Wynton Marsalis, Stacey Kent eta Ignacio Berroa Getxoko Jazzaldiaren saio nagusietan
2013-03-11 14:41 Musikea
Aurten garagarrilaren 3tik 7ra izango dan Getxoko 37. Nazioarteko Jazzaldiaren saio nagusietako egitarauak baditu izen bereziak. Horreen artean nabarmentzekoa da Wynton Marsalis tronpeta-jotzaile arrakastatsua. Musikari estadubatuarra Jazz Lincoln Center Orchestreagaz joko dau, egungo jazz eszenako hamabost musikari onenetariko batzuk batzen dituan taldeagaz, hain zuzen be.
Garik 'Ez da amaiera' bakarkako zazpigarren diskoa kaleratu dau
2013-03-08 14:49 Musikea
Popa, psikodelia eta poesia dira Gariren Ez da amaiera (Elkar) disko barriko hiru zutabeak. Ia-ia estudioan bertan hasi eta amaitu dau diskoa, han gauzatu da sorkuntza prozesua. Hamaika kanta, maitasunaz, eguneroko kontuez, bizitzaz azken batean. Bakarkako ibilbideko zazpigarren lana da.
Delorean DJ Set, Joan S. Luna eta DSKTT Gasteizko Gauart egitarauan
2013-03-07 17:48 Musikea
Delorean taldeak DJ Set bat aurkeztuko dau bariku honetan, martiaren 8an, Gasteizko Artium Museoak eta Jimmy Jazz aretoak sustatzen daben Gauart musika elektronikoko programan. Emonaldian Joan S. Luna eta DSKTT taldeek be parte hartuko dabe.
Bilboko Udal Musika Eskoleak 'Belarritxar' ikuskizuna estreinauko dau Campos Antzokian
2013-03-06 11:47 Musikea
Bilboko Udal Musika Bandako irakasleek eguaztenean, hilaren 6an, batez be txikienei zuzendutakoa bada be, familiartean gozetako ikuskizun musikal dibertigarri barri bat estreinauko dabe Campos Antzokian. Belarritxar, musikearen bidaian Patxi Laborda jantza maisuak idatzitako eta zuzendutako kontzertu didaktikoa da eta 50 minutuko iraupena dauen euskerazko ipuin musikatu bat da.
Martiaren 21ean abiatuko da Fermin Muguruza eta Kontrakantxaren 'No More Tour'
2013-03-05 11:00 Musikea
Musikaren munduan 30 urte bete dituala ospatzeko, mundu mailako kontzertu birea egingo dau Fermin Muguruzak Kontrakantxa taldeagaz batera. No more tour izena izango dauen birea Kurdistanen hasiko da martiaren 21ean.
Igelaren Bandak 'Preguntatxo bat' hamahiru kantako diskoa plazaratu dau
2013-03-04 14:23 Musikea
Doinu tradizionalak oinarri dituan Preguntatxo bat diskoa argitaratu barri dau Igelaren Banda hirukoteak. Elkar etxeak kaleratu dau Bixente Martinezek, Hasier Oleagak eta Amaiur Cajaravillek atondutako hamahiru kantako lana. Laster hasiko dira zuzeneakoak eskaintzen.
'Konfeti kolore' jantzarako eta jairako diskoa aurkeztu dau Emon taldeak
2013-02-28 14:27 Musikea
Jantzan egiteko eta eginarazoteko gogotsu dator Emon talde bergararra. Jaia eta alaitasuna zabaltzeko, hamabi kantako Konfeti kolore disko koloretsua kaleratu barri dabe Baga-Biga etxeagaz. Zapatuan, martiak 2, Sohutako kiroldegian aurkeztuko dabe jentaurrean, 21:00etan.
'3.szn' Siroka bizkaitarren hirugarren diskoa plazan dago
2013-02-28 11:57 Musikea
Siroka talde bizkaitarrak disko barria aurkeztu dau gaur Bilbon; urtarrila eta zezeilean zehar Andoaineko Garate Studiosetan grabau dabe Kaki Arkarazoren gidaritzapean eta honezkero taldearen hirugarren disko luzea da.
Fretwork biola-boskotearen eskutik hasiko dira Getxoko kontzertu klasikoak
2013-02-27 09:53 Musikea
Datorren zapatuan, martiak 2, hasiko dira Getxoko 28. Kontzertu Klasikoak, Fretwork biola-boskote britainiarraren eskutik, zango-biola musikan espezializautako taldea, hain zuzen be. Aurreko edizinoetan legez, saioak zapatuetan izango dira martiaren 2an, 9an eta 16an, hain zuzen be.
Hesian taldeak bere lehenengo zuzeneko diskoa aurkeztu dau, 'Hemen eta orain'
2013-02-22 13:56 Musikea
Lau disko eukazan orain arte Nafarroako Sakana eskualdeko taldeak, danak estudiokoak eta, azkenaldion, Hesianen oihartzuna asko zabaldu dan ezkero, zuzeneko bat plazaratzeko erabagia hartu dabe. Holan, abuztuaren 14an Gernikan eskaini eben kontzertu jentetsua grabau eta CD eta DVDa egin ditue.
Gogor eta zuzen dator Kaotiko taldea 'E. H. Calling' zortzigarren diskoan
2013-02-21 14:41 Musikea
Abesti arin eta laburrak, soinu gogorrak eta berba zuzenak. Horreek dira Kaotiko taldearen E. H. Calling diskoaren osogai nagusiak. Zortzi abesti sortu ditue, eta laster grabauko dabe Londresen Presa singlearen bideoklipa. Lehenengo kontzertua zapatuan, hilak 23, daukie, Durangon, Kalera Rock jaialdian.
Carmelo Bernaola musikagile otxandioarraren argitaratu bako lau lan kaleratu ditu EOSek
2013-02-21 10:49 Musikea
Euskadiko Orkestra Sinfonikoak argitaratu barri dau Carmelo Bernaola 1929-2002, musikagile otxandioarraren lau lanez osotutako diskoa. Euskal Konpositoreen Bildumako 15. alea da, eta azkenengoa, hain zuzen be.
Anari taldeak Zarautzen amaituko dau birea martiaren 10ean
2013-02-20 13:17 Musikea
Anari taldeak joteari itxiko deutso, boladatxu baterako, taldekideetako batzuk beste proiektu batzuk burutu ahal izateko. Birea amaitu orduko, baina, lau kontzertu emongo ditue, lehenengoa zezeilaren 23an, Donostiako Viktoria Eugenian.
Xabi Aburruzagaren hirugarren lana abian da
2013-02-20 11:26 Musikea
Hamalau abestik osotuko dabe Neure, danak Aburruzagak berak konposatuak, Jose Urréjolak sortutako bat izan ezik. Pieza instrumentalak zein abesturiko kantak topauko doguz lan honetan; zehatz esateko, Aburruzagak Unai Elorriaga, Iñaki Aurrekoetxea eta Kirmen Uribek idatzitako bost kantei jarriko deutse ahotsa.
Badatoz Bad Sound System taldearen zuzenekoak 'Aldaketa' lana aurkezteko
2013-02-20 10:31 Musikea
Datorren zapatuan, hilaren 23an, Kalera Rock jaialdiaren barruan, Durangoko Landakogunean kontzertua emongo dau Bad Sound System taldeak Aldaketa lana aurkezteko. Hortik aurrera Urduña, Hendaia, Arroniz, Trapagaran eta Lesaka dira hurrengo hitzorduak.
Oskorrik 'Gabriel Aresti bizsitan' egitasmo barria aurkeztuko dau Tolosan, zezeilaren 22an
2013-02-15 11:29 Musikea
Hogei hamar urteren ostean, Oskorri hasierara bueltauko da Gabriel Aresti bizsitan proiektu barriaren bidez. Poeta bilbotarraren errepertorioa zein berak inspirautako kantak batu ditu taldeak. Lehenengo emonaldia zezeilaren 22an egingo dabe, Tolosako Leidor antzokian, Kilometroak jaiaren kanpainearen barruan.
Fermin Muguruza, Jimmy Cliff, Willis Drummond eta Belako, aurtengo EHZ jaialdian
2013-02-14 16:35 Musikea
Euskal Herria Zuzenean jaialdia hasi da bagilaren 28tik 30era bitartean izango dauen kartelaren barri emoten. Hain zuzen be, zazpi talde iragarri ditue: Fermin Muguruza, Willis Drummond, Belako, Les Ogres de Barback , Zuloak, Jimmy Cliff eta Herri Oihua.
Espainia eta Frantziako konpositoreak gogoratuko ditue Bilboko Musika-Musica jaialdian, martiaren 1etik 3ra
2013-02-14 14:33 Musikea
70 kontzertuko egitaraua iragarri dabe, martiaren 1, 2 eta 3ko astebururako, beraz, Bilboko Euskalduna Jauregiko aretoak musikaz beteko dira. Beste urte batzuetan legez, goi mailako musikariakaz batera, kontserbatorio eta musika-eskoletako ikasleei be aukerea emongo deutsie parte hartzeko.
Jeronimo Martin izango da Bilbao Distrito Jazz egitarauko lehenengo protagonistea
2013-02-12 16:41 Musikea
Jeronimo Martinen taldeak hasiko dau Bilbao Distrito Jazz egitarauaren 14. edizinoa barikuan, hilak 15, Begoñako udaltegian. Bertoko zein nazinoarteko musikariek joko dabe hurrengo hileetan, tartean, Kari Ikonenek, Mikel Ploug New Groupek eta Ander García Quintetek. Kontzertu guztiak doban dira.
The Black Keys taldeak lau Grammy sari irabazi ditu
2013-02-11 12:11 Musikea
The Black Keys taldeak lau Grammy sari irabazi ditu, bikote estatubatuarrak lortu ditu gehien, ganera. Fun eta Mumford & Sons taldeak be protagonista izan ziran Los Angeles uriko Staples Centerren.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan