Bizkaia etxez etxe ezagutzeko aukerea eskainiko dabe aurten Ondarearen Europako Jardunaldiek
2014-09-26 14:45 kulturbiz
Bizkaiko Foru Aldundiak, lurraldeko 66 udal eta 48 museo eta kultur erakunderen laguntzinoagaz, Ondarearen Europako Jardunaldien hamalaugarren edizinoa atondu dau. Bizkaia. Etxez etxe lemapean, makina bat bisita gidatu, kontzertu, berbaldi eta erakusketa izango dira urrian. Jarduera guztiak debalde dira, ganera.
Parrapean I. Komiki Lehiaketea Bilbon, 14 eta 17 urte bitarteko gazteei zuzenduta
2014-09-25 12:48 kulturbiz
Euskerazko Parrapean I. Komiki Lehiaketea antolatu dau Bilboko Udaleko Kultura eta Hezkuntza Sailak, 14 eta 17 urte bitarteko gazteei zuzenduta. Begoñako liburutegian jatorrizko eta argitaratu bako lanak aurkezteko epea urriaren 15etik zemendiaren 15era izango da, antolatzaileek jakinarazo dabenez.
Hamar ikastaro eskainiko ditu UEUk udagoienean Eibarren
2014-09-24 18:42 kulturbiz
Udako Euskal Unibersidadeak on line eskaintzeari garrantzi berezia emongo deutso urritik abendura bitartean antolatu dituen hamar ikastaroetan. Besteak beste, Euskal Herriko oroimen historikoa, ahots-teknikak eta oinarrizko estadistikea R software librearen bidez gaiak jorratuko ditue ikastaroetan. Izena emoteko epea zabalik dago.
Euskaltzaindiak 'Antoine d'Abbadie, Abbadiaz' liburua webgunean ipini barri dau
2014-09-24 11:54 kulturbiz
Antoine D'Abbadie, Abbadiaz lana irakurgai dago daborduko Euskaltzaindiaren webgunean. Liburua Euskaltzainak bildumearen 19. zenbakia da eta Euskararen Erakunde Publikoaren laguntzinoagaz argitaratu zan. Egilea Jean-Louis Davant euskaltzain emeritua da.
Plateruena Kafe Antzokiak '... eta urte askotarako!' kanpainea ipini dau martxan
2014-09-23 14:38 kulturbiz
Hamar urte beteten ditu Plateruenak udagoienean. Garagarrilean amaitu eben gogoeta prozesuak ekimena indartu egin dau, baina kultur proiektua ziurtatuta dagoan arren, 250.000 euroko zorra ordaindu behar da aurten. Horretarako, ... eta urte askotarako! kanpainea ipini dabe martxan, herritarrek diru-ekarpenak egiteko.
Azkue Fundazinoak ikasleentzako komiki digitalen lehiaketako sariak banatuko ditu zapatuan Bilbon
2014-09-19 15:55 kulturbiz
Lehiaketearen bigarren edizinoa 2013ko urtarriletik aurtengo bagilera bitartean egin da, eta eskaini diran 180 tailerretan 160 ikastetxetako ikasleek hartu dabe parte. Danetara 1.440 lan aurkeztu dira, 2.900 ikasle inguruk egindakoak.
'Gabrielen Lekua' ikuskizunaren azken emonaldia irailaren 24an izango da, Bilboko Kafe Antzokian
2014-09-19 11:21 kulturbiz
Igazko urrian aurkeztu zanetik 40 aldiz taularatu da Gabrielen Lekua ikuskizuna. Gabriel Arestiren persona eta bere lana eguneratzea izan da helburua eta sortzaileek bete dabelakoan dagoz. Ikus-entzuleen bihotz-begietan jakinmina sorrarazotea lortu dogula uste dugu. Belaunaldi batzuentzat gogora ekartea izan da; beste batzuentzat, deskubrimendua, azaldu dabe.
'Tunelak, izarak, mozorroak eta bafleak' liburua aurkeztu dau Josu Martinez bilbotarrak
2014-09-16 11:42 kulturbiz
Hamar igesaldi ahalegin batu ditu Josu Martinezek Tene Mujika bekearen laguntzinoagaz kaleratu barri dauen Tunelak, izarak, mozorroak eta bafleak beharrean. Istorio ezagunak dagoz tartean, berbarako, Segoviako igesaldia. Elkar etxeak argitaratu dau, Lekukoak izeneko bilduman.
'Goazen gudari danok…' liburua aurkeztu dabe
2014-09-16 11:26 kulturbiz
San Migeleko burrukea gai hartuta, Patxi Juaristi soziologoa, Aitor Esteban, Francisco Etxeberria auzitegi-medikua eta Josu Chueca eta Iñaki Goiogana historialariak dira dibulgazino historikoko liburua idatzi dabenak. Liburuak, Alfredo Etxeberria Elgoibarko alkateak idatzitako hitzaurreaz gan, bost kapitulu ditu, egile bakotxak bana eginda.
Bertoko eta kanpoko argazkilarien topaleku izango da Bilbo urrian
2014-09-12 14:08 kulturbiz
Bilboargazki ekimenaren zortzigarren ekitaldiaren barri emon dabe Udalak eta Euskal Herriko Argazkilari Taldeen alkarteak. Oraingo honetan, bertoko zein atzerriko argazkilarien zortzi erakusketa, tailerrak eta berbaldiak programau ditue. Ganera, igazko arrakastea ikusita, umeentzako argazkilaritza lantegia barriro egitea erabagi dabe. Erakusketak Bilboko hainbat lekutan egongo dira ikusgai urrian.
