Horacio Echevarrieta euskal industrilariari buruzko dokumentala aurkeztuko dabe Malagako Zinemaldian

| Ikusi handiago | Argazki originala

El último magnate Horacio Echevarrieta (1870-1963) euskal industrialariari buruzko dokumentala aurkeztuko dabe hilaren 29an Malagako Zinemaldian. Espioitzea, azpikeria politikoa, isilpeko armak eta munduko urpekontzirik onena dira lanaren osogai nagusiak.

Filma Espainia, Holanda eta Alemaniaren arteko produkzinoa da: Donostiako Sincro produkzino-etxeak egin dau, Malagako MLK produktoreareagz batera, eta ETBren eta Canal Sur TVren partaidetzea be izan dau, Eusko Jaurlaritzaren, Andaluziako Juntaren eta Espainiako Kultura Ministerioaren ICAAk lagunduta. Zuzendaritza lana eta gidoia Euskal Herriak eta Andaluziak egin dabe alkarlanean; arduradunak José Antonio Hergueta eta Olivier van der Zee izan dira.

Dokumentalak Horacio Echevarrietaren abentura historikoa azaltzen dau. Enpresari bilbotarrarentzat ez zan nahikoa izan meategien eta itsasontzien jaubea izatea, Kale Nagusia eregitea edo Iberia sortzea; horrezaz gan, itsasontzi onenak egin nahi izan zituan, eta lortu eban, Juan Sebastián Elcano izeneko ontziagaz. Dana dala, munduko itsaspeko ontzirik onena egitea izan zan bere bizitzako ebatsirik gatxena.

Bilbo, Madril, Malaga, Cadiz, Salamanca, Rotterdam, Haga, Berlin eta Bremen urietan filmatu dabe dokumentala. Artxibo, liburutegi, zinemateka eta funts pertsonal ugari konsultau behar izan dituen egileek istorioa osotu ahal izateko.

Euskal Herriko taldean aitatzeko modukoak dira David Berraondo, Donostiako Sincro etxekoa eta Olivier van der Zee Hau azken hau jatorriz holandarra da, baina Donostian bizi da eta. Van der Zeek film ezagunetan parte hartu dau: La Canción de Roldán film luze dokumentala, Balenciaga (2008), Oteiza 100 urte (2008) edo Cuidadores (2008).