Aktualitatea

Bertsozale Elkarteak 2009ko Txapelketa Nagusiko irudia diseinetako lehiaketea jarri dau martxan

Txapelketako irudi nagusia eta eszenatokian izango dan aplikazinoa eskatzen da. Sari bakarra izango da, 3.000 eurokoa.

Irabazlea hautatzeko orduan kontuan izango da irudi nagusiak txapelketearen gainontzeko komunikazino euskarrietan izango dauen garapena.

Groenlandia urtzen eta independentziarako pausoak emoten...

Getxoarten 57 artista gaztek parte hartuko dabe aurten

Danetara, 57 artista gaztek parte hartuko dabe aurtengo Getxoarten, Euskal Herriko arte plastiko eta bisualen sorkuntza barria bultzatzeko eta sustatzeko asmoa dauen ekimenean. Ekitaldia abenduaren 5etik 8ra izango da Areetako Geltokia plazako karpan.

'Orain ezin naz hil', Xabier Amurizaren 'artelan' barria Interneten

Gaur aurkeztu dau Xabier Amurizak Bilbon 'Orain ezin naz hil' nobelea, liburu bako aurkezpenean. 'Joan ziren' zikloan, bigarren artelana da oraingoa, 'Dinosauroak horizontean' izenburukoaren ostean. Barrikuntza nagusia da liburua Interneten baino ez dagoala irakurgai ondoko helbidean: www.amurizablogxabier.com

Nadia errumaniarraren amesak kontetan dituan antzezlanagaz jatorku aurtengo 'Gabonak' zikloa

Haurrei eta familiei zuzendutako 'Metro bateko ametsak' antzezlana Euskalduna Jauregian izango da ikusgai urtarrilaren 2tik 5era. Danetara zazpi emonaldi izango dira eta 4.200 lagunek gozau ahal izango dabe ikuskizunaz.

Luis Buñuel Institutoaren 'Memoria Viva de la Cultura' proiektua aurkeztu dabe Bilbon

Era guztietako artista espainiarrei egindako alkarrizketak grabau ditue artiston ideia eta euren jarduera artistikoa gidatu daben helburuen nondik norakoak azalduz. Euskadin, Joaquín Trincado eta Ana Murugarren zinemagileek dabe filmazino horreen ardurea gure kultur esparruari jagokonez.

Eusko Ikaskuntzako presidenteak Txileko eta Argentinako unibersidadeak bisitauko ditu

Txile eta Argentinako akademia, erakunde eta gizarte-entidadeek konbidauta, Eusko Ikaskuntzako presidente Javier Retegi Ameriketako hegoaldeko bi herrialde horreetan dago egunotan, Eusko Ikaskuntzatik adierazo dabenez.

Eusko Jaurlaritzeak 10,4 miloe euro inbertiduko ditu 2009an euskal administrazino publikoetako beharginak euskalduntzeko

2009an zehar 100 bat administrazino publiko desbardinetako 4.500 langile inguruk hartuko dabe parte.

Aita Villasanteren obrea sistematizau eta digitalizauko dabe

Jose Luis Bilbao Bizkaiko Ahaldun Nagusiak, Andres Urrutia Euskaltzaindiko lehendakariak eta Joxe Mari Arregi Arantzazuko Frantziskotarren probintzia-ministroak sinatu dabe Aita Villasanteren (1920-2000) obra sistematizau eta digitalizetako lankidetza hitzarmena.

AC/DC taldeak Barakaldon emongo dauen kontzerturako sarrerak eguenean salgai

AC/DC taldeak apirilaren 4an, Barakaldoko BECeko Bizkaia Arenan emongo dauen kontzerturako sarrerak datorren eguenean, zemendiak 27, goizeko 10:00etatik aurrera, El Corte Ingles, Tick Tack Ticket, www.ticktackticket.com, 902 15 00 25 telefonoan, Fnac, Carrefour, Foto Ikatz eta Power Recordesen eskuratu ahal izango dira.

'On egin eskolan!', elikadura egokiaren garrantziaren ganeko jardunaldiak Bilbon

Alhondiga Bilbao zentroak eta Bilboko Udaleko Osasun eta Kontsumo Sailak 'On egin eskolan!' izeneko jardunaldiak antolatu ditue, elikadura egokiaren garrantziaren ganeko ezagutzea indartzeko asmoz. Jardunaldiak zemendiaren 25etik 27ra egingo dira Felix Serrano ikastetxean, 17:30etik 19:30era. Ikastetxeetako sueteetan eta jantokietan lan egiten dabenei zuzenduta dagoz, neska-mutikoek elikadura orekatu eta osasungarria izateak daukan garrantzia kontuan izanda.

Oliba eta hazi orioak, osasuna gure elikaduran

Kaloria gehien dituen elikagaiak badira be, orioa gure dietan egunero hartzea komenidu da baina gehiegikeriarik barik. Onena, sukaldean olibez edo haziez moldaturiko orioak erabiltea da elikabide orekatuagaz eta bihotz-osogarriak agintzen dauenagaz bat egingo dogulako.

Getxoko Jazzaldiko Talde Lehiaketako irabazlearen diskoa argitaratu dabe

Kristian Brink Quartet talde suediarraren diskoa Errabal diskoetxeak argitaratu dau sei kanta batzen ditu, taldeak jaialdian eskaini zituan saio bietan grabautakoak. Diskoa salgai dago denda espezializauetan eta www.hotsak.com webgunean.

Euskaldunok, Europako batez bestekotik gora irakurketa eta kultura kontsumoan

Kulturearen Euskal Behatokiak kultura kontsumoari buruzko lehenengo ikerketea egin dau, zazpi herrialdeak kontuan hartuz. Sexua, hizkuntz gaitasuna eta bizilekua erispidetzat hartuta egin deutse galdeketea hamabost urtetik gorako 6.785 laguni.

Itoizen diskografia bermasterizau dabe

Taldearen diskografia osoa, disko guztiak banaka, gaurkotuta (letrak, itzulpenak, argazkiak...) eta formato berezi batean bermasterizauta eskuragarri izango dira, taldearen izenari eta izanari bizitza luzea emoteko helburuagaz.

Benito Lertxundiren uluak Bilbora etorriko dira

Bartzelonako Auditorioa, Donostiako Kursaal eta Iruñeko Baluarte antzokiak jentez ganezka bete ondoren, Benito Lertxundik barikuan, zemendiak 28, Bilboko Euskalduna Jauregian aurkeztuko dau bere azken lana.

XIII. Jagon jardunaldiak: euskara, kontsumoa eta hizkuntza eskubideak. Ondorioak

Euskaltzaindiari jagoko, besteak beste, hizkuntzea lantzea eta arautzea, euskerea are noranahikoagoa bilakatu eta haren erabilerea indartzen joan daiten. Inguruabar horretan, kontsumo arloan hizkuntza baten erabilera kuantitatiboa eta kualitatiboa da haren bizi-indarraren adierazle erabagigarrienetako bat.

Xabier Amurizak 'Orain ezin naiz hil' bere nobela barria aurkeztuko dau asteon

'Orain ezin naiz hil', 'Joan ziren' zikloko bigarren liburukia da, igazko 'Dinosauroak horizontean' izeneko lehenengoaren ondoren datorrena. Aurkezpenaren nobedadeetariko bat da liburua interneten argitaratzen dauela.