Europar Batasuneko Kultur Institutu Nazionalek Etxepare Institutua hareekaz alkarlanean jarduteko konbidau dabe
2014-09-11 12:03 kulturbiz
Etxepare Institutuko zuzendari Aizpea Goenaga Bruselan beteten dagoan lan-misinoa euskal kulturea eta sorkuntzearen industriaren eta euskerea hizkuntzearen kanpo-posizionamenduaren estrategiaren barruan sartzen da, aurretik be Europako erakundeakaz eta Belgikako kultura erakundeakaz egindako lan-ibilbideari eutsiz.
Euskaltzaindiari bere egoitzearen erabilerea lagateko hitzarmenaren sinadura ekitaldia izan da gaur
2014-09-11 11:12 kulturbiz
1991ko apirilaren 26an egindako ekitaldian, Jean Haritschelhar orduko euskaltzainburuak gogora ekarri ebanez, 1985eko garagarrilaren 10ean, Makua jaunak Bizkaiko Foru Aldundiaren izenean eta Aita Villasantek Euskaltzaindiaren izenean sinatu eben hitzarmena modu ofizialean Euskaltzaindiari eskainiz etxe hau egoitza legez.
Gernikako Bakearen Museoak bisitarien igoera itzela izan dau udan
2014-09-10 11:21 kulturbiz
Gernikako Bakearen Museoak bisitarien igoera itzela izan dau udan, % 31ko igoerea izan dauelarik (bagila-abuztua bitartean). Beraz, oso balantze positiboa egin dau museoak 2014 urteari jagokonez, azken 8 hileotan 27.246 bisitari izan ditualako eta Trypadvisorrek eskaintzen dauen kalifikazinotik Bikain atera dauelako bigarren urtez.
Vicente Atxa, Mondragon Unibersidadeko errektore barria
2014-09-09 10:36 kulturbiz
Vicente Atxak 48 urte ditu, elektronikako goi mailako injinerua da eta Erresuma Batuko Staffordshire Universityn, elektronika eta komunikazinoan doktorea. Azken zortzi urte honetan, Mondragon Goi Eskola Politeknikoko zuzendari orokorra izan da eta ondorioz, Mondragon Unibersidadeko Zuzendaritza Batzordeko kide da.
Jorge Stoilov Villosladak egin dau 2014ko Fun & Serious Game Festivaleko kartel ofiziala
2014-09-01 10:36 kulturbiz
Jorge Stoilov Villoslada da 2014ko Fun & Serious Game Festival jaialdiaren Gentlepad kartel ofizialaren egilea. Bideo-jokoen jaialdiren laugarren edizinoa zemendiaren 28tik abenduaren 3ra arte izango da Bizkaiko uriburuan, barriro be bideo-jokorik onenak saritzeko, aisialdiaren eta joko serioen arloetan.
Euskera irakurle taldeetan izena emoteko epea irailaren 10ean amaituko da
2014-08-29 10:42 kulturbiz
Egun batzuk baino ez dira geratzen Bilboko euskera irakurle taldeetan parte hartu ahal izateko eta izena emoteko epea be azken txanpan dago, izan be, irailaren 10ean amaituko da. Izena emoteko erak: Foru Liburutegian bertan (beheko pisuan), telefonoz (946082487) edota posta elektronikoz (foru_liburutegia@bizkaia.net).
Burdinbidearen Euskal Museoak lurrunezko lau tren historiko ipiniko ditu martxan astegoienean
2014-08-14 13:35 kulturbiz
Burdinbidearen Museoko trenek Azpeititik Lasaorako bidea egingo dabe barikutik domekara, goiz eta arrastiz, museoko arduradunek jakinarazo dabenez. Bisitariek Trevor Rowe Euskadin erakusketea ikusteko aukerea be izango dabe.
Argazki eta Dokumentazino Arkeologikoen I. Lehiaketea antolatu dabe
2014-08-08 10:55 kulturbiz
Bilboko Arkeologi Museoak aztarnategi, lan arkeologiko (landa nahiz laborategiko beharrak), arkeologoen edo objektuen argazkiak gai dituan lehiaketea ipini barri dau martxan, Argazki eta Dokumentazino Arkeologikoen I. Lehiaketea. Lanak irailaren 30a baino arinago bialdu behar dira.
Tokioko Atzerriko Ikasketen Unibersidadeak Euskerea eta Euskal Kulturea erakutsiko ditu
2014-07-28 11:33 kulturbiz
Etxepare Euskal Institutua munduko unibersidadeetan dituan Euskera eta Euskal Kulturako Irakurletza Sarea osotzen dabil. Euskal hizkuntzearen eta kulturearen ezagutzea eta ospea nazinoartean sustatzea da ekimenaren helburu nagusia. Halanda ze, Japonen euskal ikasketen irakurletza zabalduko da datorren urtean lehenengoz, Tokioko Atzerriko Ikasketen Unibersidadean.
'Giza Anatomiako Atlasa' ikasliburua argitaratu dau EHUk
2014-07-24 12:34 kulturbiz
Euskal Herriko Unibersidadeak kaleratu barri dau Marban argitaletxearen Máster Atlas de Anatomía lanaren euskerazko itzulpena. Atlasak giza anatomiaren euskerazko terminologia osoa batzen dau. Erreferentziazko lana da bere arloan.
Nabarmenak
Arrazoi betea du Arejitak gauzak alferrik gordetze horrekin.
Ea noiz aplikatzen dion kontua bere buruari, eta ea noiz hasten den...
»» Euskararen Herri Hizkeren Atlasaren VI. ...