III. Txotxongiloak Domekero abenduaren 2tik aurrera Bilbon
2012-11-28 13:50 Kulturea
Txotxongiloak Domekero zikloa 2012ko abenduaren 2tik 2013ko martira bitartean izango da Bilboko Campos Eliseos Antzokian. Saioak eguerdiko 12:30ean eta arratsaldeko 17:30ean izango dira. Txotxongiloen programazino hau, 3-10 urte bitarteko umeentzat zuzendutakoa da.
17. Euskal Denda Durangoko merkatu plazan egingo da abenduaren 5etik 9ra
2012-11-27 14:53 Kulturea
Artisautza eskura lemapean dator aurtengo feria Arbasoko buru Bernat Vidalek adierazo dauenez, kartelean agiri dan esku meta irudikatuz. Euskal Denda artisautza sektorearen erakusleihorik onena izango da eta helburu nagusia artisautza tradizionala zein garaikidea bultzatzea eta merkaturatzea da.
Euskal preso eta igeslarien lanak batu ditu aurten be Ataramiñe argitaletxeak
2012-11-27 14:14 Kulturea
Durangoko Liburu eta Disko Azokeari begira, 2012ko uzta oparoa aurkeztu dau Bilbon Ataramiñek. Ohiko bilduma-liburuaz ganera, Xabier Makazaga, Oier Goitia eta Mikel Antzaren lan bana argitaratu ditue, lau liburu guztira.
Hedoi Etxartek 'Sinplistak' poema liburua kaleratu dau
2012-11-26 17:48 Kulturea
Hedoi Etxartek Sinplistak bere bigarren poema liburua argitaratu dau Susa etxeagaz. Lan panfletarioa eta manikeoa dala adierazo eban egileak aurkezpenean. Maitasuna, sexua, gizartea, kultura, ideologiak, politikea... gau ugari jorratzen ditu egileak.
Castillo Suarezek bakardadearen ganeko 'Urtebetetze festa' poesia liburua kaleratu dau
2012-11-26 16:46 Kulturea
Lau urteko beharraren emoitzea da Castillo Suarezek argitaratu barria dauen Urtebetetze festa (Elkar) poesia liburua. Bakardadearen inguruan eregi ditu testuak idazle altsasuarrak, baina bakardadeak ez dauka beti zentzu negatiboa edo tragikoa.
Ipar Euskal Herriko argitaletxeek 35 nobedade daroez Durangoko Azokara
2012-11-26 10:33 Kulturea
Ipar Euskal Herriko argitaletxeek txoko berezia izango dabe aurten Durangoko Liburu eta Disko Azokan, izan be erakusmahai berean batuko dira Agorila, ZTK, Gatuzain, Ikas eta Maiatz etxeek aurkeztuko dituen 35 nobedadeak, Gerediaga eta Euskal Kultur Erakundearen (EKE) arteko alkarlanari esker.
Euskal musikearen azken 50 urteetako ibilbideari buruzko erakusketa bat zabaldu dabe Bermeon
2012-11-26 10:17 Kulturea
Euskal Herrian musikeak izan dauen bilakaerea erakutsi nahi da, garai bakotxaren testuinguru politiko, soziala eta kulturala kontuan hartuz. Azaletatik sustraietara erakusketearen beste helburu bat da gazteei azken 50 urteetako euskal musikearen historiaren barri emotea, eta holan, bisita gidatuak egingo dira Bermeoko ikastetxeetako ikasleakaz.
Berreginen Museoak Bilboko zubi historikoei buruzko erakusketea inaugurau dau
2012-11-22 13:02 Kulturea
Bilboko zubi historikoen 19 maketa jasoten dituan Bilbao Zubiz zubi erakusketan Jaime Gustavo Laítak gure uribilduan 1300 eta 1902 urteen artean eregitako zubiak maché papelean irudikatu ditu. Urtarrilaren 31ra arte zabalik egongo dan erakusketea, Pedro Telesforo de Errazquinek XIX. mendearen bigarren erdialdean Bilboko zubiei ataratako argazkiek osotzen dabe.
Zientzia eta literaturea nahastean, Txilikuren 'Piztiarioak' liburuan
2012-11-22 10:24 Kulturea
Piztiarioen ganeko liburua kaleratu dau Jesus Mari Olaizola Txilikuk. Animaliak dira protagonista, batzuk benetakoak, eta beste batzuk, asmautakoak. Liburu artean eta Interneten ordu asko emon dituala autortu dau egileak.
Durangoko Azokako guneak indartuta eta barriztauta datoz aurten
2012-11-21 14:37 Kulturea
Durangoko Azokearen 47. edizinoko zazpi guneen egitaraua aurkeztu dabe Bilbon, EITBko egoitzako Multiboxen. Areto Nagusia, Ahotsenea, Saguganbara, Irudienea, Szenatokia, K@bia eta Plateruenako arduradunek gune bakotxaren barri emon dabe. Aurten, Azokeak lau egun izango ditu, abenduaren 6tik 9ra bitartean.
