Aktualitatea

Erregaiak, jatekoak, argi-indarra karuago, gosearen arazoa gorriago

Body, Mind & Soul musika talde afrikarra gure artean

Body Mind & Soul zuzenean:

- Bagilaren 5ean, Oñatiko Gaztelekuan, arratsaldeko 20:00retan.
- Bagilaren 7an, Zarautzeko Munoa plazan, arratsaldeko 20:30retan.
- Bagilaren 12an, Zornotzako Zelaieta zentroan, 20:00retan. - Bagilaren13an, Eibarreko Coliseo Antzokian, 20:30etan.

Gregorio Arrienek jaso dau Bilboko Liburu Azokako Urrezko Idazlumea

Historialari bizkaitarrak saria jaso dauen ekitaldi berean Henrike Knörr omendu dabe. Eneko Knörrek, euskaltzain zanaren semeak, Ramon Zumalaberen margolan bat jaso eban Andres Urrutia euskaltzainburuaren eskutik.

Euskerearen eta euskal kulturearen ganeko ikastaroek jarraipena izango dabe Helsinkiko Unibersidadean

Euskerearen eta euskal kulturearen ikastaro honeek Amerika eta Europako beste hainbat unibersidadetan Eusko Jaurlaritzearen Kultura Sailak bultzaturik eskaintzen dira, eta sortzear dan Etxepare Euskal Institutuaren garapenaren bidetik doaz.

Iruñean be ‘Euskaraz bai’!

Euskalgintzako ordezkariak, politikoak, kultura munduko eragileak… batu dira Iruñeko Maisonnave Hotelean Kontseiluaren 'Euskaraz bai' lelo barriaren eta izen bereko erakusketa ibiltariaren aurkezpenean.

Bruce Springsteenen kontzerturako sarrera gehiago jarriko ditue salgai

Txartel barriak barikuan jarriko ditue eskuragarri goizeko 10:00etan Ticktackticket sareko ohiko dendatan 75, 71 eta 61 euroan.

Garikoitz Mendizabal txistulariak 'Bihurrikerietan' izeneko diskoa kaleratu dau

Mendizabal euskal musika-tresna bereizgarrienaren jotzailerik ezagunenetakoa eta azken lau urteotatik hona Bilboko Udal Txistulari Bandearen zuzendaria da. Lan barria Bilbon aurkeztu dabe Kultura eta Hezkuntza Saileko zinegotzi Ibone Bengoetxeak, Txomin Mujika BilbaoMusikako gerenteak eta Mendizabalek berak, ikuskizun eta guzti.

Plazatik Gaztetxera txapelketea Jokin Labaienek irabazi dau

Hona hemen sailkapena: Jokin Labaien (194,5 puntu), Jone Uria (189 puntu), Gorka Azkarate (188 puntu), Eneko Abasolo Abarkas (180,5 puntu), Mikel Aiertza (177,5 puntu) eta Mikel Artola (165 puntu). Ana Etxaburu izan zan gai-jartzailea.

Eguaztenean eta eguenean egingo dira Bilbao Hiria lehiaketako finalak

Metal arloan, finala eguaztenean, bagilak 4, izango da eta honako talde honeek dira finalistak: Dead Means Nothing (Nafarroa), Meridian Zero (Tenerife) eta Sound Of Silence (Asturias). Pop-rock arloan, finala eguenean, bagilak 5, izango da eta honako talde honeek dira finalistak: Aaron Thomas (Madril), Munlet (Gipuzkoa) eta Trigger Travis (Gipuzkoa)

Hogei mila lagunetik gora hurreratu dira Getxoko Eskulangintza Azokara

Datorren urtean, antolatzaileek barriro konbidauko ditue aurten parte hartu daben eskulangile guztiak. Euriaren ondorioz, bisitari kopurua nabarmen gitxitu da eta, jakina, salmentak be jaitsi dira, eta, holan, galerak konpentsau ahal izango ditue artisauek.

Euskadi Kirola Fundazinoak ‘BAT, Basque Team’ marka sortu dau eliteko kirol jarduera ez profesionala sustatzeko

Euskadi Kirola Fundazinoaren asmoa goi-mailako euskal kirolaren garapena bultzatzea da, kirolariek ordezkaritza zabala izan daien goi-mailako lehiaketetan.

Eguenean egingo da Bizkaiko Umeen eta Gaztetxuen Bertsolari Txapelketea Bilbon

Bizkaiko Ikastolen Alkarteak antolatuta, datorren eguenean, bagilak 5, izango da Bizkaiko Umeen eta Gaztetxuen Bertsolari Txapelketea Bilboko El Carmen aretoan goizeko hamaiketan.

Beatles taldea protagonista Basaurin bagilean

Erakusketa monografiko bat, 11 pelikulen proiekzinoa eta Liverpooleko taldea imitetan dauen banda baten kontzertua izango dira bagilaren 2tik 13ra bitartean.

'Bilbao Hiria' Pop-Rock Lehiaketearen 20. urteurrena kontzertu bereziakaz ospatuko da

Bilborock aretoko taula ganean Yo soy Julio Cesar, Zea Mays eta Olimpic taldeak izango dira bariku honetan, bagilak 6, 20:00etatik aurrera.

Blas de Otero Nazinoarteko Poesia Sariketeak 6.000 euroko saria emongo deutsoz poesia-lan onenari

Blas de Otero-Bilboko Uria Nazinoarteko Poesia Sariaren lehenengo edizinoak datorren bagilaren 15era bitartean mundu osoko idazleen lanak josoko ditu. Jatorrizko lanek, gai librean, gitxienez 700 eta gehienez 1.000 lerroko luzerea izan ahal dabe eta Barrainkuako Kultur Etxera (Barrainkua, 5) igorri behar dira.

Sagrario Alemanek euskaltzain kargua estreinau dau

Euskal kulturearen ordezkari ugari batu ziran zapatuan Etxalekun Sagrario Aleman euskaltzain barriaren sarrera-berbaldian. Ekitaldia Imozko eta Etxalekuko udal agintarien protokolozko berbakaz eta hainbat sari-emotegaz amaitu eben.