Aktualitatea

'Homo homini lupus', Malenkonia taldearen disko barria

Oñatiko Malenkonia laukoteak hirugarren diskoa plazaratu dau oraintsu, Homo homini lupus. Zortzi kanta batu ditue lan gordin eta ezkor honetan. Gasteizko Parralen aurkeztuko dabe gaur jentaurrean, 20:30ean.

Ana Etxaide omenduko dabe Nafarroako Unibersidadearen Euskal Katedrearen 50. urteurrenean

Nafarroako Unibersidadeko Euskal Hizkuntza eta Kultura Katedreak 50 urte bete ditu aurten. Hori dala eta, hainbat ekitaldi egiten dabilz hilebete honetan. Amaiera ekitaldia zemendiaren 27an izango da. Egun horretan, urte askoan Euskal Hizkuntza eta Kultura Katedrearen zuzendaria izan zan Ana Etxaide irakasle eta ohorezko euskaltzaina omenduko dabe.

Lau urteko etenaldiaren ostean, Kauta taldeak 'Agerre' diskoa aurkeztu dau

Kauta hirukoteak laugarren diskoa argitaratu barri dau, Agerre (Baga-biga). Lau urteko etenaldia izan da, eta gogotsu dagoz diskoa jentaurrean aurkezteko. Daborduko emon ditue zuzeneko batzuk, baina aurkezpen ofiziala abenduaren 7an egingo dabe, Durangoko Plateruena kafe antzokian.

Vivir es fácil con los ojos cerrados

Road movie itxurea dauen David Truebaren Vivir es fácil con los ojos cerrados oso gustura ikusten diran film horreetakoa da. 60 hamarkadan gertatzen da, John Lennon Almerian pelikula bat filmetan egon zan garaian. Javier Cámarak itsusi baina bihotz oneko ingeles irakaslearen papela egiten dau, inork baino hobeto egin be.

'Gabrielen Lekua' sentikaria oinarri dauen disko-liburua aurkeztu dabe

Bilboko Kafe Antzokian aurkeztu dabe Gabrielen Lekua (Erroa argitaletxea) disko-liburua. Ez dogu izen bereko ikuskizun osoa lan barri honetan topauko, baina bai zati batzuk, eta ganera hainbat idazleren artikuluak gehitu ditue, tartean, Amaia Lasa, Paddy Rekalde eta Luigi Anselmirenak.

Euskerea mundiala da

Euskerea esparru ez ofizialetan be erabilteko modukoa dala agirian itxi nahi dau #mundiala kanpaineak, eta gaur egungo komunikazino tresnetara egokitzeko kapaz dala be bai. Sare sozialen loraldia aprobetxauta, mundu zabaleko euskal hiztunak konektauko dituan sarea osotuko dau. Eta horretarako jaio da beren beregi www.mundiala.net ataria, herritarrei txioak bialtzeko konbita egiten deutsen gunea.

Gernikako Bakearen Museoa 15. urteurreneko ospakizunetan buru-belarri

Euskadin eta Espainian bakarra dan Gernikako Bakearen Museoak bere 15. urteurrena ospatzen dau aurten. Horretarako, Gernikako dendari eta merkatarien kolaborazinoagaz milaka dobaneko sarrera bananduko ditu, batez be, Gernikako eta inguruko jenteak museoa bisitetako aukera izan daian.

Bilboko Udal Musika Eskolako ikasleek erromeria egingo dabe gaur Erriberako merkatuan

Bilboko Udal Musika Eskolako ikasleek gelak hutsik itxiko ditue gaur barikua, Santa Zezilia egunean. Izan be, Talde instrumentala: fanfarrea irakasgaiko dozena bat ikaslek Erriberako merkatuan erromeria egingo dabe arrastian, 19:00etatik aurrera.

Etxahun Lekue: Entzuleek ondo hartzen dabe bizkaierea eta askok eskertu be bai

Kaliforniara joandako euskaldunen lekukotasunak batu ditu Asun Garikanok 'Kaliforniakoak (1533-1848)' lanean

Orain ia bostehun urte Kaliforniara joandako lehenengo euskaldunek idatzitakoak batu ditu Asun Garikanok Kaliforniakoak (1533-1848) (Pamiela) lanean. Esploratzaile eta kolonizatzaile euskaldunen lekukotasunek klimea, paisaia eta bertako tribuen ganeko informazino ugari eskaintzen dabe. Joseba Sarrionandiak idatzi dau berbaurrea.

Euskereak Europako hizkuntzen artean merezidu dauen tokia aldarrikatu dau Baztarrikak Estrasburgon

Euskerea hizkuntza europarra da, eta euskararentzat habitat egokia eregi nahi dogu Europako hizkuntzen artean. Euskerea, eta gure hizkuntza politikea, alkarbizitzarako eta kohesino sozialerako faktore lez ulertzen doguz, gaztelaniagazko eta ganerako hizkuntzakazko batzaile eta osogarri, adierazo dau Patxi Baztarrikak.

Nahikari Ayorentzat Getxoko IV. Euskera Saria

Laugarren edizinoa Nahikari Ayorentzat izan da, orain hamar urtetik udalerriko ikastetxeetan bertsolaritzako klaseak emoten dabilenarentzat, ume eta gazteen artean euskerearen erreferente bihurtu dalako. Ayok ikastetxeetan bertsolaritza, euskerea eta ondo pasetea lotzea edo buztartzea lortu dau eta hori oso garrantzitsua da gazteentzat.

Kontuz... Ito barik!!!

Tradizinoa eta modernidadea batu ditu Xabi Aburruzagak 'Geure' disko barrian

Prozesu luzea izan da, urte bi eta erdikoa, baina ilusino eta poz handiz dakarsku Xabi Aburruzaga musikari portugaletetarrak bere hirugarren diskoa dan Geure (DNDiskak). Tradizinoa eta modernidadea buztartu ditu hamahiru kantetan, eta Mikel F. Krutzaga izan dau produktore.