Fermin Muguruza, Jimmy Cliff, Willis Drummond eta Belako, aurtengo EHZ jaialdian
2013-02-14 16:35 Musikea
Euskal Herria Zuzenean jaialdia hasi da bagilaren 28tik 30era bitartean izango dauen kartelaren barri emoten. Hain zuzen be, zazpi talde iragarri ditue: Fermin Muguruza, Willis Drummond, Belako, Les Ogres de Barback , Zuloak, Jimmy Cliff eta Herri Oihua.
Espainia eta Frantziako konpositoreak gogoratuko ditue Bilboko Musika-Musica jaialdian, martiaren 1etik 3ra
2013-02-14 14:33 Musikea
70 kontzertuko egitaraua iragarri dabe, martiaren 1, 2 eta 3ko astebururako, beraz, Bilboko Euskalduna Jauregiko aretoak musikaz beteko dira. Beste urte batzuetan legez, goi mailako musikariakaz batera, kontserbatorio eta musika-eskoletako ikasleei be aukerea emongo deutsie parte hartzeko.
Jeronimo Martin izango da Bilbao Distrito Jazz egitarauko lehenengo protagonistea
2013-02-12 16:41 Musikea
Jeronimo Martinen taldeak hasiko dau Bilbao Distrito Jazz egitarauaren 14. edizinoa barikuan, hilak 15, Begoñako udaltegian. Bertoko zein nazinoarteko musikariek joko dabe hurrengo hileetan, tartean, Kari Ikonenek, Mikel Ploug New Groupek eta Ander García Quintetek. Kontzertu guztiak doban dira.
The Black Keys taldeak lau Grammy sari irabazi ditu
2013-02-11 12:11 Musikea
The Black Keys taldeak lau Grammy sari irabazi ditu, bikote estatubatuarrak lortu ditu gehien, ganera. Fun eta Mumford & Sons taldeak be protagonista izan ziran Los Angeles uriko Staples Centerren.
Nina Kraviz izango da zezeileko Art After Dark saioko kartelburua
2013-02-08 13:15 Musikea
Nina Kraviz musikari siberiarra izango zezeileko Art After Dark egitarauko kartelburua. Watts Attack Sound Systemek eta Espanto DJ taldeak be saioa izango dabe zezeilaren 15ean, Bilboko Guggenheim museoan.
Hutsa bikoteak 'Huts unea' diskoa aurkeztuko dau Bilbon hilaren 7an
2013-02-06 13:36 Musikea
Hutsa bikote urduñarrak Huts unea diskoa zuzenean aurkeztuko dau eguenean Bilbon. Maria Riverok eta Eriz Perezek lan barriko kantak joko ditue Cafe Bar Bilbaon, 19:30etik aurrera.
Leioako XIII. Pop Rock Lehiaketan parte hartzeko epea zabalik
2013-02-06 11:31 Musikea
Nahi daben talde guztiek lehiaketan parte hartu ahal izango dabe, disko bat baino gehiago kaleratu eta aurreko edizinoetan saria (Pop Rock edo Metal sailetako irabazlea, Irabazle orokorra) irabazi dabenak izan ezik. Beti be, gitxienez taldekide bi 14 eta 35 urte bitartekoak badira. Adin txikikoek euren gurasoen edo tutoreen baimena aurkeztu beharko dabe.
'My Private Circus' aurkeztu dau Chris Kase tronpeta jotzaleak Donostian
2013-02-05 14:38 Musikea
Chris Kase jazz musikari estadubatuarrak konposizinoaz eta bere ohiko musika-tresnea joteaz gan, beste egiteko batzuk be beregain hartu ditu, besteak beste, baxua eta teklatuak jo ditu, soinu teknikariarena egiteaz gan, eta disko batean orain arte saiatu edo erregistrau ez dituan arlo estilistiko guztiz berezietan sartu da.
Rafael Berrio musikari donostiarrak 'Diarios' diskoa aurkeztu dau
2013-02-05 12:11 Musikea
Rafael Berriok Diarios hamaika kantako disko barria aurkeztu dau. Joserra Senperena musikari donostiarrak produzidu dau, bereak dira moldaketak be, eta berak joten ditu pianoa eta akordeoia abestietan. Orain urte bi argitaratutako 1971 lanaren jarraipena dala autortu dau egileak.
The Jon Spencer Blues Explosion taldeak 'Meat and Bone' diskoa aurkeztuko dau Bilbon
2013-02-05 12:00 Musikea
The Jon Spencer Blues Explosion talde estadubatuarrak kontzertua eskainiko dau datorren zapatuan, zezeilaren 9an, Bilboko Kafe Antzokian, Meat and Bone disko barria aurkezteko. Saioa gaueko 22:00etan hasiko da, Tokyo Sex Destruction talde katalanaren kontzertuagaz.
