Ganorabako komiki lehiaketea ipini dabe martxan Basaurin
2012-01-18 16:29 Kulturea
Basauriko Kultur Etxeak Ganorabako 2012 Komiki Lehiaketearen deialdia egin barri dau. Parte hartu nahi izan ezkero, lanak martiaren 30a baino lehen bialdu behar dira Pozokoetxe kultur etxera. Irabazleak 900 euroko saria jasoko dau; bigarrenak, 450 eurokoa; eta, hirugarrenak, 300ekoa.
Hortzmugak antzezle bakarrarentzat moldatutako ‘Ella, la espera’ estreinauko dau Bilboko Pabilioi 6an
2012-01-17 16:42 Kulturea
Emakumeei protagonismoa eskaintzen deutsen eMe Fatal zikloan tartekatzen dan ikuskizun honek, preso dagoan emakume baten istorioa islatzen dau. Hamabost urte giltzaperatua izan ondoren, kartzelan emongo dauen azken gauari aurre egiteko prest dago. Baina askatasuna berreskuratu aurretik etorkizuna bildurrez eta esperantzaz itxaroten dau.
Titzina Teatrok heriotzearen lau ikuspuntu eskaintzen ditu ‘Exitus’ antzezlanean
2012-01-17 09:45 Kulturea
Komedia eta dramea buztartzen dituan obra honegaz, konpainiak beti landu dauen ezaugarriari eusten deutso, sorkuntzearen antzerkiarena, hain zuzen. Titzina Teatroren lan guztiak ikerketa sakonean oinarritzen dira eta, ondorioz, eszenatokian agertzen diran pertsonaia zein eszenak bata bestearen atzetik agertzen dira era dinamiko, poetiko eta itxura tragikomikoagaz.
Arrokiagako biztanleak 'Joxe Mendiaga' pastorala preparetan hasi barri dira
2012-01-12 14:48 Kulturea
Arrokiaga herria Joxe Mendiaga pastorala preparetan hasi barri dira, agorrilaren 29an eta abuztuaren 5ean herrian bertan aurkezteko asmoz. Arrokiagako Jean Bordaxar kantari ezagunak idatzi dau Argentina, Txile eta Uruguain bizi izandako poetearen bizitzeari buruzko pastorala.
Bilboko Kontsuladuaren bost mendeko historia jaso dabe Ondare aretoan
2012-01-12 10:43 Kulturea
Bilboko Kontsuladuaren 500. urteurrena gogoratzeko erakusketea edegi dau Bizkaiko Foru Aldundiak Ondare aretoan, zezeilaren 28ra arte. Erakundearen historia azaltzeko makina bat agiria, marrazkia, plano eta objektu ipini ditue ikusgai.
Zuhar Iruretagoienak 'Vexations' proiektua aurkeztu dau Bilboko Rekalde aretoan
2012-01-10 14:54 Kulturea
2011ko Rekalde bekearen emoitzea erakutsi dau Zuhar Irutegoienak, Vexations izeneko proiektua, hain zuzen be. CPIE Littoral Basque-Euskal Itsasbazterra alkarteak eta Bilboko Institutu Frantsesaren lankidetzeagaz, artista zarauztarrak Hendaiako Nekatoenea Domaine d´Abbadie egoitzan hiru hile emon ditu lana sortzen. Erakusketea ikusgai izango da Bilboko Rekalde aretoan, zezeilaren 12ra arte.
Jenaro Perez Villaamilen Sevillako katedraleko lan bi ikusgai, Bilboko Arte Eder Museoan
2012-01-10 14:40 Kulturea
Bilboko Arte Eder Museoak Jenaro Perez Villaamilen lan bi aurkeztu ditu, Sevillako katedrala protagonista dabenak biak, Obra konbidadua izeneko programearen barruan. Koadro biak 1835ekoak dira; bata Sevillako katedrala, harmailen aldetik da, eta bestea, Gorpuzti-eguneko prozesinoa, Sevillako katedralaren barruan.
Expodistrito programeak hilaren 9an hasiko dau aurtengo egitaraua
2012-01-05 14:17 Kulturea
Expodistrito Bilboko barrutietako udaltegietako aldi baterako erakusketa zikloak hilaren 9an inaugurauko dau urteko lehenengo hiruhilekoko programea. Martiaren 31ra arte, Barrainkuako, San Inazio-Ibarrekolandako, Otxarkoagako, Begoñako, San Frantziskoko, Castañoseko eta Burtsa-Ibaiondoko udaltegietara hurreratzen danak zazpi erakusketa ikusteko aukerea izango dau.
Eszenako kudeaketea eta produkzinoari buruzko ikastaroa, BilbaoEszenan
2012-01-03 12:11 Kulturea
BilbaoEszena baliabide eszenikoen zentroak ikasturteko bigarren modulurako izena emoteko epea edegi barri dau. Ikastaroa eszenako kudeaketeari eta produkzinoari buruzkoa izango da. Prestakuntza tailerra urtarrilaren 16tik martiaren 19ra egingo da, BilbaoEszenan bertan.
Dantzan.com gunea itxi egin dabe, finantzabide arazoak dirala eta
2012-01-02 12:49 Kulturea
Dantzan.com gunea itxi egin dabe, diru-laguntzen beherakadea eta bestelako diru-iturrien urritzearen ondorioz, webgunean bertan azaldu dabenez. Ezin dogu orain hamar urte abiatu genduan gunea ekonomikoki mantentzen jarraitu, dinoe. Abenduaren 31n bulegoa itxi arren, barriro be martxan ipinten ahaleginduko dirala adierazo dabe.
