'Mundu hobe batean' zinema-aretoetan ikusgai, Zinema Euskaraz programearen eskutik

| Ikusi handiago | Argazki originala

Mundu hobe batean (In a Better World) filma euskeraz estreunako dabe barikuan, hilaren 1ean, Euskal Autonomi Erkidegoko uriburuetan. Eusko Jaurlaritzak bultzatutako Zinema Euskaraz programearen barruan dago euskerazko hau estreinaldia. EAEko hiru uriburuetan egongo da ikusgai; Bilboko Golem Alhondigan, Donostiako Trueban eta Gasteizko Floridan, hain zuzen be.

Zinema Euskaraz ekimenaren sustatzaileek adierazo dabenez, Mundu hobe batean filmak hainbat sari jaso ditu: Atzerriko Film Onenaren Oscar saria eta Urrezko Globoa. Horrezaz gan, 2010eko Sevillako Europar Filmen Zinemaldian epaimahaiak Zuzendari Onenaren saria emon eutson Susanne Bier-i, eta Gidoi Onenarena Bier-i berari eta Anders Thomas Jensen-i.

Filmaren argumentuari jagokonez, Anton medikua da protagonistea. Tarteka, Danimarkako herri txiki baten eta Afrikako errefuxiatu-eremu baten bizi da. Mundu guztiz desbardinak dira. Antonek eta familiak mendekua eta parkamanaren artean aukeratu beharra eukiko dabe.

Zinema Euskaraz programearen helburua herritarrei zinea euskeraz ikusteko aukerea eskaintzea da; zinema euskeraz eskatzen dabenentzako eskaintza nahikoa bermatzeko eta euskera kultura eta gizarte-erabilpeneko hizkuntza lez sustatzeko.