Jose Ramon Anda eskultore nafarraren erakusketea ipini dabe Arte Ederren Museoan
2012-05-07 15:34 Kulturea
Artisteak berak be onartu dau berezia dala Bilbon bere 40 obra erakusketeko aukerea, aspaldiko amesa izan da, ilusino handia daukat, urte askoren ostean hau ikusi ahal izatea gauza handia da. Irailaren 9ra arte egongo da erakusketea Bilbon.
Inbersinorik onena hezkuntzea dala aldarrikatu dabe Euskal Eskola Publikoko arduradunek
2012-05-03 15:27
Eskola publikoa gizarte osoaren ardurea dala eta herritar guztien artean eregi behar dala be azpimarratu dau BIHEko kide Josu Etxaburuk.
Ramuntxo Bidart: 'Kulturearen bidez, herriari mobidu eragin nahi deutsagu'
2012-04-27 15:25 Barriketan
Basaizea alkarteko lehendakaria
Angel Ortiz Alfau idazlea omendu dabe Bilbon, Liburuaren Nazinoarteko Egunaren harira
2012-04-23 15:32 Kulturea
Urtero lez, Berastegi kalean ipini ditue liburu azokako mahaiak gaur. Gabeko bederatzirak arte, ia 30 argitaletxetako eskaintzea ikusi ahal izango da. Toti Martinez de Lezea, Ramon Saizarbitoria, Jon Arretxe eta abar liburuak sinatzen eta irakurleakaz berbetan dabilzala be iragarri dabe antolatzaileek. Ganera, aurten, Angel Ortiz Alfauri omenaldia egin deutsie, haren heriotzearen hamargarren urteurrenean.
Kaleko arteen topagune izan gura dau Artekale Egunak, Otxandion apirilaren 29an
2012-04-18 15:47 jardunaldiak
Artekalek lehenengo aldiz antolatu dau topaketea eta, artistak eurak ez eze, konpainiak, produktoreak eta ganerako eragileak be konbidau ditue, sektoreko kideentzako topagune bihurtu gura dabe Otxandio. Herritar guztiei be zabaldu deutsie deia, edade guztietako publikoari zuzendutako ikuskizunak iragarri ditue-eta apirilaren 29rako, 13 konpainiaren eskutik.
Kanpoko eta bertoko musikariek joko dabe Bilbao Distrito Jazz jaialdian
2012-03-07 14:23 Musikea
Martiaren 9an hasiko da eta sei saio izango dira danetara, martiko eta apirileko barikuetan. Aurreko urteetan legez, Bilbao Distrito Jazz jaialdiaren 13. edizino honetan, Bizkaiko uriburuko auzo ugaritara eroango ditue jazz doinuak. Sarrerea librea eta dobakoa izango da, aretoak bete arte.
Arte Bizia plataformeak zuzeneko ikuskizunen egoera larria salatu dau
2012-03-06 14:21 kulturbiz
Krisi ekonomikoaren atxakian, azkenaldion murrizketa handiak egin ditue erakunde publikoek, bai zuzeneko emonaldiak kontratetako orduan bai dirulaguntzetan be. Holan, hainbat alkartetako ordezkariek agerraldia egin dabe Bilbon, Arte Bizia plataformearen izenean bat eginda, eta urtenbidea eskatu dabe, sektorea ez daiten hondoratu. Ordezkari publikoakaz preminazko batzarrak nahi ditue, eta zuzeneko arteei eusteko plangintza zehatza.
AEBetako literaturea izango da aurtengo Gutun Zuria jaialdiaren ardatza
2012-02-27 13:29 jardunaldiak
AEBetako literaturea ardatz, aurtengo gaia, ezkutuko hitzak izango dira, hau da, literatur lanetan esaten ez dana, guzurraren tratamendua, errealidadea eta abar jorratuko ditue apirilaren 19tik 22ra.
Ke No Falte bueltan da, hamarkada luze baten ostean
2012-02-22 14:35 Musikea
Hurrengo emonaldia Bergaran egingo dabe, martiaren 2an. Ganera, berragerpena ez ei da une bateko kontu laburra izango, disko gehiago plazaratzeko konposizino lanetan hasita dagozala adierazo dabe taldekideek. 2013an, taldearen 20. urteurrenean, zeozer berezia egiteko asmoa be iragarri dabe.
XIX. mendearen bigarren erdiko errusiar musikariak protagonista, 'Musika-Música' jaialdian aurten
2012-02-15 14:38 Musikea
Bilbao 700 Fundazinoak antolatuta, martiaren 2an, 3an eta 4an, Bilboko Euskalduna jauregian, 69 kontzertu egongo dira, Errusiako distira lelopean. Izan be, 2012an, Errusiako nazionalismo musikalaren ordezkariek konposatutako piezak izango dira Musika-Música jaialdiaren ardatza.
Lehenengo disko luzea aurkeztu dau Enkore taldeak, 'Faktore komunak' izenekoa
2012-02-14 14:42 Musikea
Enkore taldeak melodiatik abiatutako lana osotu dau eta estilo askotako doinuak nahastu ditue, hardcore erakoa nagusi dala. 2009an taldea sortu genduanetik euki dogun amesa bete dogu diskoagaz, adierazo dau Xabi abeslari eta gitarrajoleak. Ganera, barikuan, kontzertua emongo dabe Bilborocken, kanta barriak zuzenean aurkezteko.
