Cro!, Sanctrum eta Las Casicasiotone, Bilbo Hiria 25. Pop Rock Lehiaketako irabazleak

Astegoienean jokatu dira Bilbo Hiria 25. Pop Rock Lehiaketako finalak. Cro!, Sanctrum eta Las Casicasiotone taldeek irabazi dabe, Pop Rock, Metal eta Beste Joerak kategorietan, hurranez hurran.

Sailkapen faseko kontzertuak lez, Bilborock aretoan egin zan azken fasea. Beste Joerak mailako finala zemendiaren 7an egin zan, Metalekoa 8an eta Pop Rockekoa 9an. Musika-arloko 15 adituk osotutako epaimahaia arduratu da irabazleak aukeratzeaz. Hamar talde heldu ziran finaletara. Pop Rock atalean, Al Berkowitz eta El Bueno, el Feo y el Mena taldeak geratu dira bigarren eta hirugarren. Metalean, 13 Left to Die eta Unbreath izna ziran finalistak.

Cro! galiziarrek eta Sanctrum suediarrek, Pop Rock eta Metaleko irabazleek, 5.000 eurona jasoko ditue. Atal horreetako bigarren eta hirugarren sailkaruek, 2.500 euro eta 1.000 euro, hurranez hurran. Beste Joerak atalean barriz, irabazleak 2.700 euro lortu ditu. Educados bizkaitarrak lehiaketako talde gazte errebelazio onena izan dira, eta 1.000 euroko saria euki dabe.

Bilbo Hiria 25. Pop Rock Lehiaketeak 25 urte bete ditu aurtem. Urteurrena ospatzeko, kontzertu berezi bi egingo dira astegoienean aurreko urteetako irabazleekaz. Barikuan, zemendiak 15, metal kontzertuak izango dira ondoko taldeekaz: OST (9. edizinoan saritua), Rise To Fall (21. edizinoan) eta Ero (23. edizinoan). Eta zapatuan pop rock doinuak izango dira nagusi, Las Culebras (20. edizinoan saritutakoa) MobyDick (22. edizinokoa) eta The Great Barrier (24. edizinokoa) taldeek. Las Culebrasen azkenengo emonaldia izango da, bandea desegin baino lehen. Saio guztiak 20:00etan hasiko dira.

Ikusi argazki guztiak handiago