'Gure garaiko artea' erakusketea atondu dabe Bilboko Guggenheim museoan
2014-09-22 18:14 Kulturea
Solomon R. Guggenheim Fundazinoa eta Guggenheim Bilbao Museoaren arteko hogei urteko lankidetzea ospatzeko asmoz, antolatu dabe Gure garaiko artea. Guggenheim Bildumen maisulanak erakusketea. Museoaren funts artistikoen bilakaerea ikusi daiteke, museoa sortu zanetik gaur egunera arte. Edegiera bi izango ditu erakusketeak, zati bitan, bata irailaren 23an, eta bestea, urriaren 23an.
Jantza tradizionala unibersidadera helduko da, Aiko taldeari esker
2014-09-22 15:19 Kulturea
Dantzaldi Ibiltariaren egitaraua bueltan da ikasturte honetan. Durangon ez eze, Bilbon eta Ondarroan be hileroko erromeriak antolatzen hasiko dira. Ganera, Euskal Herriko Unibersidadeko Irakasle Eskoleak akordioa egin dau Aikogaz eta, holan, gradu horretako ikasleek jantzeari buruzko mintegi baten parte hartzeko aukerea izango dabe, maisu-maistra bihurtzeko prozesuan lagungarri izango jakelakoan.
'Linguae Vasconum Primitiae' (2014) danon eskura
2014-09-22 10:51 Kulturea
Bernard Etxepareren Linguae Vasconum Primitiae (1545) euskeraz inprimidu zan lehen liburua da. Euskaltzaindiak salgai jarri dauen edizinoak, jatorrizko testuaren faksimilea eskaintzen dau, baita oraingo ortografiarako egokitutako euskerazko bersinoa be.
Xabier Mendigurenek 'Arantzak barrurantz' ipuin liburua kaleratu dau
2014-09-18 12:53 Kulturea
Azkenengo urteotan idatzitako bost kontakizun jaso ditu Xabier Mendiguren idazle eta editoreak Arantzak barrurantz (Elkar) liburuan. Nora ezean dabilzan personaiak sortu ditu, arantza zaharren bat atera behar dabenak edo barruan daukiezan bakotasunak zelan izentau ez dakienak.
Ahotseneako programazinoa egun bakarrean bete da
2014-09-16 18:37 Kulturea
Ahotseneako programazinoa izena emoteko epea zabaldu dan egun berean bete da. Nabarmentzekoa da, zuzenekoen kasua; ordubete eta erdian osotuta geratu zalako. Ondorioz, 15 talde baino gehiago zuzenean joteko aukera barik gelditu ziran. Era berean, hainbat idazle ere literaturzaleakazko barriketaldietarako leku barik gelditu dira.
'Jazkerak Bizkaiko jantzetan' erakusketea ikusgai, Basauriko Pozokotxe kultur etxean
2014-09-15 18:38 Kulturea
Euskal Herriko XLII. Jantza Agerketea dala eta, Jazkerak Bizkaiko jantzetan erakusketea edegi dabe Basauriko Pozokoetxe kultur etxean. Jantziekaz batera, erropa bakotxa ze jantzatan eta noiz erabilten dan azaltzen da. Bizkaiko Jantzarien Biltzarra federazinoak da antolatzailea. Urriaren 10era arte egongo da zabalik.
Unai Villenak 'Hauts haietatik' nobelea argitaratuko dau, Igartza Sariari esker
2014-09-15 14:19 Kulturea
Elkar argitaletxeak, Beasaingo Udalak eta CAF enpreseak antolatzen dituen Igartza Sarien 17. edizinoko irabazlea Unai Villena elgoibartarra da. Uxue Alberdik, Igor Estankonak eta Danele Sarriugartek osotutako epaimahaiak Hauts haietatik proiektua aukeratu dau, hogeita bi lanen artean.
Durangoko Azokako guneetarako aurkezpen-proposamenak online jasoko dira
2014-09-15 11:04 Kulturea
Durangoko Azokako guneetan, Areto Nagusian, Ahotsenean, Kabi@n, Irudienean, Saguganbaran eta Szenatokian aurkezpen-proposamenak egiteko epea zabalduko da lehenengoz, eta online bideratuko dira. Guneez gan, Azoka TBn bideoklip emonaldiak izango dira. Diskoetxeek zein musika taldeek be online egin leikie bideoklipen aurkezpenetarako proposamena.
'Nor gara?' bildumako lau liburu barri argitaratu ditu Elkar etxeak
2014-09-12 15:46 Kulturea
Uxue Alberdi bertsolari eta idazleak eta Julen Tokero ilustratzaileak Pirritx, Porrotx, Marimotots, Pupu eta Loreren istorioak kontetan dituan bildumako lau lan barri kaleratu ditue: Porrotx beldurtuta, Pirritx umore zakurra, Marimotots pozik eta Pupu eta Lore triste.
'Costa Calma – el Festín', unibersidadeko talentu gazteen beste erakusketa bat Batzar Nagusietan
2014-09-11 14:47 Kulturea
UPV/EHUko Arte Ederren Fakultadeko ikasleen lana plazaratzeko, erakunde horren eta Bizkaiko Batzar Nagusien arteko lankidetzearen eskutik, beste erakusketa bat atondu da Matxalen Oñate eta Mikel Ruiz lizentziatuen lanagaz.