Iñigo Aranbarriren 'Zulo bat uretan' gaztelaniaz kaleratu dabe
2011-12-29 14:00 Kulturea
Iñigo Aranbarriren Zulo bat uretan nobelea gaztelaniaz kaleratu barri dau Meettok argitaletxeak, Cavando el agua izenburupean. Itzulpena egileak berak egin dau. Laster alemaneraz izango da; Gabriele Schwab da itzultzailea, eta euskerazko bersinotik dabil itzultzen.
Raquel Rochas artistearen olio-pintura eta grabatuen erakusketea eta ongintzazko salmentea Bilbon
2011-12-29 12:46 Kulturea
Bilboko Barrainkuako Udaltegiak Raquel Rochas margolariaren lanen aukeraketa baten erakusketea eta ongintzazko salmentea jasoko dau urtarrilaren 2tik 20ra bitartean. Erakusketea Mugarik Gabeko Medikuak erakundeak Somaliarako dirua batzeko bultzatu dauen alkartasunezko proiektu baten barruan sartzen da.
'Ari du', jantza eta poesia, euri-tanten erritmoan
2011-12-26 11:16 Kulturea
Oinkari jantza taldeak Ari du izeneko ikuskizuna estreinau dau oraintsu, Edu Muruamendiaraz jantzari eta koreografoaren zuzendaritzapean. Zarautzeko Aritzbatalde kiroldegian eskainitako emonaldia DVDan jaso eben, eta Baga Biga diskoetxeak plazaratu barri dau. Musikea Loatzo Musika Eskolako kideek egin dabe, Garazi Esnaola buru dabela, eta poesia-irakurketea Juan Kruz Igerabideren ardurea izan da.
Ionesco eta Mansfielden liburuak berrargitaratu ditue 'Urrezko Biblioteka' bilduma barrian
2011-12-23 11:25 Kulturea
Literatura Unibertsala bildumako lehenengo 100 izenburuak daborduko eskuraezinak dirala ikusita, lanok berrargitaratzeko plangintzea adostu eben igaz EIZIEk eta Eusko Jaurlaritzako Kultura Sailak. Hasteko, ehun liburuetatik 20 izenburu aukeratu ditue. Urrezko Bibliotekako lehenengo liburuak Ionescoren Emakume abeslari burusoila eta Katherine Mansfielden Lorategiko festa dira.
Susana Egea eta Cristina Ferradas, Arte Eszenikoen Ikerkuntzarako Artez Blai IV. Sariaren irabazleak
2011-12-23 10:14 Kulturea
Susana Egearen katalauniarrak La interpretación actoral en la escena operística. Análisis en torno a una especificidad eta Cristina Ferradás galiziarrak idatzitako La construcción del espectador en el teatro breve de José Sanchis Sinisterra izan dira Arte Eszenikoen Ikerkuntzarako Artez Blai IV. Nazinoarteko Sariaren irabazleak.
Anselmo Guinea, Goya eta Botero, 2012an Arte Ederren Museoan
2011-12-22 14:30 Kulturea
2011ko behin behineko balantzea be egin dau Javier Viar zuzendariak, balorazino positiboa duda barik: Orain arte, 244.000 bisitari euki ditue, aurrikusitakoa baino gehiago. Antonio Lopezen erakusketea arrakasta handiz etorri da Bilbora eta Arte Ederren Museoko erakusketarik jentetsuena izanteko bidean da, orain arte 128.000 bisitari erakarri ditu eta.
Regina José Galindoren lanak ikusgai izango dira Artium museoan
2011-12-21 14:51 Kulturea
Gasteizeko Artium museoko patronatuak osoko bilkurea egin dau, 2012ko aurrekontuak onartu eta hurrengo erakusketak zehazteko. Hartutako ebatziaren arabera, Artiumen diru-sarrerea % 10,5 txikituko da; lau miloe eta erdi inguru jasoko ditu, hain zuzen be. Programazinoari jagokonez, Pablo Picassoren Guernica-ren sortze-prozesuari buruzko erakusketea nabarmendu dabe museoko arduradunek.
Vargas Llosa Nobel saridunaren 'Pantaleon eta bisitariak' euskeratu dau Santi Leonek
2011-12-21 13:34 Kulturea
Mario Vargas Llosa 2010eko Nobel saridunaren Pantaleon eta bisitariak liburua argitaratu dau Elkar etxeak, Santi Leoneren itzulpenagaz. AED alkarteak eta argitaletxeak antolatutako Jokin Zaitegi itzulpen sariketearen emoitzea da itzulpena. Idazle peruarraren liburu ezagunenetakoa da, fikzinozko bere seigarren lana.
Caixa eta Macba museoaren bildumeak hasiko dau Bilboko Guggenheimen 2012ko egitaraua
2011-12-21 11:09 Kulturea
Bilboko Guggenheim museoko fundazinoaren patronatuak 2012ko aurrekontua eta arte-egitaraua onartu barri ditu. Datorren urtean, Caixa Fundazinoaren eta Bartzelonako MACBAren bildumea, David Hockney, Cristina García Rodero, Egon Schiele eta Claes Oldenburgen lanak izango dira ikusgai, besteak beste.
'Piztien artean ibiltzen' erakusketea ikusgai dago Bilboko Arkeologi Museoan
2011-12-19 17:25 Kulturea_(3)_web_profile_sidebar.jpg)
_(3)_web_profile_sidebar.jpg)
Piztien artean ibiltzen erakusketea inaugurau dau Bizkaiko Foru Aldundiko Kulturako zuzendari nagusi Gonzalo Olabarriak, Bilboko Arkeologi Museoan. Erakusketea apirilaren 29ra arte egongo da ikusgai. Milaka urtean gizakiekaz batera bizi izan ziran espezien hazurrak batu ditue, dan-danak Euskal Herriko aztarnategietan topautakoak.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...