Aktualitatea

Sacamantecas eta bildurrezko makina bat istorio batu ditu Mikel Rodriguez gipuzkoarrak

Mikel Rodriguez Alvarez gipuzkoarrak Sacamantecas y otros relatos vascos de terror liburua argitaratu barri dau Txertoa etxeagaz. Oiartzuarraren fikzinozko lehenengo lana da. Liburuak osagai nagusi bi ditu: bildurrezko generoa eta euskal tradizinoa.

Metapostaren lehenengo urtean 700.000 dokumentu bialdu deutsez 12.000 erabiltzaileei

Metapostaren erabiltzaileek 20.000 dokumentu igon ditue euren postontzietara, eta dokumentu horreetatik %10 Metapostan sinatuak izan dira ziurtagiri digitalari esker.

Usopop jaialdia, musika barriak eta amalurra bat eginda Saran

Musika barriak eta amalurra ditu ardatz Sarako Usopop jaialdiak. Zezeilaren 25ean festibalaren hirugarren edizinoa egingo dabe, Lizarreta mendatean. Aurten, Ruper Ordorika, Rover bakarlaria, Islaia taldeaeta Aloe Vera DJa izango dira taula ganean.

Emakumeak eta literatureari buruzko erakusketea, Bilboko Alondigan

Emakumeak eta literatura erakusketeak emakumezkoek literaturan dauken lekua nabarmenduko dau Bilboko Alondigan, zezeilaren 27tik martiaren 21era bitartean. Makina bat idazle izango dira protagonista, bai bertakoak bai urrunekoak: Miren Agur Meabe, Txaro Arteaga, Lucía Etxebarria, Simone de Beauvoir, J.K. Rowling, Isabel Allende, Gloria Fuertes, Jasone Osoro, Maria Asun Landa eta abar.

Txakolina eta Arabar Errioxako ardaoak Alemaniako Prowein Azoka ezagunean izango dira

Aurten txakolina eta Arabar Errioxako ardaua Alemaniako Prowein azokan izango dira, Eusko Jaurlaritzako Ingurumen, Lurralde Plangintza, Nekazaritza eta Arrantza Sailaren eskutik. Arabar Errioxako ardaoak eta txakolinaren upategiak nazinoarteko ezagutarazotea dau helburu Jaurlaritzeak. Prowein azokea Dusseldorfen izango da, martiaren 4tik 6ra.

Bilboko 469 merkatari euskera eskoletara joan dira 2009tik 2011ra

Bilboko dendetan euskerearen erabilerea normalizetako Udaleko Euskara, Gazteria eta Kirol Sailak bultzatzen dauen Biribilko programeari esker, 2009 eta 2011 artean, uriko 469 merkatari euskera eskoletara joan dira. Bilbao Dendak plataformea lankidetzan ibili da ekimen honetan.

Lan erreformea izango ete da arazoen konponbidea ekarriko dauena?

Ke No Falte bueltan da, hamarkada luze baten ostean

Hurrengo emonaldia Bergaran egingo dabe, martiaren 2an. Ganera, berragerpena ez ei da une bateko kontu laburra izango, disko gehiago plazaratzeko konposizino lanetan hasita dagozala adierazo dabe taldekideek. 2013an, taldearen 20. urteurrenean, zeozer berezia egiteko asmoa be iragarri dabe.

Eusko Jaurlaritzeak lankidetza hitzarmena izenpetu dau Idahogaz

Alde biko izaera dauen politika horren bitartez, Eusko Jaurlaritzeak eskualde eta estadu sare bat eratu nahi dau, euskal enpresen interesetarako plataforma izan daitezan munduko hainbat tokitan hartu-emonak ezartzerakoan.

Leioako Umore Azokeak 400 proposamen artistiko jaso ditu

Leioako Umore Azoka-Kaleko Artisten Azokea maiatzaren 17tik 20ra bitartean egingo da, eta daborduko 400 proposamen artistiko baino gehiago jaso ditue, antolatzaileek jakinarazo dabenez. Konpainia, alkarte eta banaitzaileentzat erakusleiho garrantzitsia da Leioako Azokea.

Praxitelesen Afrodita knidiarra izango da 'Artelana bere testuinguruan' zikloaren protagonista Berreginen Museoan

Praxitelesen Afrodita knidiarra izango da Bizkaiko Foru Aldundiaren eta Bilboko Udaleko Kultura eta Hezkuntza Sailaren esku dagoan Bilboko Berreginen Museoaren pieza garrantzitsuenak ezagutzera bideraturiko zikloaren protagonista, eguen honetan, zezeilaren 23an.

Mikel Markezek hiru kontzertu egingo ditu asteon Ipar Irlandan

Mikel Markez kantaria Ipar Irlandan izango da asteon, Hiri hartan izan zen lan barria aurkezten. Zemendian kaleratu eban lana, eta ordutik makina bat kontzertu egin ditu Euskal Herrian.

Antzerki Eskolen I. Jaialdia egingo dabe Bilbon, garagarrilean

Bilboko Unibersidade Antzerki eta Antzerki Eskolen I. Jaialdia egingo dabe aurten, garagarrilaren 10etik 15era, Campos Eliseos Antzokian. Anima Eskoleak eta Egile Fundazinoak antolatuko ditue topaketak. Izena emoten daben taldeen artean, epaimahaiak sei aukeratuko ditu, zuzenean parte hartzeko.

Black Sabbathen ordez, Ozzy & Friends taldeak joko dau Azkena Rock jaialdian

Black Sabbath taldea ez da 2012ko Azkena Rocken izango, jaialdiaren antolatzaile Last Tour Internationaleko iturriek jakinarazo dabenez. Tommy Iommi gitarristearen gaixotasunak atzeratu egingo dau talde mitikoaren itzulerea. Dana dala, Black Sabbathen ordez, Ozzy & Friend proiektu barria izango dogu taula ganean Gasteizeko Mendizabalak. Aurtengo Azkena Rock bagilaren 14tik 16ra bitartean izango da.

Etxepare Euskal Institutuak eta AIE-k lankidetza hitzarmena sinatu dabe euskal musikea Estadu mailan ezagutarazoteko asmoz

Hitzarmen honen helburu nagusia euskal musika produkzinoak Estadu mailan ezagutarazotea da; horregaz batera, balio artistiko barriei adierazpide esparru barriak eskaintzea, negu-parteko zirkuitu sendo eta egonkor bat sortzea eta Autonomia Erkidegoen arteko artisten trukea sustatzea be sinatutako itunaren helburuen artean dagoz.

Bermeoko VIII. Bertsopaper Lehiaketea martxan dago

Bermeoko Udaleko Euskera sailak VIII. Bertsopaper Lehiaketea ipini dau martxan. Parte-hartzaileek 11 eta 18 urte bitartean euki behar ditue. Udaleko iturriek jakinarazo dabenez, lehiaketearen helburua gaztetxuen artean bertsozaletasuna eta sormen lana sustatzea da. Bertsopaperak jasoteko epea martiaren 16ra arte egongo da zabalik.