Iñaki Irasizabal idazle durangarrak 'Odolaren deia' nobela baltza aurkeztu dau
2014-03-07 12:15 Kulturea
Aitaren heriotzea dala eta, gaztetatik alkarren barri izan ez daben anaia bik hartu-emona berreskuratu dabe. Gazteena zuztabarkoa da gaur egun be, eta zaharrena guraso zintzo eta negozio-gizon serioa. Haor Iñaki Irasizabal idazle durangarraren Odolaren deia (Elkar) nobela baltz barriaren abiapuntua.
Cristobal Balenciaga Museoa eta Madrilgo Jantziaren Museoa, alkarlanean
2014-03-07 10:59 Kulturea
Cristobal Balenciagaren jantziak alkarbanatuko dituela jakinarazo dabe jostunaren Getariako museoak eta Madrilen dagoan Jantziaren Museoak. Hain zuzen be, jantziek historian izandako bilakaereari buruzko museoak Cristobal Balenciaga Museoaren inaugurazino erakusketan izan ziran 20 pieza hartuko ditu, eta Getariako museoak, barriz, Jantziaren Museoak dituen Balenciagaren funtsen berrazterketea egingo dau.
Hemen da Resurreccion Maria Azkue Literatur Sarien 2013ko uztea
2014-03-06 16:11 Kulturea
Euskaltzaindiak eta Bilbao Bizkaia Kutxa Fundazinoak antolatutako Resurreccion Maria Azkue Literatur Sariak banatu ditue Bilbon, Akademiaren egoitzan bertan. 11 eta 18 urte bitarteko gaztetxuei zuzendutako sariketea da, eta atal bi ditu, narrazinoa eta olerkia.
Taxio Ardanazen 'Egurre' erakusketea ikusgai dago Bilboko Rekalde aretoan
2014-03-04 14:30 Kulturea
Iruñeko Taxio Ardanaz artisteak indarkeria handiko sasoietan sortzen diran irudikapen sinbolikoak ditu aztergai Egurre erakusketan. Bizkaiko Foru Aldundiaren barriek 2014 programearen barruan dago erakusketea. Apirilaren 13ra arte egongo da Rekalde aretoan.
Mary Shelleyren 'Frankenstein' eta Elias Canettiren 'Mihia aske', Literatura Unibertsaleko ale barriak
2014-02-27 11:20 Kulturea
Literatura Unibertsala bildumako 159. eta 160. liburuak aurkeztu barri ditue, Mary Shelleyren Frankenstein eta Elias Canettiren Mihia aske, Iñigo Errastik eta Ibon Uribarrik euskeratuak, hurranez hurran. Erein eta Igela etxeek argitaratu ditue lanok.
Ahaztutako emakumeak gogora ekarriko ditue 'Históricas' sorkuntza tailerrean
2014-02-27 10:03 Kulturea
BilbaoEszenak, MaMa Crea taldeagaz alkarlanean, sorkuntza eszenikoen inguruko Históricas tailerra antolatu dau. Martian hasi eta bagilean amaituko dira eskolak. Emakumeek historia izan daben lekua berreskuratzea da ikastaroaren helburua. Izena emoteko epea zabalik dago daborduko.
Bermeoko Liburu eta Disko Azokea zezeilaren 28tik martiaren 9ra egingo da
2014-02-26 14:17 Kulturea
Bermeoko Liburu eta Disko Azokea datorren barikuan, zezeilaren 28an hasi da eta martiaren 9an amaituko da; danetara, 16 erakusle izango dira Lamera parkean. Euskerazko eta gaztelaniazko nobedadeak, euskal diskogintza guztia % 10eko beherapenagaz eta aukerako liburuak izango dira aurtengo edizinoan, Euskadiko Liburu Azoken Batzordeak eta Bermeoko Udalak jakinarazo dabenez.
Ana Malagonek 'Lasai, ez da ezer gertatzen' bere lehenengo liburua kaleratu dau
2014-02-24 13:22 Kulturea
Orain dala urte bi hasi zan Ana Magalon donostiarra ipuinak idazten, Interneteko atari baten, www.samuraitasuna.org gunean, hain zuzen be. Mikroipuinetako asko Lasai, ez da ezer gertatzen (Elkar) liburuan topauko doguz.
Manuel Rivas izango da 'Eztabaidak Literatureagaz' ekimenaren hurrengo protagonistea
2014-02-20 12:53 Kulturea
Manuel Rivasek alkartasunezko idazketearen ganean berba egingo dau: alkartasunaren balioakaz lotutako kasuak, jazoerak eta egoerak kontetako orduan idazle galiziarrari gehien eragin deutsien egileak, Vicente Ferreren inguruan egin dauen lana eta haregaz izan zituan loturak, baita literatureak eta idazleak/kazetariak konpromiso eta alkartasun gehiago izango dauen gizartearen bilaketan bete beharreko lana lako gaiak jorratuko ditu.
Madrilgo Arco azokeak 219 galeria batuko ditu gaurtik aurrera
2014-02-19 13:49 Kulturea
Edegi barri dabe Arco Arte Garaikideko Azokea, Madrilen. Zezeilaren 23ra bitartean, 25 herrialdetako 219 galeriak euren artelanak erakutsiko deutsiez Ifemako erakustazokara hurreratzen diranei. Aurten, Euskal Herriko galeria bi besterik ez dagoz Arcon, Bilboko Carreras Mugica eta Donostiako Altxerri.
