Eraso! 'Ez gara inoiz hilko'
2012-04-03 15:14 Musikea
Iluntasunetik argira, zazpi urte luze pasau dira. Halabeharrez hausi eben maiztasuna, bizibarritu eta hausnarketea egiteko. Ez Gara Inoiz Hilko bosgarren diskoa da Eraso! taldearen erabagia. Bizirik sentiduteko apustu sendoa, eta hautsak harrotzeko bildurrik ez dauena.
Musikearen alderik ezkutuenak, Bilboko Alondigako 'The side show' programan
2012-03-28 11:49 Musikea
Soinuaren modu desbardinetara hurreratzeko aukerea izango da martiaren 29tik 31ra bitartean Bilboko Alondigan, The side show: Musika ezkutuan EX programearen bigarren monografikoaren egitarauaren barruan. Soinua biziteko eta esperimentetako kontzertuak, performanceak, instalazinoak, tailerrak eta beste makina bat jarduera atondu ditue. Egitarauko ekitaldi gehienak doban izango dira.
Euskadiko Soinuak Marsellan
2012-03-27 14:57 Musikea
Babel Med Music ekimenaren 8. urtea bada be, Euskadiko Soinuak-entzako lehenengo aldia izango da. Euskal enpresa batzuek inoiz parte hartu izan daben arren, oraingoan Euskal Herriko musika sektorearen erakusleiho izango dan stand amankomuna be ezarriko da Marsellako Dock des Suds-en.
Kupela taldeak 'Gailurrak ikutuz' disko barria kaleratu dau
2012-03-23 14:59 Musikea
Kupela taldeak Gailurrak ikutuz diskoa kaleratu barri dau Elkar etxeagaz. Betiko lez, jantzarako abesti aproposak sortu ditue, baina oraingoan giro lasaian entzuteko be egokiak. Aurreko lanen aldean desbardina dala nabarmendu dabe musikariek, izan be bertsoak hartu ditue oinarria diskoa osotzeko.
Andrew Weatherall britainiarra zuzenean, martiko Art After Dark saioan
2012-03-20 11:43 Musikea
Martiko Art After Dark saioko protagonistea Andrew Weatherall produktore britainiarra izango da. Orain dala hogei urte hasi zan acid house musikea lantzen, eta ekarpen ugari egin deutsoz musika elektronikoari. Kontzertua martiaren 23an izango da, Guggenheim museoan, 00:00etan.
Bilbao Ars Sacrum zikloak bost kontzertu eskainiko ditu
2012-03-20 10:44 Musikea
Bilbao Ars Sacrum eleiz musikearen zikloa martiaren 26tik apirilaren 4ra bitartean egingo dala iragarri dau Bilbao 700 Fundazinoak. Aurton, bost emonaldi atondu ditue, lehenengoa Arriaga antzokian, eta ganerakoak Atxuriko Gizakundearen eleizan.
Jimmy Cobbek jasoko dau aurten Donostiako Jazzaldia Saria
2012-03-20 10:26 Musikea
1929an jaioa, urtarrilean bete zituan 83 urte, eta sasoi betean dago Jimmy Cobb. Bere ibilbide profesionalaren hasieran, eta Earl Bostic orkestran sartu aurretik (eurekaz grabau zituan bere lehen diskoak 1950eko hamarkadearen hasieran), Charlie Rouse, Leo Parker, Frank Wess, Billie Holiday eta Pearl Baileygaz egin eban lan bere jaioterrian, Washingtonen.
Dominika Etxart kantari zuberotarra joan jaku
2012-03-19 10:53 Musikea
Dominika Etxart kantari zuberotarra barikuan, hilak 16, hil zan, 79 urte zituala gaixotasun luze baten ostean. Eleizkizunak domekan izan ziran, Altzürükün. Niko Etxarten aitak lan handia egin eban Zuberoako kantak berreskuratzen eta zabaltzen; berak batutako asko eta asko ia galduta egozan.
Gaztelupeko Hotsak eta Capsula Austingo SXSW jaialdian
2012-03-14 17:29 Musikea
Gaztelupeko Hotsak diskoetxea egunotan, martiaren 13tik 18ra, Austinen (Texas, AEB) martxan dagoan South By Southwest SXSW jaialdian parte hartzen dago. Texas-eko uriburuan batzen dira urtean zehar musikearen industrian zeresana emongo dabenak.
Joseba Gotzon kantariak euskal futbol selekzinoaren 75. urteurrena ospatzeko bireari ekingo deutso apirilean
2012-03-14 10:56 Musikea
Euskal futbol selekzinoa Eusko Jaurlaritzeak sortu eban 1937. urtean eta lehenengo partidua Pariseko Printzipeen Parkean jokatu eben 1937ko apirilaren 26an, Gernikako bonbardaketa egunean.
Hamahirugarrenean amesetan egiteko konbitea egin gura dau Doctor Deseo taldeak
2012-03-13 14:54 Musikea
Hamahirugarrenean be, amesetan egiteko konbita egin gura dau Doctor Deseo talde bilbotarrak. Izan be, hamahirugarren diskoa dabe Al amanecer seguir soñando (Baga-biga), eta eurentzat zuzeneko guztiak ospakizun badira be, oraingoan disko desbardina egin gura izan dabe, aurkezpenean adierazo dabenez.
Charles Freger argazkilariak Europako maskaradei buruz egindako lanak aurkeztuko ditu Bilboko Euskal Museoak
2012-03-13 10:55 Musikea
Bilboko Euskal Museoak, Dichroma-Photographyren eskutik eta Inauteria Europako Erregea proiektuaren barruan, Charles Freger argazkilari frantsesak Europako 19tik gora herrialdetan maskaradei buruz egin dauen lana aurkeztuko dau eguaztenean, martiaren 14an. Finlandiatik hasi eta Greziara bitartean egindako argazkiok maiatzaren 20ra arte egongo dira ikusgai Bilbon.
Elkar diskoetxeak prest daukaz 2012ko udabarrian argitaratzeko lanak
2012-03-09 14:29 Musikea
Kupela, Anje Duhalde, Lauroba Xabi San Sebastian eta Benito Lertxundiren disko barriak dira datozen egun eta hileotan plazaratuko dituenak.
Melody Gardot, Madeleine Peyroux, Sharon Jones, Kenny Barron eta Eric Reed, 47. Heineken Jazzaldian
2012-03-09 09:52 Musikea
Donostian garagarrilaren 19tik 23ra bitartean egingo dan 47. Heineken Jazzaldiak Melody Gardot, Madeleine Peyroux eta Sharon Jones kantariak sartu ditu bere egitarauan, Kenny Barron, Mulgrew Miller, Eric Reed eta Dado Moroni jazz-pianista ospetsuakaz batera.
Kepa Junkera eta Euskadiko Orkestra Sinfonikoa alkarregaz, 'Ipar haizea' proiektuan
2012-03-08 14:52 Musikea
Kepa Junkerak eta Euskadiko Orkestra Sinfonikoak alkarregaz atondutako proiektu bikotxa aurkeztu dabe Bilbon; alde batetik, Ipar haizea lana, eta beste alde batetik, diskoko kantakaz osotutako kontzertu zikloa. Emonaldiok Klasikat izeneko ekimenaren barruan eskainiko ditue
Paco Ibañezek errezitaldia emongo dau Bilbon Blas de Oteroren eguna ospatzeko
2012-03-08 13:04 Musikea
Bilboko Udaleko Kultura eta Hezkuntza Sailak Blas de Otero poeta bilbotarraren (1916-1979) jaiotzearen urteurrena ospatuko dau datorren eguenean, martiaren 15ean, Paco Ibáñez kantautore valentziarrak eskainiko dauen errezitaldi bereziagaz.
Kanpoko eta bertoko musikariek joko dabe Bilbao Distrito Jazz jaialdian
2012-03-07 14:23 Musikea
Martiaren 9an hasiko da eta sei saio izango dira danetara, martiko eta apirileko barikuetan. Aurreko urteetan legez, Bilbao Distrito Jazz jaialdiaren 13. edizino honetan, Bizkaiko uriburuko auzo ugaritara eroango ditue jazz doinuak. Sarrerea librea eta dobakoa izango da, aretoak bete arte.
Garbage, Bloc Party, Mumford & Sons eta The Jon Spencer Blues Explosion bandak, Bilbao BBK Liven
2012-03-07 10:30 Musikea
Bilbao BBK Live jaialdia zazpigarren edizinoko kartela osotzen dabil; antolatzaileek jakinarazo dabenez, Garbage, Bloc Party, Mumford & Sons eta The Jon Spencer Blues Explosion taldeak be Kobetamendin izango dira garagarrilean. Horrezaz aparte, Zea Mays talde bilbotarra zuzenean ikusteko aukerea eukio dogu.
Mendaroko Munlet taldeak 'Bicefalopedia' diskoa kaleratu dau
2012-03-06 16:09 Musikea
Munlet gipuzkoarrek argitaratu barri dau Bicefalopedia diskoa, talderaen hirugarren lana. Orain arte boskotea izan dira, baina oraingoan Ina Herr Professor eta Anita LadyFingers bikoteak osotzen dau Munlet. Elektronikea, punka eta esperimentazinoa dira Munleten osogai nagusiak. Taldeak berak produzidu dau beharra, El Cubo estudioan.
Aurtengo Ibilaldiak badauka daborduko abestia eta bideoklipa
2012-03-06 13:53 Musikea
Aurtengo Ibilaldiak badauka daborduko kantea eta bideoklipa, Maiatzean meatzean. Gaur aurkeztu ditue bitzuk, Bilboko Kafe Antzokian. Abestiaren berbak Trapagaraneko Ion Berrocal bertsolariak idatzi ditu, eta musikea Leioako Basaki taldeak sortu dau. Prentsaurrekoan, Basaki taldeko Natxo Velez, Itxaropena ikastolako zuzendari Josemari Andres, Ibilaldia alkarteko presidente Juan Carlos Gomez eta abestiaren berben sortzaile Ion Berrocal izan dira.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan