Aktualitatea

Eremu Urriko Hizkuntzen Europako Gutunaz gogoetea egiteko jardunaldiak Bilbon

Europako Kontseiluak Eskualdeetako edo Eremu Urriko Hizkuntzen Europako Gutunaren inguruko jardunaldiak antolatu ditu Bilboko Guggenheim Museoan apirilaren 20 eta 21erako, 'Lorpenak eta desafioak' izenburupean, aurten hamar urte beteten dituan gutun europarraren inguruan hausnarketea egiteko asmoz.

Jateko azkarra, ona ala txarra?

Döner kebab jateko azkarra nutrizino-balio handiko elikadura-aukerea izan daiteke, dieta osasuntsu baterako beharrezkoak diran jateko-taldeak ditualako: laboreak (ogia), okelea eta barazkiak (egosiak edota gordinik, bitaminak mantenduz).

EAEko 60 ikastetxetik gorako ikasleek helduen eta gazteen alfabetizazinoa eskatuko dabe Liburuaren Egunean

'Liburu bat zabalduz, mundua eskura' goiburupean, mundu osoko persona helduen eta gazteen alfabetizazinoa aldarrikatzen da aurten, alfabetizazinoak pobreziaren aurka eta heziketarako eskubidea lortzeko bidean dauen zeregin garrantzitsuagaitik.

1.500 neska-mutil baino gehiagok parte hartu dabe Bilbao Dendak alkarteko udabarriko kanpainako marrazki lehiaketan

Ilusinoa biztea da ekimenaren helburu nagusia, batez be uriari eta uriko merkataritzeari bizitza emoten deutsen personen artean, eta horretarako, errealidadeaz zer pentsau eta zer ikusi asko emon ohi daben ume eta gaztetxoen ikuspuntua erabili da.

Egungo euskal poesiaren egoerea liburu batean laburbildurik

Jon Kortazar Euskal Herriko Unibersidadeko literatura katedradunak zuzendutako talde batek 1978tik 2001era bitarteko poesia lan esanguratsuenak batu eta eurei buruzko irakurketea egin dau. Helburua, generoaren historiaren barri emotea da.

XI. Manga eta Anime jardunaldiak Barakaldon

Apirilaren 14tik 18ra, Asiako filmak, japoniako animazino serieak eta ekialde urruneko komikiak bizkaiko uria hartuko dabe Motsukora Alkarteak antolatuta. Ekitaldiak Barakaldoko Clara Campoamor Kutur Etxean izango dira.

Luar Na Lubre taldeak 'Ao vivo' diskoa aurkeztuko dau zuzenean Donostian

Luar Na Lubreren azken grabazinoa 'Ao vivo' zuzeneko CD eta DVDa da. 'Camiños da fin da terra' birearen barruan, A Coruñako kontzertuan eskainitako 15 kantu batzen ditu lanak: taldearen klasiko guztiak eta errepertoriotik berreskuratutako bost abesti oso berezi edo bacstage-ko irudi argitarabakoak.

Euskal Herrian bizi diran euskal-venezuelarrek urteroko XIV. Topaketea egingo dabe 18an Galdakaon

Topaketea lagunen arteko ospakizuna izaten da eta bertan Caracaseko eta Valentziako euskal etxeen inguruan bizi izan diran lagunek alkarren barri izateko aukerea izango dabe. Hitzordu honek ia 200 lagun batzen ditu urtero.

Epaileak Athleticen kontra?

Bernardo Atxagak New Yorkeko PEN World Voices jaialdian parte hartuko dau apirilaren 27tik maiatzaren 3ra

New Yorkeko Nazinoarteko Literatur Jaialdia aurten 'Eboluzinoa/ Erreboluzinoa' lemapean egingo da eta urtero legez hitzordu honek mundu osoko egile ezagunak batzen ditu (aurten Paul Auster, Antonio Tabucchi eta Walter Mosley, besteak beste) eta AEBetako PEN Club idazle alkarteak antolatzen dau.

Begihandi entsaladea, kipula konpota eta zitrikoen ozpin-orioa

Urte osoan zehar jateko aproposak diran arren, urteko sasoi honetan hasi eta uda osoan jaten doguz gustorago entsalada freskagarriak. Hona hemen behin probau ezkero, baztertuko ez dozuen errezeta bat.

Aurten lehenengoz EHGAMek 'Madelon Sariak' Literatura Lehiaketea antolatu dau

Literatura Lehiaketeari Xanti Altxu 'Madelon', EHGAM-Gipuzkoako fundatzaile izandakoaren izena emon deutsie, bera izan zalako Euskal Herrian gay, lesbiana, transexual eta beste adierazpen sexual batzuen (GLT+) mobimentuaren gizarteratzaileetako bat.

Euskerearen ganeko ikastaroak emoten jarraituko da Argentinako unibersidade batean eta Txileko lautan

Euskerearen eta euskal kulturearen eskola horreek Amerika eta Europako 13 estadutako 25 unibersidadetan Eusko Jaurlaritzearen Kultura Sailak bultzaturik eskaintzen diran modukoak dira eta, urte honen barruan, Etxepare Euskal Institutuak bere gan hartuko ditu.

Mikel Garcia Idiakez eta Ildefonso Morillas izan dira Gabriel Aresti Ipuinen XXVI. Lehiaketako irabazleak

Gabriel Aresti Lehiaketan edozein nazionalidadeko egileek parte har leikie, eta gai libreko ipuinak, originalak, ezezagunak eta beste lehiaketa batean saritu bakoak izan behar dabe. Lehiaketearen 26. edizino honetan, danetara, gaztelerazko 724 lan eta euskerazko 42 aurkeztu dira.

Edurne Brouard: 'Korrika 16n, dana ez da gozoa izan'

'Dana ez da gozoa izan', esanez, Nafarroako Gobernuak, Iruñeako Udalak, komunikabide batzuek eta Dignidad y Justicia eta España y Libertad taldeek erakutsitako jarrerea salatu dau, AEK-k eta Korrikak egiten daben apologia bakarra euskerearena dala azpimarratuz. 'Ez daukie arrazoirik' esaldiagaz laburbildu dau AEKren ikuspuntua eta jazoera horreek 'Korrikaren anekdotarioan sartuko doguz'.

Eguzkibegi Ikastoleak antolatuko dauen Ibilaldiaren kantea aurkeztu dabe

'Gerizpetik eguzki begire' izenburupean, Arkaitz Estiballesek egindako berbak Biok taldeak girotu ditu. Bertsolaria, orain Bilbon bizi arren, galdakoztarra da eta Eguzkibegi ikastolako ikasle izandakoa, Biok taldeko kideak legez. 'Gure hizkuntzea gerizpean egon zan eta, orain be, laino baltzak dagoz inguruan; halanda be, bada sasoia eguzkirantz begiratzeko, euskal kulturea zabaltzeko eta euskeraz biziteko', esan dau.