Markus Lüpertz artista alemanaren erakusketa antologikoa, Bilboko Arte Eder Museoan
2014-02-18 14:28 Kulturea
Berrogeita hamar urteko ibilbide oparoa batu dabe Markus Lüpertz. 1963-2013 erakusketan, 91 artelanen bitartez. Gehienak margolanak izan arren, 19 eskultura eta papelean egindako 12 lan dagoz ikusgai. Alemaniako Neueu Wilden espresionista barrien taldeko funtsezko kidea izan zan Lüpertz. Erakusketea maiatzaren 19ra arte egongo da Bilboko Arte Eder Museoan.
Hiru Nobel saridun ekarriko ditu Bilbora Gutun Zuria jaialdiak, martiaren 27an hasita
2014-02-17 14:39 Kulturea
Mugako kontakizunak goiburupean, zazpigarren urtez egingo da Gutun Zuria Alondigan. Urtero legez, goi mailako idazle eta kazetariak konbidau ditue, esate baterako, Gao Xingjian, Orhan Pamuk eta Herta Muller Nobel saridunak, mundu zabalean ezagun diran Claudio Magris eta Juan Goytisolo eta euskal literaturako punta-puntako idazle diran Ramon Saizarbitoria, Arantxa Urretabizkaia eta Txomin Peillen.
Aiko taldeak jotearen sekretu guztiak argituko ditu astegoienean Areatzan
2014-02-14 15:12 Kulturea
Musikari eta jantza maisuz osotuta eta euskal jantza tradizionala sustatzen dauen Aiko taldeak Jantza Astegoiena antolatu dau zezeilaren 15ean eta 16an Areatzan. Jantzazaleentzako barnetegi txikiak izenburupean, Dantzaldi Ibiltaria proiektuak eskaintzen dituan ikastaro eta ohiko tailerrak baino jantza espezializatuago bat eskainiko da.
Ernesto Neto artista brasildarraren erakusketea edegi dabe Bilboko Guggenheim museoan
2014-02-14 11:05 Kulturea
Gaurtik aurrera ikusgai dago Ernesto Neto: Naraman gorputza erakusketea Biboko Guggenheim. 1990eko hamarkadatik aurrera sortutako berrogeita hamar lanek osotzen dabe atzera begirakoa. Petra Joos izan komisarioa. Erakusketea maiatzaren 18ra arte egongo da zabalik.
Jean-Baptiste Coyosen 'Zubererazko istorio, alegia eta ipuin irri-egingarri' liburua aurkeztuko dabe zapatuan
2014-02-13 17:18 Kulturea
Liburuak Gure Herria aldizkarian 1924tik 1939ra argitaratu ziran zubererazko istorio, alegia eta ipuin irri-egingarrien bilduma bat eskaintzen dau, eta Euskaltzaindiak argitaratzen dauen Euskaltzainak bildumako 22. zenbakia da.
Xabier Payak 'Ahozko Euskal Literaturaren Antologia' beharra aurkeztu dau
2014-02-13 10:02 Kulturea
Etxepare Euskal Institutuak, Euskal Antologiak Sailean, plazaratu dau ahozko euskal literaturearen ikuspegi panoramikoa eskaintzen dauen Ahozko Euskal Literaturaren Antologia. Zortzi genero izan ditu ardatz Xabier Payak: bertsolaritzea, koplak, genero epiko-lirikoa, herri antzerkia, heziketa generoa, egunerokoak, genero errituala eta genero aplikatuak.
Banarte taldearen 'Guernica 1913' beharrak Espainiako Antzerki Garaikideko Sari Nagusia jaso dau
2014-02-12 10:54 Kulturea
Antzerki Amateurraren Espainiako Konfederazinoak emoten dau Antzerki Garaikideko Sari Nagusia, eta 2013koa Banarteri emon deutso, Guernica 1913 antzezlanagaitik. Datorren astean, zezeilaren 22an, emonaldi bat daukie Soraluzeko Antzokian, 20:00etan.
Kabia Teatrok bere antzerki areto barria zabalduko dau Bilbon
2014-02-03 17:36 Kulturea
Zortzi urtez euskal eszenan lanean ibili ta gero, Kabia Teatro antzerki taldeak bere lokal barria zabalduko dau Bilboko San Francico auzoan, Luis Iruarrizaga, 7an, Bilborock parean. Hitzordua datorren zapatuan, zezeilaren 8an, arratsaldeko 20:00retan izango da.
Bilboko 'Artistak egoitzan' programan izena emoteko epea zabalik dago
2014-02-03 11:21 Kulturea
Martxan da BilbaoEszena Bilboko Baliabide Eszenikoen Zentroaren Artistak egoitzan programearen seigarren edizinoan izena emoteko epea. Ekimena EAEko profesionalei, artistei eta taldeei zuzenduta dago. Martiaren 30a izango da azkenengo eguna.
Herta Müller Nobel sariduna VII. Gutun Zuria, Bilboko Letren Nazinoarteko Jaialdian izango da
2014-01-31 13:51 Kulturea
Bilboko Alondigeak, zazpigarren urtez, Gutun Zuria Bilboko Letren Nazinoarteko Jaialdia antolatuko dau. Aurten martiaren 27tik maiatzaren 6ra izango da. Gutun Zuria, Bilboko Letren Nazinoarteko Jaialdia, literatura eta letren munduko hitzordu garrantzitsua da.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...