Anarik 'Bidea eta denbora' zuzeneko diskoa kaleratu barri dau
2014-01-09 11:11 Musikea
Hamazazpi urteko ibilbidea bederatzi kantatan batu dau Anarik Bidea eta denbora (Bidehuts) zuzeneko diskoan. Irla Izan beharraren biran zuzenean grabetako kantak dira, gehienak Donostiako Viktoria Eugenian zezeilan emondako kontzertukoak, eta gitxi batzuk Zarauzko Putzuzulo gaztetxekoak. Zezeilean ekingo deutso kontzertuak emoteari.
Enrike Solinisek 'Colores del Sur' bere bakarkako lehenengo diskoa kaleratu barri dau
2014-01-03 11:12 Musikea
Hamasei kantaz osotu dau Enrike Solinis musikari bilbotarrak Colores del Sur (Glossa Platinum) bere bakarkako lehenengo diskoa. Barrokoko musika europarra landu dau, batez be Espainia eta Italiako doinuak, baina bada Euskal Herrikoren bat bere, Errekaxilo fandangoa hain zuzen be. Zezeilean hasiko da behar barria jentaurrean aurkezten.
Joseba B. Lenoirrek lau kantako 'Tenpesta' diskoa kaleratu dau
2013-12-30 13:59 Musikea
Hirugarren diskoa aurkeztu dau oraintsu Joseba B. Lenoirrek, lau kantako Tenpesta (Gaztelupeko Hotsak). Oraingoan bere ahotsa entzun ahal izango dogu, izan be hirutan kantetan dau eta. Biniloan kaleratu dabe bakar-bakarrik.
Euskal Herriko Gazte Orkestreak hasi barri ditu Neguko topaketak Eibarren
2013-12-26 10:54 Musikea
Abenduaren 27an, barikua, Euskal Herriko Gazte Orkestreak (EGO) ate edegien jardunaldia egingo dau, Eibarko egoitzan. Musikari gazteen lanaz gozetako aukerea izango dabe bertara doazenek, eta ikasle zein irakasleekaz berba egin ahal izango da ganera. EGOren neguko topaketak abenduaren 26an hasi eta urtarrilaren 5ean amaituko dira.
Crystal Fighters eta Belako taldeak, 2014ko Bilbao BBK Live jaialdian
2013-12-23 17:14 Musikea
Bilbao BBK Live jaialdiaren 2014ko kartela badoa apurka-apurka beteten. Daborduko, hogei talderen barri emon dabe antolatzaileek, azkenengoak, Crystal Fighters, Belako, Izal, Chet Faker, Shaka Ponk eta La M.O.D.A. Datorren urteko Bilbao BBK Live garagarrilaren 10, 11 eta 12an egingo da.
Pantxika Solorzanok eta Xanok jantzan egiteko 'Elektroboom' diskoa argitaratu dabe
2013-12-19 17:25 Musikea
Aspaldi hasi zan Pantxika Solorzano umeentzako kantak eta jolasak sortzen eta argitaratzen. Elektroboom bere laugarren lana da, proposamen ludiko eta jostaria. Musika elektronikoa dauka oinarrian, gaztetxuak jantzan egiteko moduan. Marc Halsouet Xano izan dau lagun egitasmo honetan.
Paul San Martin pianista donostiarrak 'Paul´s Mood' diskoa kaleratu dau
2013-12-16 13:39 Musikea
Gogokoen dituen blues kantak aukeratu ditu Paul San Martinek bakarkako bigarren diskoa dauen Paul´s Mood (Gaztelupeko Hotsak) lanean. Kanta bakarra dau berea, diskoaren izenburu bera daukana.
The Reverendos taldeak disko 'serioa' eta 'helduagoa' aurkeztu dau
2013-12-13 14:37 Musikea
Disko desbardina egin dau oraingoan The Reverendos laukoteak. Urtebete emon dabe kantak atontzen, benetako estudio baten, benetako teknikari bategaz grabau dabe, disko serio bat dala emoten dau, dinoe umoretsu. The cool sounds of The Reverendos laugarren disko hau da inoren bersino bako lehenengoa. Urtarrilaren 18an, Plateruenan aurkeztuko dabe zuzenean.
Sen taldearen agurra Usurbilen izango da astegoienean
2013-12-11 13:16 Musikea
Sen taldearen agurra izango dogu abenduaren 14an, Usurbilen. Aginagako eleiza zaharrean. Aurten itzuli dira agertokietara eta hainbat kontzertu emon ostean agurtzeko ordua heldu jake.
Mursegok 'Hiru' disko barria aurkeztuko dau barikuan, Bilbon
2013-12-11 10:56 Musikea
Hamaika abestiko beharra da Mursegoren Hiru (Bidehuts), danetariko doinuak dituena, afrikarrak, cumbia, hardcorea, folka, popa eta elektronikoa, esaterako. Maite Arroitajauregiren hirugarren diskoa da, eta barikuan, hilak 13, Deustuko Udaltegian aurkeztuko dau, Bilbon. Kontzertua debalde da.
