Iseka Rock, Ukan, Eskean Kristö eta Urgatz, V. Banden Lehiako finalistak
2013-11-08 14:54 Musikea
V. Banden Lehia sariketea aurrera doa, eta daborduko baditu lau finalista: Iseka Rock, Ukan, Eskean Kristö eta Urgatz. Zemendiaren 29an jokatuko dabe finala, Bilboko Bilborock aretoan.
Kora harpa afrikararen doinuak protagonista, Enekora taldearen 'Kora izpiak' disko barrian
2013-11-08 14:05 Musikea
Kora afrikar harpea da Eneko Larrañagaren Enekora proiektuaren ardatz nagusia. Musikari zestoarrak Afrikako doinuak euskereagaz nahastau ditu Kora izpiak (Txalapart) disko barrian, perkusinoa, ahotsa eta irudien arteko alkarrizketea eginez. Zumaian aurkeztuko ditu kanta barriak zemendiaren 8an, Aita Mari zinema-aretoan.
Fairmont musikariak joko dau gaur Art After Dark saioan
2013-11-08 11:08 Musikea
Zemendiko Art After Dark saioak Fairmont,Shaolin Temple Defenders eta DJ Sound musikariak ekarriko ditu zemendiaren 8an Bilboko Guggenheim museora. Kontzertuak 22:00etan hasiko dira, eta betiko lez, bertara doazenek museoan dagozan erakusketak ikusteko aukerea izango dabe.
Zea Mays taldea indartsu dator bueltan 'Da' zazpigarren diskoagaz
2013-11-07 14:54 Musikea
Zea Mays da, eta hori erakutsi gura dabe Da diskoagaz. Errekaldekoen zazpigarren diskoa da. Gustura dagoz emoitzeagaz, gustura. Dave M. Allen produktore ezaguna izan dabe alboan, The Cure, Depeche Mode eta Chamaleons taldeen diskoa produzidu dituana. Flipauta gagoz, aluzinantea izan da, dinoe.
Tradizinoaren bersino barria dakar Korrontzik 'Tradition 2.1' lanean
2013-11-07 14:08 Musikea
Nazinoarteko 60 musikari baino gehiagoren kolaborazinoagaz egindako disko honetan, Korrontzi taldeak trikitixearen doinuak beste kultura batzuetako musikeagaz nahastau ditu. Emoitzea, 16 kanta eta extra track bat daukazan CD-a, bideoklip biko DVDa eta proiektuaren nondik norako guztiak azaltzen dituan liburutxua, Baga-Biga diskoetxeagaz argitaratua.
Egunotan jokatuko dira Bilbao Hiria Pop Rock Lehiaketako finalak
2013-11-07 10:14 Musikea
Bilbao Hiria Pop Rock Lehiaketearen 25. edizinoa azken fasera heldu da. Kategoria bakotxeko finalak egingo dira eguenean, barikuan eta zapatuan, Bilborocken. Sei taldek hartuko dabe parte finaletan.
Indartsu dator Governors taldearen 'Morphinapolis' disko barria
2013-11-05 14:53 Musikea
Rock indartsua, pisu handikoa, metalagaz nahastean. Soinu hori dauka Governors taldearen Morphinapolis (Baga-biga) laugarren diskoak. Hamaika kanta barri sortu ditue, eta laster hasiko dira zuzenean defendiduten, izan be zemendiaren 30ean Donostian daukie birako lehenengo kontzertua.
Lorerik ez urkamendian birea abiatu dau Sexty Sexers taldeak
2013-11-05 09:39 Musikea
Taldea kanta barriak lantzen dagoan bitartean, kontzertuak emoteko behar eta bizirik sentiduteko zirrareak aztoratuta, bost datako birea egiten dabilz 2013ko zemendian; hurrengo hitzordua Bilboko Kafe Antzokian izango da, hilaren 13an.
Maite Larburuk eta Josh Cheathamek 'Ura patrikan' euren lehenengo diskoa kaleratu dabe
2013-11-04 11:51 Musikea
Ahotsa eta gitarrea oinarri dituan diskoa aurkeztu barri dau Neighbor bikotea osotzen daben Maite Larburuk eta Josh Cheathamek, Ura patrikan (Gaztelupeko Hotsak). Euskaraz, ingelesez eta gaztelaniaz abestutako 14 kantak osotzen dabe taldearen lehenengo beharra.
Suediako St. Jacobs Ungdomskor abesbatza irabazle Tolosan
2013-11-04 10:32 Musikea
Tolosako 45. Abesbatza Lehiaketeak Suediako St. Jacobs Ungdomskor izan dau irabazle. Michael Wedarrek zuzentzen dauen taldeak Polifonia eta Musika Herrikoiaren sailetan nagusi izan da. Holan, talde suediarrak 2014an Hungarian egingo dan Europako Abesbatzen Sari Nagusirako txartela lortu dau, eurak izango dira Tolosaren ordezkari.
Antxinako moduan grabau dau binilo bat Garik, saio bakarrean eta formatu analogikoan
2013-10-31 14:37 Musikea
Elkar studio sessions. Live analogic recording proiektuan, Garik musikearen oinarrira jo dau. Zortzi kanta grabau ditu, era analogikoan, eta tirada mugatuko biniloan argitaratu. Grabazinoa saio bakarrean egin eban, 50eko eta 60ko hamarkadako musikari handiek egiten eben moduan. Holan, soinu berezidun artisau pieza bat da oraingoan dakarrena, zintzotasunez egina. Diskoa, Bilboko BBK Salan aurkeztuko dau Garik, zemendiaren 9an.
Gasteizko Hala Bedi irratiak disko bilduma bat kaleratu dau bere 30. urteurrena ospatzeko
2013-10-30 11:39 Musikea
Diskoko kantuak entzuterako orduan, sinistezina da orain 20 edo 30 urte idatzitako abestiek daben gaurkotasuna, oraindino be bizirik dagozalaren seinale. Hala Bedi irratia be holan dago, bizi bizirik eta inoiz baino indartsuago, 30 urte honeek ospatu eta beste 30 beteteko prest, azaldu dabe bere kideek.
Estilo ugaritako kantak topauko doguz Yogurinha Borovaren bigarren diskoan
2013-10-29 14:42 Musikea
Gaztelania, euskerea eta ingelesa dira erabilten dodazan hiru hizkuntzak eta danak sartu nahi izan dodaz izenburuan; aniztasuna adierazoten dot, ez bakarrik hizkuntzena, estilo ugari sartu nahi izan dodaz, lagun askok be parte hartu dabe lanean.
Bizkaiko rockaren historiari buruzko '160 metros' dokumentala Guggenheim museoan ikusgai
2013-10-29 10:15 Musikea
Bilboko Guggenheim museoan 160 metros: una historia del rock en Bizkaia dokumentalaren bost atalak proiektauko ditue zemendiaren 16an, Zinebi jaialdiaren 55. edizinoaren barruan. Bost kapitulu daborduko Interneten estreinatu ditue.
Azken egunak Leioako XIV. Pop Rock Lehiaketearen kartela aurkezteko
2013-10-28 17:37 Musikea
Datorren eguaztenean, hilaren 31n, izango da azken eguna XIV. Pop Rock Lehiaketearen irudia aurkezteko. Partehartzaileak 14-35 urte bitarteko gazteak izan daitekez eta adin txikikoak, barriz, guraso edo tutoreen baimenagaz parte hartu ahal izango dabe. Egile bakotxak gehienez lan bi aurkeztu ahal izango ditu.
Lou Reed musikaria hil da
2013-10-28 10:44 Musikea
Lou Reed musikaria eta The Velvet Underground taldeko liderra hil da bart New Yorken 71 urte zituala. Ez dabe heriotzearen zergaitiaren ganeko zehetasunik zabaldu baina Andrew Wylie, musikariaren agenteak baieztatu dau albistea eta gauza jakina zan joandako maiatzean gibeleko transplantea egin eutsienetik makalik egoala.
Jabier Muguruza nostalgia barik dator 'Beste hogei' behar barrian
2013-10-24 15:54 Musikea
Hogei urte egin barri ditu Jabier Muguruzak musikagintzan, eta beste hogei be beteteko prest dago bere disko barriaren arabera, Beste hogei. Urteurren honetan baina, nostalgia gitxigaz dator. Hamar kanta barrik osotzen dabe irundarraren 12. lana.
Keu Agirretxeak ahotsagaz eta gitarreagaz osotu dau 'Behe presioaren erdigunean' disko barria
2013-10-23 15:37 Musikea
Disko barriaren izenburuak berak, Behe presioaren erdigunean, argi adierazoten dauen lez, beste hainbat proiekturen zurrunbiloaren erdian ibili da konposatzen Keu Agirretxea musikari ondarroarra. Etxean grabautako laugarren beharra da, eta Mauka etxeak kaleratu dau. Lehenengo kontzertua etxean izango da, Ondarroako Kofradian, zemendiaren 2an.
Mikel Markezek 'Indar bat dabil hor' diskoa plazaratu dau
2013-10-21 12:39 Musikea
Hamargarraen diskoa kaleratu dau Mikel Markezek, Indar bat dabil hor (Elkar). Hamabi kanta ditu lanak, danak barriak, bersino bi izan ezik. Abenduaren 1ean aurkeztuko dau jentaurrean, Donostiako Antzoki Zaharrean.
Berri Txarrak, Gatibu, Su Ta Gar, Gose, Bide Ertzean eta Kepa Junkera, EH Sona jaialdian
2013-10-18 14:33 Musikea
Badator Euskal Herria Sona jaialdiaren 16. edizinoa. Eta etorri be kartel ederragaz dator: Berri Txarrak, Gatibu, Su Ta Gar, Gose, Bide Ertzean, Kokein, Sexty Sexers, Korrontzi edo Kepa Junkera, besteak beste. Urriaren 25ean abiatuko da jaialdia, Euskal Herriko mugetatik kanpo egiten dan musika programazino handiena.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan