Aktualitatea

Kolorerik ez dogu hartuko baina koadroetan udea, itsasoa eta eguzkia pintau eta horrexegaz eutsi beharko deutsagu...

Le Bus Rouge taldeak irabazi dau Zornotzako Haizetara VIII. Kale Musikarien Lehiaketako sari nagusia

Zornotzako kaleak musikaz bete dira astegoienean, Haizetara VIII. Kale Musikarien Lehiaketea dala eta. Frantziako Le Bus Rouge taldea izan da irabazlea, folka eta gaur egungo eritmoak nahasten dituan fanfarrea. 10.000 euroko saria jasoko dabe.

Aiko taldeak ikasturte amaierea ospatuko dau zapatuan, Plateruena kafe antzokian

Aiko musika eta eta jantza irakasle taldeak zapatuan, hilak 22, egingo dau aurtengo Jantzazale Eguna, Durangoko Plateruena kafe antzokian. Ikasturtea amaitzeko, antxinako erromerien antzeko jaia prestau dabe, bazkari eta bazkalostea.

Ken Zazpik eta EOSek zemendian aurkeztuko dabe alkarregaz egindako diskoa

Zemendiaren 8an aurkeztuko dabe Ken Zazpi taldeak eta Euskadiko Orkestra Sinfonikoak alkarregaz sortutako diskoa. Bost kontzertu emongo ditue, lehenengoa abenduaren 3an, Donostiako Kursaalen.

Itziar Laka eta Xabier Kaltzakorta bizkaitarrak Jose Luis Lizundia euskaltzainaren lekua hartzeko prest

Daborduko euskaltzain emeritu dan Jose Luis Lizundiaren ordezkoa aukeratuko dau laster Euskaltzaindiak. Hautagaiak aurkezteko epea datorren astean amaituko da, bagilaren 28an. Hautagai bi dagoz momentuz, Xabier Kaltzakorta eta Itziar Laka.

'Euskaraz bizi nahi dut' film laburren lehiaketako lanak ikusgai, Donostiako 61. Zinemaldian

Donostiako Zinemaldiak eta Euskerearen Gizarte Erakundeen Kontseiluak indarrak batu ditue euskerearen normalizazinoa bultzatzeko. Kontseiluak antolatutako Euskaraz bizi nahi dut film laburren lehiaketako irabazlea eta finalera ailegetan diran lanak lehenengoz irailaren 26an proiektauko dira jentaurrean, Zinemaldiaren 61. edizinoaren barruan.

Bilbaomusikak Musikearen Europako Eguna ospatuko dau

BilbaoMusikak bilbotar zein kanpotar guztiak animau nahi ditu aurten be Musikearen Europako Eguneko ospakizunetan parte hartu deien gaur, barikua, hilak 21, kontinenteko beste 250 uriburutan egiten diran ospakizunakaz bat eginez.

Patxi Zabaletak 'Absurdoko kontuak' liburua kaleratu dau

Absurdoari buruzko gogoeta filosofikoa egin dau Patxi Zabaletak Absurdoko kontuak edo zoroen kronikak lan barrian. Pamiela argitaletxeak kaleratu dau liburua, Saio eta Testigantza atalean.

'Kea', UPV/EHUko Arte Ederren Fakultadeko ikasleen hirugarren interbentzinoa Deustuko zubian

Gaur eguena, bagilak 20, arratsaldeko 19:00etan, Bilboko Deustuko zubiko aginte-etxoleak, Ane Rodríguezen eta Josu Billelabeitiaren Kea interbentzinoa hartuko dau garagarrilaren 10era arte.

Dave M. Allen-ek, The Cure taldeko produktoreak, Zea Maysen disko barria produziduko dau

Zea Mays taldeak jakinarazo dauenez, datorren garagarrilaren 15ean, Urdulizko Tio Pete estudioan sartuko dira euren zazpigarren diskoa grabetan. Produktorea, barriz, Dave M. Allen izango da.

Bilboko Harrobia zentroak umeentzako udaleku artistikoak antolatu ditu

Harrobia Ekoizpen Eszenikorako Barrikuntza Zentroak umeentzako Udaleku Artistikoak eskainiko ditu garagarrilean. Euskal konpanietako antzezle, jantzari eta zirkuko artistak izango dira begiraleak. Izena emoteko epea bagilaren 28an amaituko da.

Google bilatzaileak euskerea sartu dau interneteko agirien memoria eta erreprodukzino zerbitzuetan

Euskerea gehituz, dagoeneko 65 hizkuntzatan erabil daiteke zerbitzu hori. Izan be, euskereagaz batera, beste 17 hizkuntza gehitu ditu: galegoa, afrikaans, amharerea, zinhala, txinerea (Hong Kong), gaztelania (latinoamerikarra), estonierea, frantsesa (kanadarra), islandierea, jemerierea, laorerea, malaysierea, nepalerea, persierea, swahili, urdua eta zuluerea.

Euskal Kostaldeko Museoen Sareak Museoan Eguna eta txartel barria aurkeztu ditu

Euskal Kostaldeko Museoen Sareak, bagilaren 22 eta 23rako, Euskal Kostaldeko Museoen egunerako sortutako jarduera programa eta sareak sortu dauen Txartel barria aurkeztu ditu gaur, hilak 19, Donostiako Aquariumeko Auditorioan.

Euskal Kultur Erakundeak eta Euskaltzaindiak lankidetza hitzarmena sinatu dabe Baionan

Hitzarmen horrek Euskal Kultur Erakundearen eta Euskaltzaindiaren arteko hartu-emonak indartu eta beste eremu batzuetara be eroatea dau helburu. Oro har, bi erakundeok lankidetzan ibiliko dira, euskerea eta euskal kulturea zabaltzeko ekimenak areagotzeko asmoz.

Morgako Udalak IV. Baseleizen Ibilaldia antolatu dau

Morgako Udalak beste urte batez antolatu dau herriko baseleiza ibilaldia herriko ondare eta natur aberastasuna ezagutzera emon eta herrian ohitura osasuntsuak ta gizarte hartu-emonak sustatzeko asmoz. Hitzordua: bagilak 30, domekea.

Bilboko Unibersidade eta Antzerki Eskolen II. Jaialdia garagarrilaren hasieran egingo da

EAE zein Nafarroako prestakuntzazko antzerki-talde askok parte hartu arren, izena mon daben antzezlan guztien artean, azkenean sei aukeratu dira, garagarrilaren 1etik 6ra taularatzeko.