Aktualitatea

Izaskun Moyua Emakundeko zuzendariak Argentina bisitauko dau

Gaur hasitako bisitan, bertako agintari politikoakaz eta hainbat erakundegaz batuko da emakume eta gizonen arteko bardintasunaren ganeko esperientzia eta proiektuen inguruan berba egiteko. Emakundeko zuzendariak buruzagi argentinarren aurrean azalduko ditu institutua orain 20 urte sortu zanetik egin diran bardintasun-politikak.

Nafarroako Gobernuak eta Euskaltzaindiak aurtengo lankidetza-hitzarmena sinatu dabe gaur

Akademiaren izenean, Andres Urrutia euskaltzainburuak sinatu dau eta, Foru Gobernuaren izenean, Xabier Azanza Euskarabidea-Euskerearen Nafar Institutuaren zuzendari kudeatzaileak.

‘Euskadiko 600en XIV. Eguna’ maiatzaren 31n Algortan eta bagilaren 1ean Bilbon

Euskadiko 600en XIV. Egunaren ganeko argibide guztiak alkartearen webgunean dagoz: www.ava600.org

A thousand years of good prayers

Film honek urregorrizko maskorra irabazi eban Donostiako zinemaldian eta oraintsu ailegau jaku zine aretoetako pantaila handietara. Komunikazino faltearen ganeko alkarrizketatzat har daiteke, alkarrizketa zorrotz baizen zirraragarritzat.

EHUk euskerara itzulitako 'Biokimikaren oinarriak' testu akademikoa argitaratu dau

Albert Lehninger, David Nelson eta Michael Cox dira jatorrizko lanaren egileak eta testuaren itzulpen lanetan parte hartu dabenak honako honeek izan dira: Juan Cruz Igerabide hizkuntza arloaren gainbegiratze-arduraduna, Jesus Maria Txurruka eta Mertxe Martinez zientziaren inguruko gaien arduraduna.

'Artea ikasbide' programeagaz, ikasleen lanak Guggenheimen izango dira ikusgai

Erakusketea museoaren 103B aretoan ikusi ahal izango da bagilaren 17tik abuztuaren 24ra eta 2007-2008 ikasturtean egindako bederatzi ikastetxetako 184 ikasleren sortze-lanak izango dira bertan.

Labayru Ikastegiak egoitza barria inaugurau dau Bilbon

Era berean, Labayruk Mikel Zarateren idazlan bi argitaratu ditu. Bata, ‘Bilbo irribarrez’, 1980an argitaratua eta aspaldian agortua edizino barriztuan. Bestea ‘Hizunigu’ ineditoa da, orain arte galdutzat emondakoa nahiz eta bibliografietan horren barri emon.

Sagrario Alemanek zapatuan estreinauko dau euskaltzain kargua

Maiatzaren 31n, zapatua, goizeko 11:00etan, Sagrario Aleman Astitz euskaltzain osoak sarrera-berbaldia egingo dau Etxalekun, Dorrotoa izeneko etxean.

Igor Calzada ikertzaile euskalduna Madrilen saritua

UEUk 35 udako ikastaro eskainiko ditu Eibar, Baiona eta Iruinean, ‘Udako menua’ goiburuagaz

Izena emoteko epea zabalik dago honezkero eta bagilaren 20an amaituko da. UEUk webgune bidezko (www.ueu.org) matrikulea bultzatu nahi dau jentearentzat azkarragoa eta erosoagoa baita; bestela, 943-821426 telefonora deitu leikie interesatuek. Ikastaroei buruzko informazino eguneratua blogean topau daiteke.

Astegoienean amaituko dira Bizkaiko Eskualdeetako Bertsolari Txapelketak

Lea Artibaiko eta Enkarterriko Bertsolari Txapelketak izango dira Bizkaiko Eskualdeetako azken Bertsolari Txapelketa biak, datorren bariku-zapatuan. Lea Artibaikoa Amorotoko frontoian izango da, barikuan, iluntzeko 19:00etan eta Enkarterriko finala, barriz, zapatuan izango da Sodupeko kultur etxean, 18:00etan.

Ondarreta Abesbatzak Zortziko Gazteen Txapelketea antolatu du 17 urtetik gorakoentzat

Lehiaketearen helburua, ‘herriko abesbatzak gazteakaz hornidutea da, gazteak era honetako taldeetara hurreratzen ez diranez, belaunaldien txandakatzea arriskuan egon daitekeelako’, aitatu dau gaur ekitaldiaren aurkezpenean Getxoko Udaleko Kultura zinegotziak, Koldo Iturbek.

Barikuan emongo ditue Zernola sariak

Ikasturtea hasteagaz batera, Elhuyar Fundazinoak VI. Zernola Olinpiada jarri eban martxan www.zernola.net webgunearen bidez. Orain, ikasturtearen amaiereagaz batera, sariak banatu eta jaia egiteko ordua ailegau da. Zitea bariku honetan, maiatzak 30, izango da Arrasateko Polo Garaian.

V. Txistulari Eguna ospatuko da Bakion bagilaren 7an

Herri desbardinetako txistulari taldeak izango dira bertan. Bakioko taldeaz gan, Barakaldoko, Bermeoko, Mungiako, Zornotzako eta Bilboko taldeek eskainiko dabenaz be disfrutetako aukerea izango da.

'Euskarazoka', euskerazko argitalpenen azoka berezia Gernika-Lumon

Udaleko Euskera Zerbitzuak azken urteotako euskarazko argitalpenak salgai jarriko ditu, prezio sinbolikoan, hileko lehenengo zapatuetako azoka berezietan.

Europako Batasunak ardaogintzearen arloko erreformea onartu dau

Erreformea Europako Batasuneko nekazaritza ministroek onartu eben. Eginiko proposamen nabarmenena honako hau izan zan: estaduek neurriak hartzeko askatasun handiagoa izatea.

Coca Colaren Euskerazko Idazlanen V. Lehiaketearen sariak banatu ditue

Ainhoa Begiristain Beasaineko Loinazpe Institutuko ikaslea eta Garazi Larrakoetxea Laudio Ikastolako ikaslea izan dira Coca Colaren Euskerazko Idazlanen V. Lehiaketearen lehenengo eta bigarren saridunak. Sari-banaketea Bilboko Euskalduna Jauregian izan da.