Aktualitatea

Amal Ramsis zinemagile egiptoarrak bideo-tailerra eskainiko dau Bilbon

Amal Ramsis zinemagile egiptoarrak bideo-tailerra eskainiko dau bagilaren 5ean, Bilbon, BizBAK Bizkaia Bilbao Arte eta Kultura udako ikastaroen atariko egitarauaren barruan. Mintegia 15:30ean hasiko da, UPV/EHU - BBK Etxean.

Ekonomia berdea aztergai, bagileko 'Elhuyar' aldizkarian

Ekonomia berdearen asmoak eta kritikak aztertu ditu Elhuyar Zientzia eta teknologia aldizkariak bagileko zenbakian, 287.ean hain zuzen be. Ekonomia berdea Nazio Batuen Erakundeak (NBE) Ingurumenaren Nazinoarteko Egunerako proponidutako gaia da, eta bagilaren 20tik 22ra erakunde horrek Rion (Brasil) egingo dauan gailurraren auzi nagusietako bat be bada.

Mendebalde Kultura Alkarteak jaso dau Bilboko Liburu Azokearen Urrezko Luma

Bilboko Arenalean, Bilboko Liburu Azoka gunean egindako ekitaldian, Mendebalde Kultura Alkarteko buru Kaxildo Alkortak jaso dau Bilboko Liburu Azokearen sari nagusia, Urrezko Luma, hain zuzen be. Hogeigarren urteurrenera bidean dan alkarteak mendebaldeko berbakerearen eta euskeraren alde egindako lanagaitik jaso dau saria.

8.313 ikaslek egingo ditue eguaztenetik aurrera Unibersidadera sartzeko probak UPV/EHUn

Eguaztenean, bagilak 6, aurten Batxilergoa amaitu daben Euskal Autonomia Erkidegoko 8.313 ikaslek Unibersidadera sartzeko probak hasiko ditue UPV/EHUn, igaz baino % 1,3 gitxiagok. Araban matrikula datuetan ez da aldaketarik izan, Bizkaian % 3,9 gitxitu da eta Gipuzkoan % 2,0 handitu.

Ana Mendes portugaldarrak irabazi dau ACT Arriaga saria

ACT Nazinoarteko Sortzaile Barrien Antzerkialdiak Ana Mendes sortzaile portugaldarrari emon deutso ACT Arriaga saria, Self Portrait izeneko lanagaitik. Lau egunetan, Bilbo eta Barakaldo antzerkizale eta arte eszenikoetako profesionalen alkargune izan dira.

Bermeoko Udalak Euskerea Bizibarritzeko Plan Nagusiaren bigarren fasea abiatuko dau eguaztenean

Bermeoko Udalak Euskerea Bizibarritzeko Plan Nagusiaren (EBPN) bigarren faseari ekingo deutso hilaren 6an. Hurrengo bost urteetarako plangintza barria herritarrekaz batera landu nahi dabe.

Gero eta gangster gehiago dago bazterretan...

Spot the translator I. Nazinoarteko Lehiaketea bideo-sortzaileentzat

CEATL erakundeak, Europako literatur itzultzaileen alkarteen topaguneak dei egiten deutse bideo-sortzaileei bideo labur bizi eta burutsuak sor deiezan literatur itzultzaileak sustatzeko, bai eta itzultzaileek literaturan daben garrantziaren, zereginaren eta erronken barri zabaltzeko be.

Iker Larizgoitia txikietan eta Nerea Ibarzabal handietan izan dira aurtengo txapeldunak

Iker Larizgoitia txikietan eta Nerea Ibarzabal handietan izan dira aurtengo txapeldunak XXIX. Bizkaiko Eskolarteko Bertsolari Txapelketan. Eta eurekaz batera Euskal Herriko txapelketako finalera joango dira maila bakotxean bigarren egin ebenak be, Txaber Altube eta Malen Amenabar.

Aurreikuspen guztiak bete dira Trapagarango Ibilaldian

100.000 lagun inguru espero zituen eta aho-betez esan daiteke antolatzaileen aurreikuspenak bete egin dirala.

2013ko Ibilaldia Portugaleten izango da Asti Leku ikastoleak antolatuta.

Arrate Illarok irabazi dau Uribe Kostako Bertsolari Txapelketako finala

Aurrera doa Bizkaiko Eskualdeetako Bertsolari Txapelketea, hain zuzen be zapatuan Uribe Kostako finala jokatu zan Getxon. Arrate Illaro bertsolari getxotarra izan zan irabazle, 408 puntugaz

Del Campo Nazca Saatchi & Saatchi agentzia argentinarra irabazle, El Sol publizidade jaialdian

Del Campo Nazca Saatchi & Saatchi agentzia argentinarrak irabazi dau XXVII. El Sol Iberoamerikako Publizidade Jaialdiko telebisino eta zinema arloko sari nagusia, Padres en slip izeneko iragarkiari esker. Aire girotua iragartzen dau lanak, umorez. Danetara, 18 herrialdetako 2.532 lan izan dira ikusgai egunotan Bilbon.

Txistu Alardea egingo dabe zapatuan Bermeon, Su Ta Gar-eko Aitor Gorosabelegaz batera

Bermeoko XI. Txistu Alardea zapatuan, bagilaren 2an, izango da Artza Frontoian, 20:00etatik aurrera. Udal Musika Eskoleak adierazo dauenez, urtero legez, kantari bati egiten deutsie konbita ospakizunean parte-hartzko, eta aurten, Su ta Gar taldeko kantari eta gitarristea dan Aitor Gorosabel izango da ekitaldian.

Jon Casenavek euskal literaturearen historiari buruzko saiakerea argitaratu dau

Jon Casenavek Euskal literaturaren historiaren historia. Gurea nola konda? saiakerea aurkeztu barri dau. Utriusque Vasconiae etxeak argitaratu dau, Kritika literarioa izeneko bilduman.

'Ronal the Barbarian' filmak irabazi dau VIII. Animabasauri-Animabasque

Salvador Fabregat, Marion Berger, José Luis Cienfuegos, Arkaitz Alastuey eta Beñat Beitia osotutako epaimahaiaren deliberazinoaren ostean, Ronal the barbarian pelikula danimarkarra izan da VIII. Animabasauri-Animabasque, Basauri-Bizkaiko Nazinoarteko Animazino Zinemaldia irabazi dauena.