Aktualitatea

Štěstí

Film hunkigarria da, maitasun, bildur, deserrotze, fantasia eta zoramenen ganean egiten dauena berba. Kontakizunean apurka-apurka sartzen gaituen bilbeak film bikainen ezaugarrietariko bat dauka: ikus-entzuleak konturatu barik istorioan bete-betean sartzea.

Bilboko Udal Musika Eskoleak ikasturte barriari ekingo deutso gaur 1.300 ikaslegaz

Danetara, 1.300 ikaslek hasiko dabe gaur, irailak 11, 2006-2007 ikasturtea Bilbao-Musikaren menpeko Bilboko Udal Musika Eskolan. Kopuru hau eskolearen aurreko ikasturteko eskaintza baino handiagoa da.

Boga programeari esker, euskerea ikas daiteke Australian

‘Euskara Munduan’ programearen bitartez, Boga sistemea hainbat herrialdetan egoan baina ‘Australia falta jakun’, dino Kinku Zinkunegi HABEko ordezkariak. Orain, Sydneyko eta Townsvilleko euskal etxeetan jarri dabe, ‘daukien azpiegiturea egokia dala ikusi ostean’.

Lanerako 2.000 lagun behar ditu 'Nafarroa Oinez'-ek

Nafarroako ikastolen aldeko 'Nafarroa Oinez', ‘Baietz oraingoan’ lemapean egingo da Beran aurtengo urriaren 15ean. Berako Labiaga Ikastolako arduradunek lanerako 2.000 persona behar dabezala zabaldu barri dabe eta irailaren 22a baino lehen izena emotea eskatu.

Euskadiko Globo Aerostatikoen lehen Txapelketea Gasteizen hilaren 14tik 17ra

Zazpi autonomia erkidegotako eta Frantzia zein Portugaleko 20 gidarik hartuko dabe parte irailaren 14tik 17ra, Gasteizen egingo dan Euskadiko Globo Aerostatikoen lehen Txapelketan.

Bertso-agenda bana jasoko dabe Bizkaiko DBHko ikasleek

Derrigorrezko Bigarren Hezkuntzako (DBH) Bizkaiko ikasleek agenda bana jasoko dabe hasi barri dan 2006/2007 ikasturako, Bizkaiko Foru Aldundiko Kultura Sailaren eskutik. Agenda horreetan, gai nagusia bertsolaritzea izango da.

Osatuz aldizkaria, irratsaioak eta web gunea abian

Osatuz egitasmoaren helburua euskerea ikasten dabizan osasun-arloko langileentzat ikasmaterialak sortzea da. Ikasmaterialok HABEren eta Osakidetzaren ekimenez gauzatuko dira.

Oporraldiaren ostean, lepoan karga itzelagaz barriro eskolara

Balearetako ardaoak: mediterraneo inguruko ezezagunenak

Binissalem eta Pla i Llevant jatorrizko izendapeneko ardaoak, Ibizako ardaoak, mahai ardaoak eta inguruetan, Formenteran esaterako, ardaogintzan sortzen ari diran ekimen barriek nabarmentzen dabe Balearetako ardaogintzea hazten ari dala.

Digestino arazoak eta jateko ohiturak

Udea ia pasau da, oporrak amaitu dira eta eguneroko zereginei aurre egin behar deutsegu. Jesarrita eta trankil bazkaltzeko sasoi onak amaitu dira. Lanak eta estresak ezarritako erritmoak zuzen-zuzenean eragingo deutso gure digestino-aparatuari.

Breakfast on Pluto

Breakfast on Pluto noraezean dabilen filma da. Istorioan nortasun sexualaren eta Irlandako indarkeriaren inguruko gai interesgarriak jorratuagaitik be, pelikulea sinisgatx agiri da, indarge.

IX. Igartza Saria irabazi dau Jon Martinek

Jon Martin Etxebeste bertsolari eta kazetari oiartzuarra izan da aurtengo Igartza Sariaren irabazlea, ‘Bakardadeak’ izeneko proiektuagaz. Elkar, CAF eta Beasaingo Udalaren artean antolaturiko beka honi esker urtebete izango dau orain ipuin-bildumea osotzeko, eta 2008ko hasieran ikusiko dau argia bere lanak.

Euskarabidearen aurkezpena Belfasten

Euskarabidea egitasmoa Belfasten aurkeztu dau Paul Bilbaok, euskalgintzearen ekimen honen sinatzaileetako batek. Izan be, Belfasteko Euskal Batzordeak eta ‘An Chultúrlann McAdam Ó Flaich’ erakundeak euskereariburuz antolatutako berbaldira konbidau dabe Hizkuntza Eskubideen Behatokiko zuzendaria.

Biogetxo azokan ingurumena zaintzen daben produktuak erosgai

Irailaren 9an, Getxoko Algortako San Nikolas plazan Ekolur-Bizkaiko Nekazaritza Ekologikoaren Elkarteak antolatutako Nekazaritza Ekologikoaren eta Energia Barriztagarrien I. Erakusketea, 'Biogetxo' dalakoa egingo da. Danetara, 60 stand baino gehiago izango dira bertan.

XX. Habanera eta Itsas-abesti jaialdia Getxon

XX. Habanera eta Itsas-abesti jaialdia irailaren 7, 8 eta 9an izango da Areetako Geltokiko plazako karpapean, eguraldiak laguntzen ez badau arazorik izan ez daiten. Kontzertuak arratsaldeko 20:00etan hasiko dira eta aurreko urteetan legez, ekitaldiak dobakoak izango dira.

'Aita Guria' baleontzia ikusgai Bermeon

Irailaren 7an zabaldu ditu ateak Bermeoko 'Aita guria' Bale Arrantzaren interpretazino zentroak. XVII.mendeko euskal baleontzi baten erreprodukzino bat da eta garai haretako arrantzaleen bizimodua erakutsiko deutse bisitariei

Arrateko Amaren dantzen bigarren ekinaldia

Kezka dantza taldeak prest dauka dana gaur, irailaren 8an, Arraten eskaniko dauen emonaldirako. Igaz abiatutako tradizinoa sustraitu eta dantzen errepertorioa osotzen jarraitzeko asmoa dauka aurten Kezka dantza taldeak.

‘Euskal Herritar Unibersala 2007’ saria Auñamendi argitaletxeak jasoko dau

‘Euskadiren izen ona munduan zehar zabaltzeagaitik’ emongo deutse saria, Iñaki Agirre Eusko Jaurlaritzako Atzerri Gaietako idazkariak jakitera emon dauen legez.