Aktualitatea

EHU bere hezkuntza-eskaintza aurkezten hasi da

Euskal Herriko Unibersidadeak bere hezkuntza-eskaintza aurkezteko informazino-saioak eskainiko ditu zemendian eta abenduan zehar, Euskal Autonomia Erkidegoko hainbat eskualdetan, eta Araban hasiko dau bere ibilbidea, gaur, zemendiak 17, Gasteizen.

Resurreccion Maria Azkue Literatur sarien edizino barria honezkero martxan dago

Euskaltzaindiak eta Bilbao Bizkaia Kutxak Narrazioak eta olerkiak 2007 izeneko liburua kaleratu dabe, igazko Azkue sarietan irabazle izandako narrazinoak eta olerkiak batzen dituan lana. Eta, bide batez, aurtengo sariketarako deialdia egin dabe.

Amets Arzallusentzat Iparraldeko txapela

Ipar Euskal Herriko lehenengo Bertsulari Xapelketaren finala Donibane-Lohizuneko Jai-Alai frontoian jokatu da astegoienean 1500 bat bertsozaleren aurrean.

Jabier Muguruza saritu dabe Vila-Secako Musika Azokan

Saria nori emon Kataluniako Musikaren Etxeetako arduradunek erabagi dabe, eta Jabier Muguruzak aukerea izango dau, horri esker, kontzertu bana emoteko momentuz aitatu sarea osotzen daben bost etxeetan, hau da, Terrassa, Mataro, Salt, L'Hospitalet eta Manresa urietan.

'Gau ilunekoak', Joseba Sarrionaindiaren lan barria plazan

Fikzinozko lana da 'Gau ilunekoak'. Ipuin bat, berbearen zentzu guztietan. Narrazino fantastiko moduan irakur daiteke, besterik barik; umeentzako kontakizun entretenigarri eta jostalaria be izan daiteke, holan hartu gura izan ezkero; alegoria filosofikotzat be har leiteke, interpretazino asko izan leikezana, hainbat alorretara zabalik: erlijiosoa, politikoa...

The women

Azken batean, honako hau hutsik dagoen produktu industrial bat besterik ez da, etekin ederrak emon zituan Sex and the city-ren ildokoa, baina ha baizen hutsal eta azalekoa.

Filmaketarako plato erraldoia izango da Bilbo astegoien honetan

Bizkaiko uriburuak 'Zinebi Express' film laburren lehiaketea hartuko dau Zinebiren 50 urteurrenaren ospatzeko jardueren barruan. Antolatzaileak Bilboko zine eskolak izango dira: Kinema Escuela de Cine, Imval, Iefps Ategorri-Tartanga, Artebi eta Claro de Luna.

Atarrabiako Paz de Ziganda ikastolako blog batek lortu dau Teknoskopioa 2008 gazteentzako ideia-lehiaketako sari-nagusia

'Berdundis superheroia' izeneko blogagaz lortu dau lehenengo saria Anais Sanchezek egindako blogak eta horri esker, bideokamera bat jaso dau sari moduan. Bigarren sariduna Donostiako La Anunciata ikastetxeko Ivan Matellanes izan da, 'Earthman' izeneko blogagaz. Hirugarren saria, Bilboko Luis Briñas ikastetxeko hiru ikaslek egin daben 'Forestwoman' blogak lortu dau.

Bilbok kultura hazkunderako eragile legez daukan zeregina aztertuko dabe Frantzian

Bilboko Udala Avignongo Foroan izango da datorren astelehenean, zemendiaren 17an. Europako Batasunaren presidentetza frantsesak bultzatutako ekimena Frantziako uri horretako Aita Santuen Jauregian egingo da, EBko politika, ekonomia, kultura eta komunikabideen arloetako 300 lagun ingururen partaidetzeagaz.

www.euskaletxeak.net webguneak mundu osoko euskal herritarrak hartu-emonetan jarriko ditu

www.euskaletxeak.net gune globala izango da, parte-hartzailea eta estaduen mugaz gaindikoa. Munduko mutur batean bizi dan euskaldun batek beste muturrean bizi diranen barri izateko aukerea izango dau, bere barri emoteko eta baita hartu-emonak bideratzeko be.

Euskaltzaindiak zemendiaren 21ean egingo ditu Bilbon XIII. Jagon Jardunaldiak

Euskaltzaindiaren XIII. Jagon Jardunaldiak edegiak izango dira eta entzule moduan nahi duena joan daiteke. Izena emoteko epea zemendiaren 20an amaituko da, eta aurretiaz izena emon behar da ondoko helbide elektronikoan: info@euskaltzaindia.net.

Hamaika Telebista Bilbo urtarrilean hasiko da emitiduten

Hamaika Telebista Bilbok urtarrilean emitiduten hasteko asmoa dauka, eguneko 2 orduko programazino propioagaz. Edukiok bertoko informazinoa eta entretenimendua izango dabe oinarri.

SlotMusic: musika-formatu barria?

Negar eta negar. Horrelaxe dagoz diskoetxe guztiak. Ez dabela CDrik saltzen, Internetek eta pirateoak kalde handia eragiten deutsiela.... Negarra dariela. Beharbada oraindino ez dira konturatu Interneten sasoian bizi garala. Hainbeste malkoren ondoren, diskoetxe nagusiak SanDisk enpreseagaz batu dira SlotMusik izeneko musika-txartela sortzeko.

Dana dago geldi. Etxebizitza erosteko momentu onena ei da baina bankuetan dirurik mobiduten ez bada...

Euskara 21 ekimena 'fase erabagiorrean' sartu da eta Batzorde Iraunkorrak behin betiko agiria idazteari ekingo deutso

Gaurtik aurrera, kideek gaitegiari emondako erantzunak eskuragarri izango dira Euskara 21 webgunean (http://blog.euskara21.euskadi.net). Horrezaz gan, liburu formatuan be argitaratuko dira epe laburrean.

Juan Mari Lekuonaren ganeko pasarteak batzen dituan liburua aurkeztuko dabe barikuan

Zemendiaren 14an, barikua, 'Juan Mari Lekuona hurbiletik (1927-2005)' liburua aurkeztuko dabe Donostian, Koldo Mitxelena kulturunean. Liburua Oiartzuneko Udalak eta Euskaltzaindiak argitaratu dabe, Juan Mari Lekuona zanaren omenez.