Joseba Sarrionandiaren 'Jo no soc d'aquí' lanaren itzulpena aurkeztuko dabe Bartzelonan
2014-09-11 14:22 Kulturea
Joseba Sarrionandiaren Ni ez naiz hemengoa liburuaren itzulpena Jo no soc d'aquí aurkeztuko dabe domekan, irailaren 14ean, Bartzelonan. Maria Colera Intxausti eta Ainara Munt Ojanguren euskeratu dabe testua.
Andrea Acostaren 'Erabilera-gidaliburua' erakusketea ikusgai dago Rekalde aretoan
2014-09-11 12:21 Kulturea
Bilboko Zorrotzaurre eta Deustuko Erriberan ikusitakoak batu ditu Andrea Acosta artista kolonbiarrak urriaren 12ra arte Rekalde aretoan egongo dan Erabilera-gidaliburua erakusketan. Komanditario Berriak taldeak egindako enkarguaren emoitzea da.
Itxaro Bordak 'Zure hatzaren ez galtzeko' liburua aurkeztu dau
2014-09-10 15:00 Kulturea
Poesia liburua argitaratu barri dau Itxaro Borda idazle baionarrak Elkar etxeagaz, Zure hatzaren ez galtzeko. Hiru ardatz nagusi ditu lan barriak: barrurako bidaia, nazinoartekoa eta ekonomikoa.
Alberto Albor, Iranzu Antona eta Kepa Garrazaren beharrak erakutsiko ditu aurten 'Bosteko' erakusketeak
2014-09-09 15:51 Kulturea
Kultur Leioa aretoan hasiko dau ibilbidea Bosteko erakusketeak, eta ostean, Basauri, Zornotza, Arrigoriaga eta Getxora joango da. Ana Lopez Asensio izan da erakusketearen komisarioa eta koordinatzailea. Hilaren 28ra arte egongo da ikusgai Leioan.
'Indarkeria isila' erakusketea Artiumen, irailaren 12tik aurrera
2014-09-08 18:19 Kulturea
Artium museoak eta Belgradeko Arte Garaikideko museoak alkarregaz sortutako erakusketea da Indarkeria isila. Egunero, etxean eta lanean, egunez egun, egiten eta adierazoten dan indarkeria mueta hori aztertu dabe proiektu honetan. Zoran Eric, Blanca de la Torre eta Seamus Kealy dira komisarioak.
'Goazen gudari danok…' erakusketea Elgoibarren ikusgai
2014-09-04 10:42 Kulturea
Goazen gudari danok… Askatasun bidean Zirardamendi-Aiastia (San Migel) Elgoibar, 1936 En defensa de la libertad erakusketea irailaren 5etik 21era ikusi ahal izango da Elgoibarren, eta ondoren Erandion, Leioan, Mungian, Santurtzin eta Bilbon be egongo da.
Bilboko Udalak 1980 aurreko argazkiak jasoko ditu irailean Abusu auzoaren historia errepasauko dauen erakusketarako
2014-09-03 11:32 Kulturea
Bilbao Izan programeak Bilbo eta Arrigorriagaren artean kokatuta eta banatuta dagoan auzo honen historia zabaldu nahi dau, udal funtsetatik nahiz partikularren bildumetatik aukeratutako irudien bitartez. Dokumentazino horren bidez, auzoak 83ko uriolen aurretik eukan itxurea gogoratu ahal izango da, baita antxinako herriko jaiak, tranbia zaharra eta bertako saltokiak be, besteak beste.
Durangoko 49. Azokan parte hartzeko epea irailaren 30ean zarratuko da
2014-09-02 10:58 Kulturea
Abenduaren 5etik 8ra egingo dan Durangoko 49. Azokan parte hartu nahi daben argitaletxe, diskoetxe, produkzino-etxe, alkarte, erakunde eta banatzaileek irailaren 30era arteko epea dabe izena emoteko. Horretarako, aurreko urteetan lez, sareko izen-emotea irailaren 1etik aurrera egin daiteke www.durangokoazoka.com webgunean.
Bilboko Udaltegiek Expodistrito barruko erakusketa ibiltariak jasoko ditue irailean
2014-08-29 11:32 Kulturea
Abando-Barrainkuako, San Inazio-Ibarrekolandako, Otxarkoagako, Begoñako, San Frantziskoko, Castañoseko, Burtsako eta Errekaldeko udaltegietara hurreratzen diran bilbotarrek bederatzi erakusketa ibiltariz gozau ahal izango dabe urtarrilaren erdialdera arte: bost, pintura erakusketak izango dira, bi argazki erakusketak, beste bat komikian oinarritutakoa eta marketeriari buruzko beste bat.
Kaliforniako San Diegoko Unibersidadeko ikasleen artelanak hartuko ditu Bizkaia Aretoak
2014-08-28 15:30 Kulturea
Ekimena UPV/EHUko Arte Ederren Fakultadearen eta San Diegoko unibersidadearen arteko alkarlanaren ondorioa da, eta AEBko ikastegiko 12 ikasleren artelanak ekarriko ditu Bilbora, horreen artean Aitor Lajarinenak, UPV/EHUko ikaslea izan zanarenak.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...