53. Zinebi, zemendiaren 11tik 18ra

| Ikusi handiago | Argazki originala

Gaur abiatuko da Zinebi, zinema dokumentalaren eta film laburren Bilboko nazinoarteko jaialdiaren 53. edizinoa eta goizean, hasierako prentsaurrekoan zehetasun guztiak emon ditue Iñaki López de Aguileta, Bilboko Udaleko Kultura Zuzendariak, Ernesto del Río, Zinebiko Zuzendariak eta inagugurazinoko galan Ohorezko Mikeldia jasoko dauen Xabier Elorriaga aktoreak. Xabier Elorriaga aktorea eta Liliana Canavi zuzendaria omenduko ditue aurten, izan be, Bilboko jaialdiaren Ohorezko Mikeldi saria jasoko dabe Elorriagak eta Canavik Arriaga Antzokian egingo dituen hasiera eta amaiera ekitaldietan. Gaur iluntzeko inaugurazino ekitaldian Ohorezko Mikeldia jasoko dau Xabier Elorriaga aktoreak.

Zemendiaren 11tik 18ra bitartean izango da Zinebi 53, eta jasotako 3.000 filmetatik 73 aukeratu ditue Sail Ofizialean lehiatzeko. Horreen artean 11 Euskal Herrikoak dira. Gainera, eta ohikoa danez, hainbat film ikusteko aukerea emongo dabe zinemaldiko sailek. Aitatzekoak dira Luc Moullet zuzendari frantsesari eta Masao Adachi japoniarrari eskainitako zikloak. Era berean, Palestinako zinema iraultzaileak sail berezia izango dau, handik kanpo nekez ikusten diran filmak erakusteko.

Euskal zinemaren atalean, honako lan honeek aukeratu ditue lehiaketarako:

Muy cerca, Iván Caso (fikzinoa).
Errudun sentitzen naiz, Roberto Castón (fikzinoa).
Por los camareros, Javier Etxaniz eta Gregorio Muro (fikzinoa).
La casa del lago, Galder Gaztelu-Urrutia (fikzinoa).
December, José Muniain (fikzinoa).
Agujero, Roberto San Sebastián (fikzinoa).
Una última bala, Jon Aitz Urrutxi (fikzinoa).
Cuatro estaciones (4), Niko Vázquez (fikzinoa).
She’s Lost Control, Haritz Zubillaga (fikzinoa).
Urrezko eraztuna, Jon Garaño (dokumentala).
Zeinek gehiago iraun, Gregorio Muro (animazinoa).

Aurten, lehenengoz, emonaldi eta jarduera gehienak Golem zinema-aretoetan eta Alondigako auditorio nagusian izango dira.