Aktualitatea

Aurtengo 'Giza Art' erakusketeak Hibai Agorria argazkilari profesionalaren 20 irudi erakutsiko ditu

'Emakumeek ekonomiari egindako ekarpena' izenburupean, Agorriaren helburuak bizkaitar guztiak emigrazinoaren fenomenoaz ohartarazotea eta emakumezko etorkinen lan esparruan egindako ekarpena goraipatzea dira. Mungia izango da erakusketa ibiltariaren lehenengo etapea eta, gero, Zallara, Abanto-Zierbenara, Sestaora, Leioara eta Gernika-Lumora ailegauko da.

Kafe Antzerkiaren XII. Jardunaldiak Ondarroan abenduaren 4tik 8ra

Emonaldiak Ondarroako Udaleko Kultur arloak antolatu ditu antzezlanak hartuko dituen establezimenduen laguntzinoagaz, hau da, Basati, Maddi eta Mobby Dick tabernen eta Kafe Antzokiaren laguntzinoagaz. Sei saioetatik lau doban izango dira eta beste biak ikusi ahal izateko bi euroko sarrerea pagau beharko da.

Esne Zopak, iturrietatik edanez

Asteon plazaratu da Esne Beltza taldearen inguruan sortutako egitasmo barria CD eta DVD euskarrietan. Esne Zopak izenpean Xabier Solanok doinu akustikoakaz eukan zorra kitatu dau 16 kantu barri grabatuta.

Aldaketa klimatikoari buruzko Kyotoko protokoloari uko egiten deutsienak ingurumena gehien zikintzen dabenak izatea be bada eh!

'Olatu bat kuartelen gainetik' Xabier Amurizaren trilogian, hirugarrena

'Olatu bat kuartelen gainetik' izeneko liburua 'Joan ziren' zikloko aurreko bien, 'Dinosauroak horizontean' eta 'Orain ezin naiz hil' izenekoen jarraipena da. Hirugarren liburu hau be lehenengoan abiatutako fenomeno esplikaezin baten garapena da.

Nafarroako euskerazko hedabideak, gobernuaren laguntzinorik barik

'Nafarroako euskerazko hedabideak gobernuaren laguntzino barik ixtea ez da erabagi teknikoa, erabagi guztiz politikoa baino, helburu garbia dauena: Euskal Komunikabideak gitxiestea, bertako langileak eta ordezkariak mespretxatuz, Nafarroako euskal komunidadea beste behin irainduz eta bide batez legez ezarrita daben betebeharrari uko eginez'.

Badihardugu alkarteak eta Gernika-Lumoko Udalak alkarlanean garatuko dabe 'Euskal Herriko Ahotsak' proiektua

'Euskal Herriko Ahotsak' (www.ahotsak.com) proiektuaren helburu nagusia Euskal Herriko ahozko ondarea eta herri hizkerak batu eta zabaltzea da, hau da, euskal herrietako edadeko jentea alkarrizketatuz, euren euskerea eta bizipenak jaso eta herritarren artean zabaltzea.

UPV/EHUk omenaldia egingo deutso Bilbon Jacinto Iturberi, Euskerako lehenengo erretoreordeari

Ekaia aldizkariaren hogeigarren urteurrenagaz bat eginik, omenaldia egingo jako UPV/EHUko Euskarako lehenengo erretoreorde eta Zientzia Esperimentalen sustatzaile nagusietako bat izan zan Jacinto Iturberi (Bilbo, 1951).

Euskara Lanabesa Sariek enpresa-eremuan euskerea bultzatuz Emun, CAF, Elmubas, Alfa Art eta Epsilon Euskadiren lana nabarmendu dabe

Enpresen jardunbide profesionalagaitik, izan daben enpresa-hazkundeagaitik, edota lan-eremuan euskereari eta kultureari emoten deutsien bultzadeagaitik nabarmendutako bost enpresa, erakunde edota profesionalen lana goraipatzeko Euskara Lanabesa Sariak emon ditue bart.

Astindu barriak emon ditue Audience gernikarrek laugarren lanean

Orain arteko diskoen izenburu guztiek egiten deutse erreferentzia barruan entzuleak topauko dabenari eta, oraingoan be -'A shake in calm water'-, holan dala autortu dabe taldekideek. 'Betiko bidetik jo dogu baina astindu barriak emon deutsaguz, perkusino gehiago sartu dogu, musika-tresna barriak dagoz eta beste estilo batzuen -tangoa, latindar musikea...- eragina be igarten da'.

Musikari ezagunak izango dira Arriaga Antzokian 2010ean

Paloma San Basiliok zezeilaren 28an abestuko dau, Itoiz talde mitikoak bere alderdi sinfonikoena aurkeztuko dau 'Itoiz Suite' ikuskizunagaz martiaren 11n, Raphaelek kontzertua eskainiko dau maiatzaren 26an eta Marlango eszenatokian izango da maiatzaren 27an. Kontzertuotarako sarrerak honezkero salgai dagoz.

‘Tximeleta efektuak' eta kaosak zarratuko dabe ‘Matematikak eguneroko bizimoduan' berbaldi zikloa Bidebarrieta Kulturgunean

Julian Agirre, EHU-UPV-ko Matematika Analisian katedradunak, elementu batzuen errepetizinotik abiatuz egitura konplexuen eraketearen inguruan berba egingo dau, fraktaletaz edo eguraldiaren iragarpenetaz berbarako. Berbaldia gaur, zemendiak 26, izango da, liburutegiko ekitaldien aretoan 19:30etan. Sarrera dobakoa izango da.

Euskeraz eta ingelesez abesten dau Sexty Sexers-ek disko barrian

Urteek emoten daben lasaitasunaren eragina igarten jake Sexty Sexers taldeko kideei eta 'Hero mantra' izeneko diskoan Rock&Roll musikea landu arren, estilo aldaketea nabarmena da. Ganera, berbei jagokenean be, lan barriko zortzi kantatan be igarten da barrikuntza hori, izan be, euskeraz abesteaz gan, lan batzuk ingelesez entzun daitekez.

Iratzez beteriko oihanean idatzitako poema-liburua argitaratu dau Igor Estankonak

'Iratzeen esporak' liburuan, idazleak 2008ko maiatzetik 2009ko urrira bitartean idatzitako poemak batu ditu, 'nire bizitzearen aro bat, ikaspen-aro bat, laburbiltzen dabenak'. Egunerokotasunei pisua kendu barik, baina poemak modu arinean zabaldu gura izan ditu.