, Ray Gelato, Marc Ribot, Ninety Miles (Stefon Harris, David Sánchez eta Nicholas Payton) eta Peter Evans lako artistak izango dira garagarrilaren 19tik 23ra bitartean.

'Les adieux à la reine' filmak edegiko dau gaur Berlinale jaialdia

Benoît Jacquot zuzendari frantsesaren Les adieux à la reine filma izango da 62. Berlinale jaialdiko lehenengoa. Chantal Thomas idazlearen izen bereko nobelea dau oinarri pelikuleak, Frantziako Iraultzaren hasieran dago girotuta, eta Luis XVI. eta Maria Antonieta errege-erreginen zerbitzarien ikuspuntutik kontauta. Berlinale zezeilaren 9an hasiko da, eta 19an, amaitu.

'Aita, zonbia naiz', zonbi, sorgin eta gaueko izakiak protagonista

Aita, zonbia naiz animazinozko filma geure zinema-aretoetara helduko da egunotan, estreinaldia zezeilaren 10ean izango da, hain zuzen be. Pelikuleak Xixongo Nazinoarteko Zinemaldian Enfants Terribles saria irabazi eban igaz, eta aurtengo Goya sarietarako hainbat izendapen ditu.

Injinerutzak hurretik ezagutzeko aukerea, egunotan Bilboko Goi Eskolan

Bilboko Injinerutzako Goi Eskolan Injinerutzak aurkezteko Jardunaldiak egingo ditue zezeilaren 8an eta 9an, 16:30etik 19:00etara bitartean. Bilboko Eskolearen ekimenez antolatu dira topaketak, eta Batxilergoko ikasleen asistentzia handia espero dabe. Diziplina anitzeko laborategi bat, tailer mekaniko bat eta 17 erakusmahai izango dira ikasle bisitarientzat.

Euskerearen normalizazinoan atzerapausu handia emon leike Eusko Legebiltzarrak

Aurreikusita dagoana gauzatzen bada, Eusko Legebiltzarrak ezerezean itxiko dau merkataritzan kontsumo-hartu-emonak euskeraz egiteko eskubidea, kontsumitzaile euskaldunen eskubideen babesean atzerapausu handia emonaz.

Arte sorkuntzeak teoria eta militantzia femininistan daukan eragina aztertuko dabe Arte Eder fakultadean

Arte sorkuntzan teoria eta militantzia feministen eragina. Arte sorkuntzearen eraginak teoria eta militantzia feministetan jardunaldiak zezeilaren 9an eta 10ean egingo dira, EHUren Arte Eder fakultadean, unibersidadeko iturriek jakinarazo dabenez.

54. Zinebi jaialdian parte hartzeko epea edegi dabe

Zinebiren 54. edizinoa martxan dago, izan be, edegi barri dabe Bilboko Zine Dokumental eta Laburmetraia Nazinoarteko Zinemaldian parte hartzeko epea: abuztuaren 15era bitartean aurkeztu daitekez filmak. 2012ko zinemaldia zemendiaren 16tik 23ra bitartean egingo dabe, antolatzaileek jakinarazo dabenez.

Laster datoz aratusteak, preparau mozorroak eta salto kalera!!!

Arte Eder fakultadeko ikasleen berbaldi-zikloa hasiko da gaur BilbaoArten

Euskal Herriko Unibersidadeko Arte Eder fakultadeko zortzi ikaslek sorkuntza artistikoaren ganeko berbaldiak eskainiko ditue martiaren 28ra arte, eguaztenero, Bilbaoarten. Lehenengo berbaldia zezeilaren 8an izango da, Iker Perezeren Lo metafísico en la puesta en escena cinematográfica. Saioa 19:30ean hasiko da.

Blas de Otero Fundazinoaren 'Imagenes para unos versos' III. argazki lehiaketearen sariak erabagi dira

Blas de Otero FundazioNak eta Bilboko Udaleko Kultura eta Hezkuntza Sailak, idazle bilbotar bikainaren poesia ezagutarazotea helburu dauen Imágenes para unos versos argazki lehiaketearen saria Álvaro Escriche sevillarrari emotea erabagi dabe. Datorren martiaren 15ean, 96 urte beteko dira idazlea jaio zanetik.

Manu Katchek abiatuko dau BBK Masters at Work zikloa

Manu Katche perkusino-jotzaileak edegiko dau BBK Masters at Work zikloa zezeilaren 14an, Bilboko BBK Salan. Eszenatokian, lagun izango ditu Tore Brunborg saxo-jotzaiolea, Laurent Vernerey baxu-jotzailea eta Jim Watson tekladu-jotzailea. Emonaldia 20:30ean hasiko da.

The Kooks, Glasvegas eta Warpaint, Bilbao BBK Live 2012n

Bilbao BBK Live jaialdiko arduradunek aurtengo karteleko beste hiru talderen barri emon dabe: The Kooks, Glasvegas eta Warpaint. Klaxons bandeak, barriz, ez dau Bilbon joko; udako kontzertu guztiak bertan behera itzi ditue, disko barriaren grabazinoa aurreratu dabelako.