Elkar argitaletxeak Xaguxar bildumako bost liburu barri kaleratu ditu
2012-11-20 14:42 Kulturea
Elkar argitaletxeak 8 urtetik 12ra bitarteko irakurleentzako Xaguxar bildumako bost liburu argitaratu ditu: Sasiak mendia jan, Urruneko motorrak mila zaldi, Urrezko orrazia, Txomintxo eta Perutxoren abenturak eta Memoriaren zuhaitza.
Guadalajaran eta Mexiko DF urian euskal literaturea sustatuko dau Etxepare Euskal Institutuak
2012-11-20 11:34 Kulturea
Etxepare Euskal Institutuak Mexikorako bidea hartuko dau aurten be, zemendiaren 24tik abenduaren 2ra bitartean egingo dan Guadalajarako Nazinoarteko Liburu Azokan parte hartzeko. Gainera, euskal literaturea sustatzeko ekitaldiak antolatu ditue Guadalajaran zein Mexiko DF urian.
Piranesiren grabadu ameslariak Bilboko Arte Eder museora heldu dira
2012-11-19 14:49 Kulturea
Giovanni Battista Piranesi grabatzailearen 250 lanetik gora batu ditu Bilboko Arte Eder Museoak Oroimen ameslaria erakusketan, tartean, estadu espainiarrean egundo ikusi bako burdingorri edo kobrezko jatorrizko plantxa bat.
Mo Yan Nobel saridunaren lana euskeratzeko XXVI. Jokin Zaitegi sariketea martxan dago
2012-11-19 12:15 Kulturea
Mo Yan idazle txinatar Literaturako Nobel saridunaren Shifu yuelaiyue youmo ipuin-bildumea euskeratzeko XXVI. Jokin Zaitegi Sariketea martxan dago. Epea abenduaren 20an amaituko da.
Karlos Linazasorok gazteentzako 'Bertan goxo' nobelea aurkeztu dau
2012-11-19 11:39 Kulturea
Ironia eta kritika soziala batu ditu Karlos Linazasorok Bertan goxo nobela barrian. Liburuaren izen bera daukan beilategiaren inaugurazinoa kontetan dau idazle tolosarrak. Elkar etxearen Ateko Banda gazte literaturako atalean argitaratu dabe liburua.
411 nobedade, 300 ekitaldi eta 253 stand izango ditu 47. Durangoko Azokeak
2012-11-15 13:34 Kulturea
47. Durangoko Euskal Liburu eta Disko Azokearen harian nabarmendu beharreko beste kontzeptu bat alkarlana da. Azokaz aparte egokitu diran guneak kudeatzeko ezeze, Gerediagak alkarte, talde, erakunde eta enpresa pribatuen laguntzinoa eta babesa izan dau. Krisi ekonomikoak baldintzatuta be, etxe pribatu batzuek Durangoko Azokearen proiektuagaz bat egitea erabagi dabe lehenengoz.
AhoDubber zuzeneko ikuskizunen hizkuntza itzultzailea aurkeztuko dabe hilaren 20an
2012-11-15 10:10 Kulturea
AhoDubber zuzeneko ikuskizunetan erabilteko hizkuntza-laguntzailea aurkeztuko dabe hilaren 20an, Bilbon, Harrobia Ekoizpen Eszenikorako Barrikuntza Zentroaren egoitzan. Sistema barriak zuzeneko emonaldia beste hizkuntza baten segiduteko aukerea eskaintzen dau.
Idazle Presoen Nazinoarteko Eguna ospatzeko ekitaldiak antolatu ditue Donostian
2012-11-14 14:23 Kulturea
Nazinoarteko PEN Klubak zemendiaren 15ean ospatuko dau Idazle Espetxeratuaren Nazinoarteko Eguna, hain zuzen be 31. aldiz. Gurean, barriz, Euskal PEN Klubak lehenengoz atondu ditu ekitaldiak, Donostian. Ataramiñe alkarteak eta Donostiako Udalak be parte hartu dabe.
Getxoko XI. Komiki Azokea zemendiaren 23tik 25era izango da aurten
2012-11-13 16:48 Kulturea
Oraingo honetan, besteak beste, Eddie Campbell eskoaziarraren mailako egileak izango doguz; nazinoarte mailan ezaguna da Campbell, Alan Moore-egaz From Hell komiki ezagunean egindako lankidetzeagaitik. Bere azken lana aurkeztuko dau Getxon: Mi libro sobre el dinero.
Euskarabila ipuin erotikoen lehiaketeak agur
2012-11-13 14:00 Kulturea
2012ko honen ondoren, Euskarabila alkartearen beraren etorkizuna berraztertzen ari garen honetan, lehiaketan be etena egitea erabagi dogu. Horretarako momentu egokia zala uste izan dogu: orain arteko edizino guztietako irabazleen ipuinak argitaratuta dagoz eta tiraderetan ez jaku inorenik gordeta gelditzen.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...