Aktualitatea

Anarik 'Zure aurrekari penalak' bere bosgarren diskoa kaleratu dau

Bederatzi kantako diskoa da Zure aurrekari penalak (Bidehuts), eta danak Anarik berak idatzi ditu. Berbetan ahalegin berezia egin dauela nabarmendu eban aurkezpenean, gaiak aldatu ez dituan arren. Maiatzaren 21ean, Bilboko Kafe Antzokian aurkeztuko dau behar barria zuzenean.

'Zuri-beltzean klik' argazki zaharren erakusketa ibiltariak Ermuan hasiko dau ibilbidea

Durangaldeko 300dik gora argazki zehar erakusgai ipiniko ditu Gerediaga Alkarteak Zuri-beltzean klik izenburuagaz Durangaldeko herrietara eroango dauen erakusketa ibiltarian. Ermuko liburutegia izango dau erakusketeak lehen geltokia, maiatzaren 7tik 22ra. 

'Mandariinid'

Estonian egindako film hau ez da ahazten dan horreetakoa. Mandariinid pelikuleak (Mandarinas, Hegoaldean) barrukoa ikutu egiten dau derrigor. Zinema-aretotik urten eta ordu batzuk pasau arte, personaiak eta egoerak zure barruan dagoz oraindino.

Euskal egileen hamaika film labur ikusi ahal izango dira barikuan, FANTen inaugurazino ekitaldian

Maiatzaren 8tik 15era egingo dabe FANT, Bilboko Zinemaldi Fantastikoaren 21. ekitaldia. Barikuko inaugurazino ekitaldian, Campos antzokian, aurtengo sail ofizialean aukeratu diran hamaika euskal film laburrak ikusi ahal izango dira. Aurreko urteetan, zinema fantastikoaren ertzak arakatu ditue euskal egileek eta thriller, misterio eta bildurragaz lotutako piezak aurkeztu ditue gehienbat. Aurtengoan, baina, antolatzaileek nabarmendu dabe film laburretan fantasiazko zinemearen sustraietara jo dabela egileek.

Aitor Mazo aktore, gidoilari eta zinema zuzendari bilbotarra hil da

Aitor Mazo Etxaniz (Bilbo, 1961 - 2015eko maiatzaren 7a) aktore, gidoilari eta zinema zuzendaria gaur goizean hilda topau dabe Bilbon, Txurdinagako bere etxean. 

Euskal pianistak izango dira Bilbao Orkestra Sinfonikoaren denporaldi barriko protagonistak

BOSek 2015-2016 denporaldiko egitaraua aurkeztu barri dau. Erik Nielsen orkestrearen zuzendari barriak lehenengoz gidatuko dau BOS, urriaren 8an, Joaquin Atxukarro piano-jolea protagonista izango dan emonaldian. Aurten, ballet ikuskizun bat eskainiko dau orkestreak, Victor Ullate konpainiaren eskutik.

'Teknologia irakaslearen eskura' jardunaldia gaur Azkue Fundazinoak antolatuta

Azkue Fundazinoak antolatuta, gaur, maiatzaren 7an, Teknologia irakaslearen eskura jardunaldia izango da eta aurtengo Jakintza Librearen Jardunaldiaren gaia hezkuntzea izango da. Teknologiaren aplikazinoa didaktika arloan, dinamizazinoan eta eskolak eskaintzerako lanean emon izan diran aldaketak, garapenak eta esperientzia desbardinak ezagutzeko aukerea izango da.

Barikuan estreinauko da 'Tom Txiki eta ispilu magikoa' animazinozko euskerazko pelikulea

Zineuskadiren Zinema Euskaraz programeari esker, Tom Txiki eta ispilu magikoa euskeraz estreinauko da bariikuan Bilbon (Multicines), Donostian (Sade), Florida (Gasteiz) eta Getxoko Kultur Etxean. Ostean, hainbat herritan proiektauko dabe, besteak beste, Bermeon, Elorrion, Muskizen eta Zallan.

Lekeitioko 38. Euskal Zine Bileran parte hartzeko deialdia zabalik dago

Lekeitioko Udalak antolatuta, 38. Euskal Zine Bileran parte hartzeko deialdia zabaldu barri dabe. Irailaren 13a izango da Euskal Zine Bilerearen (EZB) lehiaketan ikus-entzunezko lanak aurkezteko azken eguna. Euskera hutsean egiten dan Euskal Zine Bilera bakarraren 38. edizinoa da aurtengoa.

Hauteskunde sasoian danak eskean...

Euskal zinemagintzearen historia aztertuko dabe egunotan Chicagon

Etxepare Euskal Institutuak Chicagoko Unibersidadean daukan Koldo Mitxelena Katedrearen 2015-2016 programa akademikoa abiatzear da. Euskal zinema: historia politiko eta kultural batizenburuko ikastaroa ipiniko dabe martxan gaur bertan Pilar Rodriguez Deustuko Unibersidadeko irakasleak eta Rob Stone  Birminghameko irakasleak.

Hamabi ikuskizun egongo dira Arrigorriagako Clown eta Pailazoen Jaialdian

Maiatzaren 8tik 10era bitartean egingo da topaketearen 20. ekitaldia. Bertoko eta atzerriko konpainia eta artisten eskutik, dozena bat ikuskizun egongo dira egitarauan. Ganera, tailerrak eta erakusketa bat be antolatu ditue. Arrigorriagako Clown eta Pailazoen Nazinoarteko Jaialdiko ekitaldi guztiak, urtero legez, dobakoak izango dira.

Musikene ikastegiko musikari gazteak protagonista, Bilboko Udal Musika Eskolako kontzertu zikloan

Danetara, lau kontzertu eskainiko ditue Musikeneko ikasleek, eta lehenengo gaur izango da, BilbaoMusikako Auditorioan, 19:30ean. Silenzio Contemporánea ganbera musika hirukotea izango da gaurko saioko protagonistea. Sarrera debalde da.

Larrabetzuko Azurmendi jatetxea, Europako onena

Eneko Atxa kozineru zornotzarraren Azurmendi jatetxea Europako 2015eko jatetxe onena izentau dabe, Steve Plotnicki OAD (Opinionated About Dining) gidearen sortzaileak jakinarazo dauenez.

Jesus Hermida kazetaria hil da

Jesus Hermida telebistako aurkezle eta kazetari historikoa 77 urte zituala hil da gaueko lehen orduan, Madrilen. Familiak jakinarazo dauenez, garun-infartu baten ondorioz hil da.

AEK-k udako matrikulazino kanpainea abiarazo dau

Informazino gehiago eskuratu edo izena emon nahi dauenak, ondoko bide honeek ditu eskura: 946 464 000 edo 673 200 100 telefono zenbakiak; AEK-ko edozein euskaltegira joatea; www.aek.eus webgunea; eta udabarnetegiak@aek.org posta elektronikoa.