'Ur arreak, ur garbiak' Joan Mari Irigoienen lan barria plazan dago
2011-09-28 02:00 KultureaJoan Mari Irigoien idazle emonkorraren Ur arreak, ur garbiak lana plazaratu barri dau Elkar argitaletxeak. 330 orrialdeko liburua da, Literatura bildumako 303.a. Nafarroako herri balizko bat irudikatu dau Irigoienek eleberri honetan, bere mendi eta ibai, eleiza eta eskola, ohitura eta zelebrekeriakaz; halan dabe, geografiaren gainetik, hazur-haragizko herritarrak dira erretratuaren protagonistak.
Café Bilbao Teatro Laburreko Sarien testu irabazleak argitaratu ditue
2011-09-27 15:54 KultureaCafé Bilbao taberneak 100 urte bete ditu aurten, eta mendeurrena ospatzeko Café Bar Bilbao Teatro Laburreko Sarietako testu irabazleak argitaratu ditu. Artezblai argitaletxeagaz batera kaleratu ditu bai euskerazko bai gaztelaniazko argitalpenak. Horrezaz gan, antzerki sarien deialdi barria aurkeztu dabe, bederatzigarren edizinoa, hain zuzen be.
Badatoz Bilbon Eskolatik Antzerkira, Eskolako Antzerki Lehiaketea eta Bilbaoeszenaren tailerrak
2011-09-27 14:17 KultureaBilboko Udaleko Kultura eta Hezkuntza Sailak aurrera jarraitzen dau Bilbon Eskolatik Antzerkira programeagaz. Honezkero ohikoa dan —aurten XVII. edizinoa beteko dau— Eskola Antzerki Lehiaketeagaz batera, Arte Eszenikoetarako ikus-entzule barriak trebatzea dau helburu, txikienen artean antzerkiko sorkuntza lana bultzatzeaz gan.
ETAkideen amesetan arakatu dau Markos Zapiainek
2011-09-26 15:54 KultureaEuskerazko eleberrietan, behin baino gehiagotan, ETAko kideak izaten dira protagonista eta hari horretatik tiraka, Etakideen ametsak izenburuko saiakera-liburua atara dau Markos Zapiain idazle, filosofo eta kritikariak.
Bilboko XIII. BAD jaialdiak erabateko 12 estreinaldi eskainiko ditu
2011-09-26 15:51 KultureaUrriaren 28tik zemendiaren 6ra bitartean, Bizkaiko uriburuak arte eszenikoen abangoardia hartuko dau barriro be, BAD-en, Bilboko Antzerki eta Dantza Garaikide Jaialdiaren XIII. edizinoan. Gainera, Bilboko Udaleko Kultura eta Hezkuntza Sailak antolatzen dauen jaialdiak aperitibo bat eskainiko dau datorren urriaren 24tik aurrera, Sorkuntza lanak abian eta sorkuntza prozesuak' gaiari buruzko Pre-BADeko lau egun eskainiz.
Bilboko Berreginen Museoak 'Zeusen Aldare Nagusiko Frisoa' zaharbarritu dau
2011-09-23 14:59 KultureaBilboko Berreginen Museoak Zeusen Aldare Nagusiko Frisoko panel biak zaharberritu ditu. Piezen konponketea Bizkaiko Foru Aldundiko Kultur Ondareko Konserbazino eta Zaharbarritze Saileko teknikariek egin dabe. Artelanak museoaren esku dagoz, ia-ia museoa sortu zanetik, 1931n eta 1933an erosi ziran-eta Berlinen.
Hainbat poetek parte hartuko dabe Poesia Mobimentua ekimenean, Bilbon
2011-09-22 17:36 KultureaBilbok bat egingo dau zapatuan, hilaren 24an, Munduko Poesia Mobimentuaren ekimenagaz. Hainbat egileren olerkiak irakurriko dira Berastegi kalean eta Erriberako, Deustuko eta Labayruko udal merkatuetan. Jardunaldia munduko 530 uritan, aldi berean, egingo da. Irakurketetan biziaren eta Lurraren aldeko aldarrikapena zabalduko da.
Elssie Ansareo, Mabi Revuelta eta Eduardo Sourrouilleren lanak ikusgai, 'Bosteko 11' erakusketa ibiltarian
2011-09-20 12:08 KultureaBizkaiko Foru Aldundiko Kultura diputadu Miren Josune Ariztondok eta Arrigorriaga, Getxo, Leioa eta Basauriko Udalek Bosteko 11 erakusketa ibiltaria aurkeztu dabe. Elssie Ansareo, Mabi Revuelta eta Eduardo Sourrouille artisten lanak jasoko ditue aurten. Lehenengo erakustaldia daborduko edegi dabe Arrigorriagako Kultur Etxeko erakusketa aretoan, abendura bitartean. Ostean, Getxon, Leioan eta Basaurin izango da.
Euskal haur eta gazte literatureak emondakoa batu dabe liburu baten
2011-09-19 15:45 KultureaEuskal Herriko Unibersidadearen ekimenez martxan jarritako Euskal Literaturaren Historia bildumako laugarren alea da, izatez, haur eta gazte literatureari eskeinitakoa. Aurretik, poesiari, nobeleari eta zinema eta eleberriaren arteko hartu-emonei buruzko lanak be atara ditu Jon Kortazarrek gidatutako lan taldeak.
