Aktualitatea

Getxoko Jazzaldirako abonua 70 euroan dago salgai

Gaurtik aurrera eros daitekez garagarrilaren 1etik 5era izango dan Getxoko XXXIII. Nazinoarteko Jazzaldirako sarrerak. Garagarrilaren 1eko eta 4ko kontzertuetarako sarrerek 15 euroko prezioa dabe; garagarrilaren 2koak, 12 eurokoa; garagarrilaren 3 eta 5ekoek, 25 eurokoa; eta kontzertu guztietarako abonuak 70 euroko prezioa izango dau.

Ikus-entzunezko 55 proiektu dira EikenBANK programearen bidez modu profesionalean produziduteko hautagaiak

Eikenbankeko bigarren aldi honetan 70 lagunek sinatutako 55 lan jaso dira, eta 2008an 34 proiektu aurkeztu ziran. Parte-hartzaileen % 44 bizkaitarrak dira, % 36 gipuzkoarrak, % 7 arabarrak eta % 13 beste jatorri batekoak. Aurkeztutako 55 proiektuen artetik % 25ek dokumentalak egiteko ideiak proposatzen ditue. Ondoren, proiektuen % 16 film laburrak eta telebista saioak egiteko proposamenak dira, eta, azkenean, telesailak egiteko ideiak % 15.

EHUko ikertzaile batek ondarea aztertzeko metodologia barria proposatu dau

Tesian, Kultur eta natur ondarearen laginen analisia eta analisi horretatik ataratako datuen interpretazinoa egiteko metodologia zientifiko bat landu dau Alfredo Sarmientok. Horretarako, interes artistiko, historiko eta arkeologikoa daben objektu askotan erabil daitekezan hainbat teknika buztartu ditu

Gernikako Bakearen Museoak inmigrazino irregularraren ganeko erakusketea zabalduko dau

'La ruta prometida' izeneko erakusketearen helburua jenteak, batez be gazteak, Afrikako kostaldeko inmigrazino irregularren zergaitiak ulertzea da. Maiatzaren 8tik bagilaren 28ra bitartean egongo da ikusgai.

'El sur de la memoria', Jon Arretxeren 'Oroituz' jatorrizkoaren itzulpena plazan

'El sur de la memoria' bidaia liburua da izatez baina zeozer gehiago be bada. Liburu honetan Jon Arretxek amodioa eta misterioa tartekatzen ditu, ekialdea eta mendebaldea, irakurlea bere sarean atrapau arte.

'Jakinek ez deko kalterik'

Sopelako Nikola AEK euskaltegiak antolatzen dauen Esaera Zaharren XVI. Txapelketea 'Jakinek ez deko kalterik" lemapean egingo da aurten, Igaz hildako Gotzon Garate gogoan izanIK.

Maiatzean zientzia gaiak protagonista Bilboko Bidebarrietan

‘Bidebarrieta zientifikoa’ programearen V. edizinoak Juan María Pitarke fisikaria, Juan Manuel Madariaga kimikaria, Koldo Callado Farmakologiako irakaslea eta eta Ana ramos itsas-biologoa alkartuko ditu maiatzaren 7tik aurrera.

Shackletonek Antartidara egindako espedizinoaren ganeko erakusketea ikusgai Bilboko Itsasadarra Museoan

Bilboko Itsasadarra Itsas Museoak Shackletonek 1914an Antartidara egin eban espedizino ezagunaren ganeko dokumentala eta bisita gidatuak eskainiko ditu gaurtik garagarrilaren 12ra. Ekitaldi biak doban izango dira.

Axun eta Maite, amodioa film bihurtuta

'Axun eta Maite' izenburupean -oraindino behin-behinekoa izan arren-, Jose Mari Goenagak zinemara eroango dauen Jon Garañoren jatorrizko testuan oinarritutako filma aurtengo Donostiako Zinemaldian estreinetea da hasierako amesa baina, lortu ezean, 2010eko udabarrian atarako dabe. Grabazino-lanei datorren astean ekingo deutse, Zizurkilgo baserri batean; gero, Donostian eta Gipuzkoako hainbat herritan egingo ditue girotze-lanak.

20 hiztegi terminologiko barri eskura

Hiztegi guztiak Euskalterm Terminologia Banku Publikoan egongo dira txertatuta eta, beraz, doban kontsultau ahal izango dira. Honenbestez, Euskalterm Terminologia Banku Publikoak 457.066 termino batzen ditu.

Gernika eta Pforzheim arteko bizikleta bidezko ibilaldi batekin ospatuko da bi herrien senidetzearen 20. urteurrena

'Frieden erfahren' izenburupean (Bakea sentidu edo, berba-jokoan, 'bakea lortzeko bidea egin'), Pforzheim herri alemanaren eta Gernika-Lumoren (Bizkaia) arteko ibilaldi bat egingo da bizikletaz abuztuaren 22tik irailaren 5era bitartean, bi udalerrien arteko senidetzea gauzatu eban agiria sinatu zaneko 20. urteurrena ospatzeko asmoz.

Arrigorriagako kaleak prest 14. urtez Clown eta Pailazoen Jaialdira datozen 15 konpainiei ganorazko harrerea egiteko

Amagoia Garaizabal Arrigorriagako Nazinoarteko XIV. Clown eta Pailazoen Jaialdiko arduradunaren esanetan, maiatzaren 7tik 10era bitartean, Arrigorriagara Munduko mutur desbardinetatik datozene parte-hartzaile guztien kalidade gorena da azpimarragarriena.

Portugaleteko IV. Folklore Azokea, maiatzaren 9an eta 10ean

Aurtengo nobedadeen artean, nazinoarteko erakusleak (Frantzia eta Portugal) eta Mendebala jaialdiaren maketen finala nabarmendu ditu Elai Alai Kultur Alkarteko presidente Gaizka Benguriak.

Ardao gorria: 'coupage' nahasketea ala metodo tradizionala?

Europar Batasunak ardao baltz eta zurien nahasketea edo coupage dalakoa onartu egingo dau. Orain arte, praktika hori Jatorrizko Izendapeneko ardaoetan baino ez egoan onartuta, baina beste lurralde batzuetan, Australian edo Txilen berbarako, aspaldian egiten dabe nahasketea.

Txarri koittaduak...

Gatibu nagusi Gaztea Sarietan

Gatibu gernikarrek sari bi irabazi zituen, Kantu onenari: 'Bang-bang txik-txiki bang-bang' eta Disko onenari: 'Laino Guztien Gainetik, Sasi Guztien azpitik' .

'Elhuyar' aldizkariak itxura eta eduki barriak izango ditu maiatzeko zenbakitik aurrera

Ikuspegi barritzaile eta modernoago batetik helduko jakoz irakurleari zientziari eta teknologiari buruzko barriak. Ganera, atal barriak izango ditu aldizkariak, besteak beste, 'Mundu ikusgarria', 'Mundu digitala', 'Istorioak', 'Liburutegia' edo 'Gogoetan'.