Erdi Aroko doinuetan arakatu dau Khantoria hirukoteak, Bereterretchen oinatzak diskorako
2012-02-09 14:52 Musikea
Ikerketa lan sakona egin dau Khantoria hirukoteak Berreteretchen oinatzak diskorako, lan hau, disko hutsa baino, azterlan osoa da, nabarmendu dau Ander Berrojalbizek. Artxibo, liburutegi eta abarretan bilatu eta gero, IV. mendeko Milaneko melodia horren zatiak daukiezan hainbat kanta topau ditue Erdi Aroko errepertorioan eta diskorako moldatu ditue.
Gizontasunaren ereduak aztertu ditu Julen Gabiria idazleak umeentzako liburu barrian
2012-02-07 14:38 Kulturea
Gizontasun ereduen inguruko hausnarketea da, funtsean, liburua, baina ez bakarrik aitatasunagaz lotuta, gizartean oro har gizonari ezartzen jakozan egitekoez be jarduten da Julen Gabiria.
Tanttaka konpainiaren 'Ipar haizearen kontra', euskal antzezlanik onena, Ercilla sarietan
2012-02-01 14:41 sariak-autortzak
Julieta Serrano eta Carmelo Gomezek urteko aktore onenaren saria eskuratu dabe, emakumezkoen eta gizonezkoen alorrean, hurranez hurran. Ibilbide artistiko osoari saria Gemma Cuervori emongo deutsie. Martiaren 13an izango da sari-banaketea, Bilbon.
Urte gatxa izan arren, Euskaldunak superatibagaz amaitu dau 2011
2012-01-25 14:17 kulturbiz
Guztira, 870 ekitaldi egon dira, bai kultur arlokoak eta baita biltzarrak be. Ezelako diru-laguntza publikorik hartu barik, superabita euki dau Euskaldunak. Kontuan hartuta krisi ekonomikoan bete-betean sartuta gagozala eta, ganera, 2011n handitze-obrek Euskaldunaren jarduerea mugatu dabela, ontzat joteko moduko datuak dira, Jauregiko arduradunen arabera.
Antartikako zeharkaldia uste baino gogorragoa izan dala eta ikarea pasau dabela autortu dabe Vallejo, Iñurrategi eta Zabalzak
2012-01-17 14:47
Eurak baino lehen, beste zortzi personak baino ez dabe Antartika alderik alde zeharkatu eta Iñurrategi, Zabalza eta Vallejoren bidea barria da, inork lehenago egin bakoa. Orain, hau guztia gizarteari transmitidu beharko deutsazue, hori be erronka bat da, esan deutso Juanjo San Sebastian BBK-koak hirukoteari.
Ume eta gazteen parte-hartzea bultzatzea dau helburu Ikusi eta Ikasi programeak aurten
2012-01-10 13:52 Euskerea berbagai
Familia barruan, euskerearen erabilerea bultzatzeko asmoz antolatzen dogu zirkuitua, azaldu dau Sabin Anuzita Bilboko Udaleko Euskera Zinegotziak. Holan, ikuskizun guztiak euskeraz dira eta gurasoentzat antolatutako tailerrak be, etxean euskerearen erabilerea zabaltzeko izaten dira.
Alex Txikon barriro ahaleginduko da Gasherbrum-I mendia neguan igoten
2012-01-09 14:50
Asteon, urtarrilaren 12an abiatuko da Alex Txikon Pakistanera, Carlos Suarez, Nisar Husein, Darek Zaluski eta Hahlen Cederic taldekideakaz batera.
Kukutza gaztetxea hustu ebeneko kronikak eta gogoetak liburu baten batu ditue
2011-12-23 14:34
Kukutza gaztetxea, ellos por dinero, nosotras por placer lana, batez be, burruka liburua dala aitatu dau Jon Jimenez Txalaparta argitaletxeko kideak, irailean Kukutzaren hutsitze prozesuan bizitakoa ez eze, Errekalden gaztetxeak egindako lana eta okupazino mobimentuaren ereduak Bilbo moduko uri bati ekarten deutsan onurea batu ditue-eta.
Anselmo Guinea, Goya eta Botero, 2012an Arte Ederren Museoan
2011-12-22 14:30 Kulturea
2011ko behin behineko balantzea be egin dau Javier Viar zuzendariak, balorazino positiboa duda barik: Orain arte, 244.000 bisitari euki ditue, aurrikusitakoa baino gehiago. Antonio Lopezen erakusketea arrakasta handiz etorri da Bilbora eta Arte Ederren Museoko erakusketarik jentetsuena izanteko bidean da, orain arte 128.000 bisitari erakarri ditu eta.
_sidebar.png)
Bakotxari berea... Eskerrik asko Adolfo zuzenketeagaitik. Eutsi goiari!!!
»» Idatz eta Mintz literatur aldizkaria ...