Bilboargazki 2011 ekimenak bederatzi erakusketa eskainiko ditu aurten
2011-09-19 15:40 KultureaBilboargazki 2011 ekimena aurkeztu dau Euskal Herriko Argazkilari Taldeen Alkarteak Bilbon bertan. Prentsaurrekoan azaldu dabenez, bederatzi erakusketa antolatu ditue uriko hainbat lekutan, urriaren amaiera arte.
Egunerokoak literaturan bete izan dauen lekua izango dabe berbagai Iñaki Uriarte eta Enrique Vila-Matas idazleek Bilbon
2011-09-16 14:15 KultureaOraingo honetan, topaketan, eguneroko personalek literaturearen barruan bete izan daben lekuari buruzko eztabaidea proposatzen da. Hitzordua, hilaren 20an, 19:30ean, Bilboko Bidebarrietako Liburutegian.
ESKENAk konpainien eta aktoreen lana nazinoartean zabaltzeko ikastaroak antolatu ditu
2011-09-16 11:38 KultureaESKENAk Bilbon kudeatzen dauen Harrobia, Produkzino Eszenikorako Barrikuntza Zentroak, Euskal Eszenaren Kanpo Sustapenerako Planaren testuinguruan antolatutako Nazinoartekotze Tailerren bigarren edizinoa egingo dau irailaren 20tik 22ra bitartean.
Bilbao-New York- Bilbao japonieraz argitaratuko dabe
2011-09-16 11:06 KultureaKirmen Uriberen Bilbao-New York-Bilbao eleberria japonieraz agertuko da laster. Tokioko Hakusui sha argitaletxeak argitaratuko dau, Japoniako argitaldaririk handienak, hain zuzen be. Nami Kameko itzultzaileak zuzenean euskerazko jatorrizkotik egin dau itzulpena.
Euskal anarkismoaren historia eta bilakaerea liburu baten batu ditu Juantxo Estebaranzek
2011-09-14 14:38 KultureaBreve historia del anarquismo vasco liburuaren helburua, anarkismoaren historia fundamentuz aurkeztea da, baina modu atsegin eta ulergarrian. Orain arte argitaratutako liburuek anarkismoa zatika baino ez dabe erakutsi, sasoi edo korronte jakin bakarrari arretea eskainiz eta nik ikuspegi zabalagoko lana egin dot, azaldu dau egileak.
Aitor Ortiz, 4. 'Laborategiak: Bilduma Iraunkorrari begira' erakusketa didaktikoaren protagonista Guggenheim Bilbao Museoan
2011-09-12 15:41 KultureaErakusketea 2011ko irailaren 13tik zemendiaren 13ra arte egongo da zabalik eta hor Museoak Argi hormak 011 lana aurkeztuko dau eskuratu zanetik lehen aldiz.
Aiko-k 'Dantzaldi Ibiltaria'-ren edizino barria aurkeztu dau jantza tradizionalaren mundua kaleko jenteari zabaltzeko asmoz
2011-09-09 15:49 KultureaAiko-k Dantzaldi Ibiltaria ikastaroen edizino barri bat aurkeztu dau gaur Bilbon. Holan, hasibarriei zuzendutako oinarrizko jantza ikastaroagaz batera, asteroko topaketak antolatuko dira oinarrizko ezaguerak dituen jantzazaleentzat, eta joteari buruzko espezializazino-ikastaro monografiko bat. Ohitureari jarraituz, jarduera horreen osogarri, hilero erromeriak egingo dira Durangoko Plateruena Kafe Antzokian.
Bilboko XXX. Nazinoarteko Txotxongilo Jaialdiak 914 talderen eskaerak jaso ditu
2011-09-08 11:42 KultureaMunduko 28 herrialdetako 914 taldek eskatu dabe zemendiaren 18tik 27ra bitartean egingo dan Bilboko XXX. Nazinoarteko Txotxongilo Jaialdian parte hartzea. Bilbon jasotako eskaera gehienak Europa eta Ameriketatik datoz, baina Asiako talde garrantzitsuenetako batzuek be parte hartzeko gogoa agertu dabe, besteak beste, Japonia, Txina, India, Iran eta Koreakoak.
Zumetaren lanak Enkarterrin ikusgai
2011-09-07 16:18 KultureaEnkartur, Enkarterriko turismo alkarteak bultzatutako Saboreart ekimenaren barruan kokatzen da erakusketea, eta irailaren 18ra arte izango da ikusgai.
Euskadiko Biodibersidade Zentroak Gema Arrugaetaren argazkien erakusketa bat zabaldu dau
2011-09-07 11:02 KultureaAldi baterako erakusketa honek Euskal Autonomia Erkidegoko (EAE) parke naturalen mugabako edertasuna erakusten dau: Gorbeia, Urkiola, Izki, Valderejo, Aralar, Pagoeta eta Aiako Harria. Era berean, babestutako natura-gune horreetako paisajeen eta espezieen aniztasuna hobeto ezagutzeko baliabide izan nahi dau. Erakusketea abenduaren 4ra arte egongo da ikusgai, doban.
Lau euskal talde izango dira Tarregako Fira de Teatren
2011-09-06 12:03 KultureaMarkeliñe, Kukai, Deabru Beltzak eta Natxo Montero konpainiak Tarregako (Lleida) XXXI. Fira de Teatren izango dira Euskal Teatroa programearen barruan. Euskal antzerkia nazinoarteko merkatuetan sustatzeko plataforma ezin hobea bihurtu da Tarregako hitzordua, aurten, irailaren 8tik 11ra.
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...