Getxoko Manga Azokea, zemendiaren 16an eta 17an

| Ikusi handiago | Argazki originala

Manga Azokeak ekialdeko komikia Getxoraino ekarriko dau aurten be. Zapatu-domekan, zemendiaren 16an eta 17an, Areetako Geltokia plazako karpan berbaldiak, erakusketak, tailerrak eta lehiaketak izango dira aukeran.

ALE, Brainstorm, Chikara, Go, Grupo HAL, Han-A, MARU, MOD-PC, Motsukora, Rockoco Girls eta Tetsuo manga alkarteek antolatu dabe Manga Azokea. Jentearen parte-hartzea bultzatu gura dabe antolatzaileek. Halanda ze bisitariek cospla' (mozorroak) eta karaoke lehiaketetan, retro bideojokoen eta Yugi Oh izeneko karta-joko txapelketetan parte hartzeko aukera izango dabe.

Merkataritza gunea 30 saltokik osotuko dabe, bertan batuko dira mangaren eta anime Japoniako animazino zinemearen nobedadeak. Makinatxu bat tailer antolatu ditue, ganera: bento eta okonomiyaki sukaldaritzearen ganekoak, Go ekialdeko estrategia jokoa ikastekoa eta Hama Beads' plastikozko aleez eginiko irudienak. Voodoo Dolls ardi-ulezko andrakoak eta Hana Kanzahashi uleko apaingarriak zelan egiten dira ikasteko aukerea be izango da.

Getxoko Manga Azokako egitarau osoa, hemen.