Bilboko Udal Musika Eskoleak zazpi prestakuntza tailer antolatu ditu
2013-01-31 10:13 Musikea
Zazpi prestakuntza tailer antolatu ditu Bilboko Udal Musika Eskoleak ikasturte honetan, zezeiletik apirilera bitartean. Oboe, fagot, biola eta biolinaren interpretazinoa izango da mintegion ardatza; horrezaz gan, jazz musika, Finale informatika programea eta euskal jantza tradizionalen jatorria be aztergai izango ditue.
Eric Claptonek disko barria kaleratuko dau martian
2013-01-30 10:39 Musikea
Eric Patrick Clapton (Ripley, Surrey, Erresuma Batua, 1945eko martiak 30) gitarrista eta kantari estadubatuarrak datorren martiaren 12an argitaratuko dau bere ibilbideko 21.a izango dan diskoa, Old Sock izenburupean. Gitarrista handiaren lan barria bere zigilu propioan plazaratuko da, hau da, Bushbrach Records diskoetxean, eta CD eta binilo bikotxean kaleratuko da, 12 abesti barri batuz.
James Ruskin britainiarra, aurtengo lehenengo GauArt saioan
2013-01-29 17:34 Musikea
James Ruskin britainiarra Europako techno musikaren DJ ezagunenetakoa izango da GauArteko protagonistea zezeilaren 1ean, Artium museoan. Kasper musikari madrildarrak eta Kastil arabarrak be saioan parte hartuko dabe.
The Black Crowes eta The Smashing Pumpkins, Azkena Rock jaialdiko kartelburu
2013-01-25 14:53 Musikea
Azkena Rock jaialdiko kartelburuen barri emon dabe antolatzaileek: The Black Crowes eta The Smashing Pumpkins. Bagilaren 28 eta 29an egingo da jaialdia, Mendizabalan, Gasteizen.
Inazio Bastida 'Etxeberritxo' pandero-jotzaileren hiletea gaur egingo dabe Azpeitian
2013-01-25 12:09 Musikea
Gaur barikua, hilak 25, egingo dabe Inazio Bastida Uranga Etxeberritxo pandero-jotzaileren hiletea Azpeitiko Soreasuko Sebastian Donearen parrokian, 19:00etan. Eguenean hil zan, bihotzekoak jota, 70 urte zituala.
Romano, Sclavis eta Texier hirukoteak edegiko dau aurtengo 365 Jazz Bilbao egitaraua
2013-01-23 17:09 Musikea
365 Jazz Bilbaok zazpi kontzertu eskainiko ditu 2013an, lehenengoa Romano, Sclavis eta Texierrena izango da, zezeilaren 8an, Guggenheim museoan. Horrezaz gan, beste 16 emonaldi antolatu ditu Bilbao 700 Fundazinoak uriburuko hoteletan.
2zio taldeak 'Pausuz pausu' diskoa zuzenean aurkeztuko dau Santurtziko La Kelo gaztetxean
2013-01-23 10:51 Musikea
2zio hirukoteak Pausuz pausu lehenengo diskoa zuzenean aurkeztuko dau zapatuan, hilak 26, Santurtziko La Kelo gaztetxean, Norte Apache taldeagaz batera. Gorka, Jo eta Odei Barrosok osotzen daben taldeak rapa euskeraz egiten dabe.
Dana prest BizBAK Indie Festival jaialdiaren bigarren edizinorako
2013-01-22 10:09 Musikea
Aurtengo kartelean estilo ausarta eta egungoa daben taldeak dagoz, besteak beste, Tachenkoren pop argitsua, Ariesen psikodelia, Mursegoren esperimentazinoa, Pony Bravoren rock eklektikoa eta Los Separatistas taldearen inprobisazinoa. Kontzertuak zezeilaren 22an eta martiaren 1ean eta 8an egingo dira Bizkaia Aretoan.
Disko zaparradea udabarrian
2013-01-21 14:09 Musikea
We Are Standard, Hesian, Gari, Eñaut Elorrieta, EH Sukarra, Igelaren Banda eta Mandoilek taldeen disko barriak helduko doguz udabarrian.
Donostiako 48. Heineken Jazzaldian joko daben bertoko taldeak aukeratzeko kontzertuak urtarrilaren 22an hasiko dira
2013-01-21 13:08 Musikea
Hautaketa kontzertu honeetan parte hartuko daben taldeak ondorengo honeek dira: Guagua & Co Latin Ensemble, Sky Beats, Seminal Jazz, Maldataskull Trio, Pablo Campos Trio, De 2 en Blues Band, Z-Bone Project, The Soulbros, La Prima Janis, The Rising Circus, Gintonic, Roberto Nieva With Strings, North Atlantic Jazz Connection, Borja Arias Trio eta Paul San Martin.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan