Aktualitatea

Astegoien honetan sarrerea dobakoa izango da Guggenheim Bilbao Museoan, hamahirugarren urteurrena dala eta

Urriaren 19an, Guggenheim Bilbao Museoaren hamahirugarren urteurrena beteko da eta urte honeetan Museoak izan dauen harrera ona eskertzeko, astegoien honetan, urriaren 16an eta 17an, sarrerea dobakoa izango da.

Jet Lag Fest´10 jaialdiak 30 ikuskizun baino gehiago eskainiko ditu Bilboko Euskalduna zubipean

Jet Lag Bio ekimen desbardina, barritzailea eta sormenezkoa da, munduko uri desbardinetako gazteen eta gazte kolektiboen ekimen eta adierazpideak bultzatzen dituana, espazio urbanoa erakusketarako eta esperimentazinorako espazio legez erabilita. Ekimenari Jet Lag Fest izeneko jaialdiak emoten deutso amaierea.

Anjel Lertxundi idazleari emon deutse 2010eko Saiakeraren Sari Nazionala

1994an Narratiba sailean izan zan finalista Espainiako Literatura Sarian, Otto Pette nobeleari esker. Ángeles González-Sinderen deia jaso dauenean, 'sorpresa itzela' hartu dauela autortu dau.

Bicicleta, cuchara, manzana

Zelan gustauko litxakizu izatea pelikula hau? galdetzen deutso hasieran Carles Bosch zuzendariak Pasqual Maragalli. Dibertigarria, erantzuten dau berak. Eta ikusleak pentsetan dau une horretan, dokumental hori edozein modukoa izan daitekela, dibertigarria ez behintzat.

IX. Galdames Folk astegoien honetan Bizkaia, Eskozia, Kamerun eta Kanadako doinuakaz

Aurten, Adarrots talde bizkaitarra izango da euskal folk musikearen ordezkaria, eta euren ardurea izango da jaialdiari hasierea emotea. Gaur, barikua, hilak 15, 22:00etan hasiko da kontzertua. Arrabotsen kontzertuaren ostean, Eskoziako Session A9 taldearen txandea izango da.

Jon Cazenave argazkilariaren erakusketeak hasiera emongo deutse IV. Iparra Galdu Gabe Jardunaldiei

Jardunaldien helburua Ipar Euskal Herria Getxon ezagutzera emoteko ekintzak antolatzea eta Euskal Herriko Iparra eta Hegoaren alkar ulertzea sustatzea da.

Soziolinguistikearen oinarrizko teoriek eta ikerketek Euskal Herrian izan daben garapena aztertu dabe liburu batean

Zortzi idazlek euskerazko lehen Soziolinguistika Eskuliburua idatzi dabe, Soziolinguistika Klusterraren ekimenez. Liburuak soziolinguistikearen oinarrizko teoriak eta ikerketak batu ditu, bai eta Euskal Herrian teoria eta ikerketa horreek izan daben garapena be.

Bilboko Zirkuituak udagoieneko denporaldiari hasierea emongo deutso tartean hiru estreinaldigaz

Bilboko Zirkuitua programea, Euskadin arlo horretan egiten dan ekimen bakarra da. Gure uriko antzerki taldeei euren lanak aurkezteko aukerea eskaintzeaz gan, Bilboren kultur eskaintzea deszentralizetan be laguntzen dau, izan be, Bilboko hainbat barrutitan eskaintzen da urte osoan.

'Mundu bereko auzokideak' lemapean, urriaren 17an Guztion Kultur arteko Topaketea izango da Getxon

Helburua eskubideen ukapena, etorkinen kriminalizazinoa eta egungo migrazino-kontrol guztiak salatzea da.

Gabriel Arestiren Eguna ospatuko da Bilbon

Gabriel Aresti izango da Bilboko Udaleko Kultura eta Hezkuntza Sailak antolatu dauen Bilbaopoesia Bilboko Poesia Astearen zabaltze jardunaldiaren protagonista. Aurten bere hamaikagarren edizinoa ospatzen dauen poesia zikloa urriaren 14tik 24ra ospatuko da, Bidebarrieta Kulturgunean batez be.

Agerre Teatrok ‘Doltza. Dultzinea Kixote vs Teresa Panza’ ikuskizuna eskainiko dau Elorrion, Zumaian eta Hernanin

Hitzorduak ondokoak dira: Elorrioko Arriola Aretoan (Urriak 14, 11:00), Zumaiako Aita Mari Antzokian (Urriak 15, 22.00) eta Hernaniko Biteri Kultur Etxean (Urriak 16, 20:00).

Proposamen kultural barritzaileak dakarz, beste urte batez, Bilbao Arte eta Kultura ekimenak

Euskal Herriko Unibersidadeak, beste kultur eragile batzuen laguntzinoagaz antolatzen dauen egitarau kulturala aurkeztu dau gaur Bilbon. Aurten, ganera, izena aldatu deutsie eta, BAK barik, BilBAK izango da aurrerantzean.

Mondragon Unibersidadeak eta Euskaltzaindiak lankidetza-hitzarmena sinatu dabe

Hitzarmen horrek Mondragon Unibersidadearen eta Euskaltzaindiaren arteko alkarlana sortzea dau helburu. Holan bada, besteren artean, baterako argitalpen-politikea bultzatuko dabe bi erakundeok, euskereari buruzko ikerketen emoitzak argitaratzeko.

'Bajo los cielos de Asia', Iñaki Ochoa de Olzaren askatasun pasinoa erakusten dauen liburua

'Inongo eskolatan edo unibersidadetan ez dot ikasi hango edur eta hatx artean ikasi dodana. K2 mendiak bizitzaren egiazko balioa erakutsi deust: bizitza bera heriotza barik ezertan geratzen dala. Mendi horrek urrundu egin dau nigandik behin betiko gure errutinazko ongizate egoera' idatzi eban Ochoa de Olzak K2 menditik bueltau zan lehenengo aldian.

Getxoko Udalak 42.000€ onartu ditu udalerrian bertsolaritzea sustatzeko

Algortako Bertso Eskoleak 30 urte daroaz bertsolaritzea eta euskerea sustatze lanetan Getxon, eta bere sorreratik, hazkunde handia izan dau bere jardueretan, alkartearen kudeaketa eta koordinazino lanen handitze handiagaz eta ondorioz giza baliabideak handitzeko beharragaz, etorkizunak dakarzan erronkei modu egokian erantzun ahal izateko.

60ko hamarkadako euskal kantak batu ditu Elkarrek 'Euskal Herriko Lur Maitea' diskoan

Euskal Herriko Lur Maitea, 1960 hamarraldiaren amaieratik 1980ko hamarraldiaren hasierara bitartean argitaratutako hainbat erregistro musikalen laburpena aurkeztuko dau Elkar diskoetxeak eguen honetan, urriak 14, Donostian. Ondoren, arratsaldean, Bilbon, zuzeneko emonaldia eskainiko dabe Txomin Artolak, Niko Etxartek eta Gontzal Mendibilek.

Iraizoz, nora zoaz? Bartzelonan partiduak jesarrita jarraitzeko...