Juantxo Zeberio Etxetxipiak jazza eta abesbatza buztartu ditu 'Eguberri Umama. Basque Christmas Songs' diskoan
2013-12-11 10:21 Musikea
Lana kaleratu ondoren, zuzenean aurkezteko txandea da orain. Holan, datorren barikuan, abenduaren 13an, Tolosako (Gipuzkoa) Leidor Antzokian izango da kontzertuan, 21:00etan; abenduaren 15ean, Hondarribiko Itsas Etxea Antzokian izango da, 19:00etan; eta urtarrilaren 2an, azkenik, Donostiako Antzoki Zaharrean, 20:00etan.
Practice Your Music softwarea, musikea praktiketako atxakiarik ez
2013-12-10 14:50 Musikea
Oskorri taldeagaz joten ikastea ez da aukera makala. Aitor Altzibarrek, Unai Gonzalezek eta Asier Ercillak sortutako Practice Your Music softwareak aukera hori eskaintzen dau, eta gehiago be bai. Edozein lekutan, edozein momentutan, musikea praktikau daiteke aplikazino barri honi esker. Abenduaren 21ean egingo dan The Pub Ibiltaria kontzertuaren barri be emon dabe.
Gitarrea eta harizko beste musika tresna batzuk protagonista Bilboko IV. Mila Musika Haria ekimenean
2013-12-10 14:14 Musikea
Gitarra zale guztiek Mila Musika Haria zikloaren laugarren edizinoaz gozau ahal izango dabe abenduan. Egitaraua, gitarrearen eta harizko musika tresnen inguruan sortzen diran musikei eskainita egongo da, mundu osoan ikus daitekezan adierazpen eta bariedade guztietan.
Ruede Hagelstein, DJ D-Beam eta Dj L. S. D. izango dira urteko azkenengo Art After Dark saioko protagonistak
2013-12-09 10:42 Musikea
Abenduaren 13an egingo dabe 2013ko azkenengo Art After Dark saioa. Berlingo Ruede Hagelstein, Bartzelonako DJ D-Beam eta Dj L. S. D. izango dira gau horretako protagonistak Bilboko Guggenheim museoan, 22:00etatik aurrera.
Aiko taldeak jantzan eginarazoko gaitu 'Soken dantza' disko barriagaz be
2013-12-04 14:49 Musikea
Jantzan egiteko hamabi doinuk osotzen dabe Aikoren lan barria, Soken dantza (Elkar). Alvaro Garcia gitarristeak sortu eta interpretau ditu kantak, taldearen ohiko errepertoriora egokituta, jotea, balsa, polkea, tangoa, jauzia eta abar. Abenduaren 14an egingo dabe jentaurreko aurkezpena, Durangoko Plateruena kafe antzokian. Jantzan hasi eta amaitu dabe prentsaurrekoa.
Doinu gogorragoekaz dator Ze Esatek 'Ibuprofeno' disko barrian
2013-12-04 11:09 Musikea
Sortu barri daben Mirentxu Records zigilupean kaleratu dau Ze Esatek taldeak Ibuprofeno disko barria. Hirugarren honek aurrekoek baino doinu gogorragoak dakarzala dinoe, gitarra indartsuagoak eta bajuak distorsinoagaz. Ahotsenean joko ditue kanta barriak, abenduaren 6an, 15:00etan.
Leioako XIV. Pop Rock Lehiaketeak badauka kartela
2013-12-03 17:33 Musikea
Epaimahaiaren botoak eta jarraitzaileen botoak gogoan hartuta, Exclamacion kartelak irabazi dau eta horixe erabiliko da Leioako XIV. Pop Rock Lehiaketea iragarteko. Xabier Mendive Salazar Gasteiztarra da egilea. Botazinoan Bozketan 503 lagunek parte hartu dabe.
Jantzan egiteko prest dator Damba taldea 'Hautsi... eta izan zaitez zu' disko barriagaz
2013-12-03 16:59 Musikea
Indartsu dator Damba taldea Hautsi... eta izan zaitez zu (Agorila) lan barriagaz. Musikea, hitzak, ahotsak, danak dauka indar gehiago, kideen esanetan. Kontzertuak jai bihurtzeko gogoz dagoz. Zemendian Bartzelonan eta Londresen jo ostean, Ahotsenean izango dira hilaren 7an, 18:30ean.
Esne Beltzak kalean dauka 'Gora!' laugarren diskoa
2013-12-03 13:14 Musikea
5Gora zigilu barria estreinau dau Esne Beltza taldeak Gora! beharragaz. Hamazazpi abesti sortu ditue, aurreko lanen bide beretik. Oraingoan be, makina bat kolaborazino izan dira, hogeiren bat. Abenduaren 6an aurrerapen txiki bat eskainiko dabe Durangoko Azokan, Ahotsenea gunean, abenduaren 6an.
Rock gordina dakar Aneika ara hirukote bizkaitarrak lehenengo diskoan
2013-12-02 14:42 Musikea
Aneika ara, mila eratan, holan ulertzen dau Zigor Iturbe, Argibel Euba eta Alex Lopez hirukoteak musikea, eta modu horretan azaldu dabe izen bera ipini deutsien diskoan. Hamabi kanta daukaz Aneika ara (Gaztelupeko hotsak) lanak, rocka dau osogai nagusi, eta beste makina bat bere bai. Abenduaren 5ean, Durangoko Azokan joko dabe.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan