Aktualitatea

Gpuntuak Illunbeko hitzorduagaz emongo deutso amaierea 2011ko Txapelketeari

Hasiera haretan 76 bertsolarik emon eben izena, eta 8 heldu dira azken helmugara: Jexux Mari Irazu, Beñat Gaztelumendi, Iñaki Apalategi, Aitor Sarriegi, Unai Agirre, Agin Rezola, Alaia Martin eta Jon Martin.

Bilboko 8 eleizatan abesbatzen kontzertuak izango dira abenduaren 15etik 30era

Basurtu, Abando, Santutxu, Indautxu, Castaños eta Atxuriko zortzi eleizatan Gabonetako Abesbatzen Kontzertuak izango dira abenduaren 15etik 30era. Programea Bilboko Udaleko Kultura eta Hezkuntza Sailak antolatzen dau urtero, Bizkaiko Abesbatzen Alkarteagaz alkarlanean. Aurtengo edizinoan, ekimenak 21 talde alkartuko ditu.

Areetako Ondarreta abesbatzak 'Gabonak munduan' diskoa aurkeztu dau

Getxoko Areetako Ondarreta abesbatzak Gabonak munduan-La Navidad en el mundo izeneko diskoa aurkeztu barri dau, Getxoko Udalaren laguntzinoagaz. Diskoan igaz abesbatzak Algortako Salbatzailearen eleizan egindako kontzertua jaso dabe.

Sekretuak, amesak eta maitasuna, Mikel Alviraren nobela barrian

Eleberri fresko eta arina da, argi asko emon nahi izan deutsat, ez dot lan dramatikoa egin nahi izan, azaldu dau Mikel Alvirak. Halandabe, misterioa eta sekretuak ez dira falta.

Berrogei erakusmahaitik gora, Bilboko 29. Artisau Azokan

Bilboko 29. Artisau Azokeak berrogei standetik gora izango ditu aurten, abenduaren 16an edegiko dabe, eta hainbat kontzertu eta tailer eskainiko ditue, Sortzen Bizkaiko Artisau Sortzaileen alkarteko Txema San Juanek prentsaurrekoan azaldu dauenez. Urtero lez, Arriaga Antzoki alboan ipini dabe karpea.

Eskenak Euskadiko sorkuntza eszenikoaren nazinoartekotzea bultzatzeko jardunaldia antolatu dau

Eskena, Euskadiko Produkzino Eszenikoen Enpresa Alkartuak, Euskal Eszenaren Nazinoartekotze Sustapenerako Planaren barruan antolatutako ekimenak aste honetan izango dabe jarraipena, hain zuzen abenduaren 16an, barikuan, izango dan saio informatiboagaz.

Pantxoa eta Peio bikoteak etena iragarri dau

Pantxoa Carrere eta Peio Ospital bikoteak euren ibilbide musikalean etena egitea erabagi dabe. Dana dala, hurrengo asteetan kontzertu bi eskainiko ditue, oholtzak itxi orduko: bata, domekan, abenduaren 18an, Itsasun, eta, hilaren 20an, Bilboko Euskaldunan. Bikote lapurtarrak ez dau esan etenaldia noiz arte izango dan.

Cicatriz talde mitikoaren disko guztiak berrargitaratu ditue

Zika records zigiluak argitaratutako disko guztiak eskuragarri ipini barri ditu Oihuka-Elkar etxeak, bai euskarri fisikoan bai euskarri digitalean (spotify, i-tunes eta abar). Natxo Cicatrizek sustatutako diskoetxeak 1990eko hamarkadan kaleratutako lau diskoak deskatalogauta egon dira; orain, berreskuratu, birmasterizau eta berrargitaratu egin ditue

'A dangerours method'

Zuzendariak sano ondo jaso dau sasoiko giroa, eta garaiko dilmak gogoko dituanak benetan be gozauko dau. A dangerours method luzea eta apur bat aspergarria begitandu jat; Cronenbergek aurreko pelikuletan erakutsi dauen asaldatzeko gaitasunaren faltea igarri dogu.

Txioka Sarean gabon-agurren lehiaketan parte hartzeko azkenengo egunak

Azkue Fundazinoak eta Bizkaia Irratiak Txioka Sarean Gabon-agurren Lehiaketea antolatu dabe, Gabonetan alkarri jai zoriontsuak edo urtebarri ona opatzeko bialtzen diran mezuak euskeraz sortu eta zabaltzeko helburuagaz. Parte hartzeko sare sozialak erabili behar dira: Twitter eta Facebook

Agosti Chaho eta erromantizismoa Euskal Herrian, aztergai Baionan

Euskaltzaindiak Agosti Chahoren omenezko jardunaldia egingo dau abenduaren 16an, Baionan, Iker zentroan. Literatura Ikerketa batzordeak antolatu dau ekimena. Goizean, hiru berbaldi izango dira; eta, arratsaldean, Akademiak agiriko bilkura egingo dau. Jean Haritschelhar eta Txomin Peillen euskaltzainek egitarauaren barri emon eben Baionan, prentsaurrekoan.

Ander Ceñak eta Jorge Ezkurdiak irabazi dabe Mikrokontakizun solidarioen lehiaketea

Lehiaketa hau UPV/EHUko % 0,7 Alkartasun Fondoak antolatu dau eta edizino honetan 85 idazlan aurkeztu dira danetara, horreetatik 27 euskeraz eta 58 gazteleraz.

Kyotoko protokoloaren luzapena sinatu barri daben arren, ingurumena hondatzen jarraitzen dogu...

Mendi Film Festival'11, mendia, abentura eta natura zinemagintzarik onena Gasteizen

Gaur, hilak 12, hasi eta datorren martitzenera (hilak 20) bitartean Gasteizen laugarren urtez egingo da Mendi Film Festival, dagoeneko IAMF (International Alliance for Mountain Film) alkargoko kide izanik gainera, gai horreen inguruko nazinoarteko zinema jaialdirik onenak batzen dituan alkargoa.

Iñaki Aurrekoetxea, Peru Magdalena eta Txomin Azpiroz, Bpuntua lehiaketako irabazle

Iñaki Aurrekoetxea, Peru Magdalena eta Txomin Azpirozek irabazi dabe Bpuntua bertso-lehiaketea. Zemendiaren 8an abiatu zan Bpuntua, Berriketan.info izeneko sare sozialean, Gipuzkoako Gpuntua txapelketearen azken fasean. Irabazleek abenduaren 18ako txapelketako finalerako bina sarrera, eta Gpuntuko elastiko eta erlojua jasoko ditue.

'Quantum: Einstein, Bohr eta errealitatearen izaeraren inguruko eztabaida handia' dibulgazino-liburua argitaratu dau Elhuyar Fundazinoak

Fisika eta filosofia dira liburu honen ardatz nagusiak. Einsteinen, Bohrren eta beste zenbait zientzialariren nortasunak erakusten deuskuz istorio honek. Drama, tragedia, ezusteko jazoerak, ekintza heroikoak eta beste zenbait ezaugarri ditu, eta horreei esker, ez da eduki zientifikoko edo dibulgazino zientifiko hutseko liburua, nahiz eta informazino asko dagoan mekanika kuantikoari buruz.

44.000 'Kultura Bonu' ipiniko ditue salgai gaurtik aurrera

Aurten, Eusko Jaurlaritzeak 660.000 euro bideratuko ditu Kultura Bonua garatzeko eta sustatzeko. Danetara, 44.000 bonu salduko dira Gabonetako kanpainan, Kultura Saileko iturriek jainarazo dabenez. Abenduaren 12tik aurrera izango dira salgai bonuak, urtarrilaren 5era arte. Bonuak urtarrilaren 20ra arte erabili daitekez.